National Sports Award 2023: షమీతో సహా 26 మందికి అర్జున్ అవార్డు, సాత్విక్-చిరాగ్‌కు ఖేల్ రత్న..
By Rajesh Karampoori | First Published Dec 21, 2023, 4:19 AM ISTNational Sports Award 2023: క్రీడా పురస్కారాలను కేంద్ర క్రీడా మంత్రిత్వ శాఖ ప్రకటించింది. భారత స్టార్ ఫాస్ట్ బౌలర్ మహమ్మద్ షమీ సహా 26 మంది ఆటగాళ్లను అర్జున అవార్డుతో సత్కరించనున్నారు. అదే సమయంలో దేశ అత్యున్నత క్రీడా పురస్కారం మేజర్ ధ్యాన్ చంద్ ఖేల్ రత్న అవార్డుకు భారత స్టార్ బ్యాడ్మింటన్ జోడీ రంకిరెడ్డి సాత్విక్ సాయిరాజ్‌- చిరాగ్ శెట్టి ఎంపికయ్యారు.
National Sports Award 2023: క్రీడా పురస్కారాలను కేంద్ర క్రీడా మంత్రిత్వ శాఖ ప్రకటించింది. భారత స్టార్ ఫాస్ట్ బౌలర్ మహమ్మద్ షమీ సహా 26 మంది ఆటగాళ్లను అర్జున అవార్డుతో సత్కరించనున్నారు. అదే సమయంలో దేశ అత్యున్నత క్రీడా పురస్కారం మేజర్ ధ్యాన్ చంద్ ఖేల్ రత్న అవార్డుకు భారత స్టార్ బ్యాడ్మింటన్ జోడీ రంకిరెడ్డి సాత్విక్ సాయిరాజ్‌- చిరాగ్ శెట్టి ఎంపికయ్యారు.వీరిద్దరూ ప్రపంచ వ్యాప్తంగా బ్యాడ్మింటన్ డబుల్స్‌లో భారత్‌కు కీర్తి ప్రతిష్టలు తీసుకొచ్చారు. క్రీడా మంత్రిత్వ శాఖ ఈ పేర్లన్నింటినీ ధృవీకరించింది.
జనవరి 9న దిల్లీలో క్రీడాకారులందరినీ సన్మానించి, రాష్ట్రపతి ద్రౌపది ముర్ము క్రీడాకారులకు పురస్కారాలు అందజేస్తారు. క్రీడా మంత్రిత్వ శాఖ ప్రకారం.. 26 మంది అథ్లెట్లను అర్జున అవార్డుతో సత్కరించనున్నారు. సత్కరించే క్రీడాకారులను ఆ సంవత్సరం వారి ప్రదర్శన ఆధారంగా ఎంపిక చేస్తారు. క్రీడా శాఖ అతని పేరును సిఫారసు చేస్తుంది. అదేసమయంలో అర్జున్ అవార్డుల గ్రహీతల జాబితాలో లాంగ్ జంప్ అథ్లెట్ శ్రీశంకర్, స్టార్ పారా అథ్లెట్ శీతల్ దేవి, స్టార్ మహిళా హాకీ ప్లేయర్ సుశీలా చాను సహా 26 మంది అథ్లెట్లు ఉన్నారు.
Latest Videos
undefined
క్రీడా మంత్రిత్వ శాఖ ప్రకారం, వివిధ కమిటీల సిఫార్సుల ఆధారంగా మరియు సమగ్ర విచారణ తర్వాత, ప్రభుత్వం ఈ అవార్డుకు ఆటగాళ్లను, కోచ్‌లు మరియు సంస్థలను ఎంపిక చేసింది. గౌరవించాల్సిన ఆటగాళ్లు, కోచ్‌లు మరియు సంస్థల జాబితాను కూడా మంత్రిత్వ శాఖ విడుదల చేసింది. ఈ క్రీడాకారులను జాతీయ క్రీడా అవార్డుల్లో సత్కరించనున్నారు
ఖేల్ రత్న అవార్డు గ్రహీతలు వీరే..
- చిరాగ్ శెట్టి -సాత్విక్‌సాయిరాజ్ రంకిరెడ్డి (బ్యాడ్మింటన్)
అర్జున్ అవార్డు గ్రహీతలు వీరే..
- ఓజస్ ప్రవీణ్ దేవతాలే (ఆర్చరీ)
- అదితి గోపీచంద్ స్వామి (ఆర్చరీ)
- మురళీ శ్రీశంకర్ (అథ్లెటిక్స్‌)
- పారుల్‌ చౌదరి (అథ్లెటిక్స్‌)
- మహ్మద్ హుసాముద్దీన్ (బాక్సింగ్)
- ఆర్ వైశాలి (చెస్)
- మహ్మద్ షమీ (క్రికెట్)
- అనుష్క అగర్వాల్ (గుర్రపు స్వారీ)
- దివ్యకృతి సింగ్ (ఈక్వెస్ట్రియన్ డ్రెస్సేజ్)
- దీక్షా దాగర్ (గోల్ఫ్)
- కృష్ణ బహదూర్ పాఠక్ (హాకీ)
- సుశీల చాను (హాకీ)
- పవన్ కుమార్ (కబడ్డీ)
- రీతూ నేగి (కబడ్డీ)
- సరీన్ (ఖో-ఖో)
- పింకీ (లాన్ బాల్స్)
- ఐశ్వర్య ప్రతాప్ సింగ్ తోమర్ (షూటింగ్)
- ఇషా సింగ్ (షూటింగ్)
- హరీందర్ పాల్ సింగ్ (స్క్వాష్)
- అహికా ముఖర్జీ టేబుల్ (టెన్నిస్)
- సునీల్ కుమార్ (రెజ్లింగ్)
- అంతిమ (కుస్తీ)
- నౌరెం రోషిబినా దేవి (వుషు)
- శీతల్ దేవి (పారా ఆర్చరీ)
- అజయ్ కుమార్ (బ్లైండ్ క్రికెట్)
- ప్రాచీ యాదవ్ (పారా కానోయింగ్)
ద్రోణాచార్య అవార్డు గ్రహీతలు వీరే..
- లలిత్‌ కుమార్ (రెజ్లింగ్)
- ఆర్.బి.రమేశ్‌ (చెస్)
- మహావీర్‌ ప్రసాద్‌ సైని (పారా అథ్లెటిక్స్‌)
- శివేంద్ర సింగ్ (హాకీ)
- గణేశ్‌ ప్రభాకర్‌ (మల్లఖంబ్‌)
ద్రోణాచార్య అవార్డు (జీవితకాల పురస్కారం):
- జస్‌కీరత్‌ సింగ్ గ్రేవాల్‌ (గోల్ఫ్)
- భాస్కరన్‌ (కబడ్డీ)
- జయంత కుమార్ పుషిలాల్‌ (టేబుల్ టెన్నిస్)
ధ్యాన్‌చంద్‌ అవార్డు (జీవితకాల సాఫల్య పురస్కారం):
- మంజుష కన్వర్‌ (బ్యాడ్మింటన్)
- వినీత్‌ కుమార్‌శర్మ (హాకీ)
- కవిత సెల్వరాజ్‌ (కబడ్డీ)
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి