IND vs SA: కోహ్లీ-రోహిత్ చేయలేనిది.. దక్షిణాఫ్రికా గడ్డపై రాహుల్ సాధించాడు.
By Rajesh Karampoori | First Published Dec 18, 2023, 4:12 AM ISTIND vs SA: సౌతాఫ్రికా పర్యటనలో వన్డే కెప్టెన్ గా టీమిండియాను నడిపిస్తున్న కేఎల్ రాహుల్ అరుదైన ఘనతను సొంతం చేసుకున్నాడు. మూడు వన్డేల సిరీస్‌లో భాగంగా ఆదివారం సౌతాఫ్రికాతో జరిగిన మ్యాచ్‌లో టీమిండియా 8 వికెట్ల తేడాతో గెలుపొందింది. ఈ విజయం ద్వారా కేఎల్ రాహుల్ ఓ సరికొత్త రికార్డును తన పేరిట లిఖించుకున్నారు. సౌతాఫ్రికాలో పింక్ వన్డే గెలిచిన తొలి భారత కెప్టెన్‌గా చరిత్రకెక్కాడు.
IND vs SA: వన్డే క్రికెట్‌లో పింక్ వన్డేలో దక్షిణాఫ్రికాను ఓడించిన తొలి భారత కెప్టెన్‌గా కెప్టెన్ కేఎల్ రాహుల్ నిలిచాడు. రాహుల్ కంటే ముందు ఏ భారత కెప్టెన్ కూడా ఈ ఘనత సాధించలేకపోయాడు. అలాగే.. కెఎల్ రాహుల్ కెప్టెన్‌గా భారత జట్టు అంతర్జాతీయ క్రికెట్‌లో వరుసగా 10వ విజయాన్ని సాధించాడు. తొలి వన్డేలో భారత్ 8 వికెట్ల తేడాతో దక్షిణాఫ్రికాపై విజయం సాధించింది.
జోహన్నెస్‌బర్గ్‌లో జరిగిన తొలి వన్డేలో టీమిండియా 8 వికెట్ల తేడాతో దక్షిణాఫ్రికాపై విజయం సాధించింది. అర్ష్‌దీప్‌ సింగ్, అవేశ్‌ఖాన్‌ల దూకుడుతో ఆతిథ్య జట్టు బ్యాటింగ్ ఆర్డర్‌ పేకమేడలా పడగొట్టారు. దీంతో సఫారీ జట్టు కేవలం 116 పరుగులకే కుప్పకూలింది. దక్షిణాఫ్రికా గడ్డపై టీమిండియా అతిపెద్ద విజయాన్ని నమోదు చేసింది. జోహన్నెస్‌బర్గ్‌లో విజయంతో ఇప్పటి వరకు భారత్‌లో ఏ కెప్టెన్ చేయలేని అపూర్వ రికార్డు కెప్టెన్ కేఎల్ రాహుల్ పేరిట నమోదైంది.
Latest Videos
undefined
రాహుల్ పేరిట నయా రికార్డు
కెప్టెన్‌గా, పింక్ ODIలో దక్షిణాఫ్రికాను ఓడించిన మొదటి భారత కెప్టెన్‌గా KL రాహుల్ నిలిచాడు. రాహుల్ కంటే ముందు ఏ భారత కెప్టెన్ కూడా ఈ ఘనత సాధించలేకపోయాడు. కెఎల్ రాహుల్ కెప్టెన్‌గా భారత జట్టు అంతర్జాతీయ క్రికెట్‌లో వరుసగా 10వ విజయాన్ని సాధించాడు. తొలుత బ్యాటింగ్ చేసిన దక్షిణాఫ్రికా జట్టు మొత్తం 116 పరుగులకే ఆలౌటైంది. అరంగేట్రం చేసిన సాయి సుదర్శన్‌, శ్రేయాస్‌ అయ్యర్‌ అర్ధ సెంచరీల ఆధారంగా భారత్ కేవలం 16.4 ఓవర్లలో 117 పరుగుల లక్ష్యాన్ని ఛేదించింది.
టీమ్ ఇండియా అతిపెద్ద విజయాన్ని నమోదు చేసింది. దక్షిణాఫ్రికాతో జరుగుతున్న తొలి వన్డేలో భారత జట్టు 117 పరుగుల లక్ష్యాన్ని 200 బంతులు మిగిలి ఉండగానే అందుకుంది. దక్షిణాఫ్రికా గడ్డపై బంతుల పరంగా ఆతిథ్య జట్టుపై వన్డే క్రికెట్‌లో ఇదే అతిపెద్ద విజయం. దీంతో వన్డే క్రికెట్‌లో భారత్ నాలుగో అతిపెద్ద విజయాన్ని కూడా చవిచూసింది.
దక్షిణాఫ్రికాకు రెండో అతిపెద్ద ఓటమి
వన్డే క్రికెట్‌లో బంతుల పరంగా దక్షిణాఫ్రికా జట్టు రెండో అతిపెద్ద ఓటమిని చవిచూసింది. 2008లో ఇంగ్లండ్ 215 బంతులు మిగిలి ఉండగానే దక్షిణాఫ్రికాను ఓడించగా, భారత్ 200 బంతులు మిగిలి ఉండగానే ఆతిథ్య జట్టును ఓడించింది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి