ఐపీఎల్ లో 94 మ్యాచ్ లు?
సారాంశం
ప్రస్తుతం సీజన్కు 74 మ్యాచ్లుగా ఉన్న ఐపీఎల్ మ్యాచ్ల సంఖ్యను 2028 నాటికి 94కి పెంచాలని బీసీసీఐ యోచిస్తోంది.
ఇండియన్ ప్రీమియర్ లీగ్ (ఐపీఎల్)లో 2028 నాటికి 94 మ్యాచ్లు జరపాలని భావిస్తున్నారు. కానీ టైట్ షెడ్యూల్, బ్రాడ్ కాస్టర్స్ డబుల్-హెడర్లపై అనాసక్తి ప్రదర్శిస్తున్నారు. దీని వల్ల ఐపీఎల్లో అధిక మ్యాచ్ లు పెట్టడం ఇప్పుడు సాధ్యపడటం లేదు. అయితే, భవిష్యత్తులో ఈ మ్యాచ్ లను పెంచే అవకాశం ఉంది.
ఐపీఎల్ మార్చి మధ్య నుండి మే చివరి వరకు నడుస్తోంది. తదుపరి రెండు సంవత్సరాలకు ఫ్యూచర్ టూర్స్ ప్రోగ్రామ్ (FTP)లో ఎలాంటి మార్పు ఉండదు. దీంతో ఇఫ్పుడు జరిగినన్ని మ్యాచ్ లే జరుగుతాయి.
అయితే 2028లో ప్రారంభమయ్యే ఐపీఎల్ కోసం 94 మ్యాచ్లతో పూర్తి హోమ్-అండ్-అవే ఫార్మాట్కు టోర్నమెంట్ను విస్తరించడం గురించి బీసీసీఐ తీవ్రంగా ఆలోచిస్తోంది. ఈ విషయాన్ని ఐపీఎల్ ఛైర్మన్ అరుణ్ ధుమాల్ ESPNcricinfoతో చెప్పారు.
"ఖచ్చితంగా, అది ఒక అవకాశం కావచ్చు," అని ధుమాల్ అన్నారు.
"మేము ICCలో చర్చిస్తున్నాము, ద్వైపాక్షిక, ICC ఈవెంట్లకు సంబంధించి, ఫ్రాంచైజ్ క్రికెట్, T20 క్రికెట్కు సంబంధించి అభిమాని ఆసక్తి ఎలా మారుతోందో చూస్తే, మేము దాని గురించి మరింత మాట్లాడాలి," అని ఆయన అన్నారు.
" మేము ఎక్కువ మ్యాచ్ ల విండోను కోరుకుంటున్నాము, ఏదో ఒక సమయంలో 74 నుండి 84 లేదా 94 మ్మాచ్ లకు వెళ్లాలనుకుంటున్నాము. ప్రతి జట్టు ప్రతి జట్టుతో హోమ్, అవేలో ఆడటానికి, 94 మ్యాచ్ లు అవసరం," అని ఆయన పేర్కొన్నారు.
సీజన్కు 94 ఐపీఎల్ మ్యాచ్లు సాధ్యమేనా?
క్రికెట్ బోర్డులు తదుపరి FTPని ప్లాన్ చేసినప్పుడు వచ్చే ఏడాది ఐపీఎల్ గురించి చర్చిస్తారు. అభిమానులు 94-మ్యాచ్ సీజన్ను ఇష్టపడుతున్నా.. బ్రాడ్ కాస్టర్లు ఆసక్తి చూపాల్సి ఉంటుంది. సాధారణంగా ఐపీఎల్ సీజన్ మధ్యలో వీక్షకులు తగ్గుతారు. చాలా మ్యాచ్లతో అభిమానులు అలసిపోవడం ఒక కారణమని బ్రాడ్ కాస్టర్లు చెబుతున్నారు. 2025 ఐపీఎల్ తొమ్మిది వారాలు ఉంటుంది, 12 డబుల్-హెడర్లు ఉన్నాయి. పూర్తి హోమ్-అండ్-అవే సీజన్కు విస్తరించడానికి అంతర్జాతీయ క్యాలెండర్కు మరో రెండు వారాలు జోడించాల్సి ఉంటుంది.
జట్ల మధ్య బలమైన పోటీ , యువ భారతీయ ఆటగాళ్ల పెరుగుదలను ప్రశంసిస్తూ ధుమాల్ 2025 ఐపీఎల్ సీజన్ను విజయవంతంగా అభివర్ణించారు. ఈ సీజన్లో ఇంతకు ముందు ఐపీఎల్ గెలవని జట్టు ఛాంపియన్గా నిలిస్తే చాలా బాగుంటుందని కూడా ఆయన అన్నారు, ఢిల్లీ క్యాపిటల్స్ (DC), రాయల్ ఛాలెంజర్స్ బెంగళూరు (RCB), పంజాబ్ కింగ్స్ (PBKS) లక్నో సూపర్ జెయింట్స్ (LSG) అన్నీ ఇప్పటికీ ప్లేఆఫ్ స్పాట్ కోసం పోరాడుతున్నాయి.