కరోనా మరణాల్లో న్యూయార్క్ రికార్డ్.. 24గంటల్లో 731మంది
By telugu news team | First Published Apr 8, 2020, 8:23 AM ISTకరోనా కట్టడి విషయంలో దేశ అధ్యక్షుడు ట్రంప్ ఉదాసీనతగా వ్యవహరించడం తో ఇప్పుడు కరోనా అక్కడ విలయతాండవం చేస్తుంది. ఇంత జరుగుతున్న కూడా ఇప్పటికీ కొన్ని రాష్ట్రాల్లో లాక్ డౌన్ ను విధించకపోవడం గమనార్హం.
అమెరికాలో పరిస్థితి రోజురోజుకూ దారుణంగా మారుతోంది. కరోనా బారిన పడి మరణించిన వారి సంఖ్య అమెరికా వ్యాప్తంగా పది వేలు దాటింది. న్యూయార్క్‌లో పరిస్థితి మాటల్లో చెప్పలేని విధంగా ఉంది. ఇప్పటికే పదివేలకు పైగా మరణాలు నమోదవ్వగా.. అందులో అధికంగా న్యూయార్క్ లోనే ఉండటం గమనార్హం.
Also Read కరోనాకు సెకండ్ వ్యాక్సిన్: రంగంలోకి అమెరికా కంపెనీ.. డిసెంబర్‌ నాటికి వినియోగంలోకి...
Latest Videos
undefined
తాజాగా కరోనా మరణాల్లో న్యూయార్క్ రికార్డు నెలకొంది. కేవలం 24గంటల్లో న్యూయార్క్ లో 731 మంది ప్రాణాలు కోల్పోయారు. గడిచిన 24 గంటల్లో రికార్డు స్థాయిలో న్యూయార్క్ లో 731 కరోనా మరణాలు సంభవించాయని గవర్నర్ ఆండ్రూ క్యూయోమో వెల్లడించాడు.
దాంతో న్యూయార్క్ లో కరోనా మరణాల సంఖ్య 6159 కుచేరింది. కాగా.. అతి కొద్ది కాలంలోనే అమెరికా లో లక్షకు పైగా మరణిస్తారని అక్కడి మెడికల్ అడ్వైసరి అంచనా వేసింది.
కరోనా కట్టడి విషయంలో దేశ అధ్యక్షుడు ట్రంప్ ఉదాసీనతగా వ్యవహరించడం తో ఇప్పుడు కరోనా అక్కడ విలయతాండవం చేస్తుంది. ఇంత జరుగుతున్న కూడా ఇప్పటికీ కొన్ని రాష్ట్రాల్లో లాక్ డౌన్ ను విధించకపోవడం గమనార్హం.
న్యూయార్క్‌లో చనిపోయిన వారిని పూడ్చటానికి స్థలాలు కూడా సరిపోవడం లేదంటే పరిస్థితి ఏ విధంగా ఉందో అర్థం చేసుకోవచ్చు. ఈ నేపథ్యంలో ప్రభుత్వం, అధికారులు ముందస్తు చర్యలను ప్రారంభించారు. మృతుల సంఖ్య భారీగా పెరిగితే హార్ట్ ఐల్యాండ్‌లో, అవసరమైతే పబ్లిక్ పార్క్‌లలో మృతదేహాలను పూడ్చనున్నట్టు అధికారులు వెల్లడించారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి