Mohammed Shami: వన్డే వరల్డ్ క‌ప్ చరిత్రలో అత్యంత వేగంగా 50 వికెట్లు తీసిన బౌలర్.. మహ్మద్ షమీ రికార్డుల మోత‌

India vs New Zealand: భారత క్రికెట్ కు బుధ‌వారం చ‌రిత్ర‌లో నిలిచిపోయే రోజు. తొలుత విరాట్ కోహ్లీ వన్డేల్లో 50వ సెంచరీతో స‌చిన్ రికార్డును తిర‌గ‌రాశాడు. అలాగే, భారత్ 397 పరుగుల భారీ స్కోర్ సాధించి న్యూజీలాండ్ పై  70 పరుగుల తేడా గ్రాండ్ విక్ట‌రీతో ఫైనల్ లోకి దూసుకెళ్లింది. సెమీఫైనల్‌లో మహ్మ‌ద్ ష‌మీ 7/57 తో రాణించి స‌రికొత్త రికార్డు సృష్టించాడు.     

Mohammed Shami records best ODI bowling: ఐసీసీ క్రికెట్ వ‌న్డే వ‌ర‌ల్డ్ క‌ప్ 2023లో భాగంగా బుధవారం న్యూజిలాండ్ తో జరిగిన సెమీఫైనల్లో భారత పేసర్ మహ్మద్ షమీ చారిత్రాత్మక మైలురాయిని చేరుకోవడంతో వన్డే ప్రపంచకప్ లో అతని అద్భుత ప్రయాణం అనేక  కొత్త రికార్డులు సృష్టించింది. కుడిచేతి వాటం పేసర్ షమీ ప్రపంచకప్ లో అత్యంత వేగంగా 50 వికెట్లు తీసిన బౌలర్ గా చరిత్రలో తన పేరును లిఖించుకున్నాడు. న్యూజీలాండ్ తో సెమీఫైన‌ల్ మ్యాచ్ సంద‌ర్భంగా ముంబ‌యిలోని వాంఖడే స్టేడియంలో టామ్ లాథమ్ ను ఔట్ చేసి స్టంప్స్ ముందు నిలబెట్టి ఈ ఘనత సాధించాడు. షమీ 17 ఇన్నింగ్స్ లో ఈ ఘనత సాధించి గతంలో ఆస్ట్రేలియా పేసర్ మిచెల్ స్టార్క్ పేరిట ఉన్న రికార్డును బద్దలు కొట్టాడు.

మహ్మద్ షమీ 17 ఇన్నింగ్స్‌ల్లో అత్యంత వేగంగా 50 వికెట్లు తీసిన‌ ఘనత సాధించాడు. ఈ  మైలురాయిని చేరుకోవడానికి 19 ఇన్నింగ్స్‌లు తీసుకున్న ఆస్ట్రేలియా పేస్ స్పియర్‌హెడ్ మిచెల్ స్టార్క్ పేరిట ఉన్న రికార్డును బద్దలు కొట్టాడు. షమీ 795 బంతుల్లో 50 వికెట్లు సాధించగా, స్టార్క్ 941 బంతుల్లో 50 వికెట్లు తీశాడు. ప్రపంచ కప్‌లో 50 వికెట్లు పూర్తి చేసిన మైలురాయిని అందుకున్న మొదటి భారతీయ బౌలర్, మొత్తంగా ఏడవ బౌలర్ గా ష‌మీ రికార్డు నెల‌కొల్పాడు. దీనికి తోడూ షమీ తన కెరీర్‌లో 7/57తో తన కెరీర్‌ అత్యుత్తమ గణాంకాలను నమోదు చేయడం ద్వారా న్యూజిలాండ్‌పై 70 పరుగుల గ్రాండ్ విక్ట‌రీతో భారత్ ఫైనల్‌కు చేరుకోవడంలో సహాయపడింది. దీంతో మొత్తం ప్రపంచకప్ చరిత్రలో స్టార్క్ రికార్డును అధిగమించి షమీ నాలుగో సారి వికెట్లు పడగొట్టాడు.

దీంతో పాటు, టోర్నమెంట్‌లోని మొదటి నాలుగు మ్యాచ్‌లకు బెంచ్‌లో ఉన్న షమీ, ఆరు మ్యాచ్ ల‌లో  మూడు సార్లు ఐదు వికెట్లు ప‌డ‌గొట్టాడు. మొత్తంగా ఇప్పటివరకు 23 వికెట్లు పడగొట్టిన షమీ కంటే ముందు ఆసీస్ దిగ్గజం గ్లెన్ మెక్‌గ్రాత్ 71 వికెట్లతో అగ్రస్థానంలో ఉండగా, శ్రీలంక దిగ్గజం ముత్తయ్య మురళీధరన్ (68) రెండో స్థానంలో ఉన్నారు.