టార్గెట్ 2030: ప్రపంచంలోనే టాప్ 5 ఫార్మా కంపెనీల్లో ఒకటి అయ్యేందుకు Dr. Reddy's కొత్త విస్తరణ ప్లాన్స్ ఇవే..

Dr. Reddy's ల్యాబ్స్ తన వ్యాపారాన్ని విస్తరించేందుకు కొత్త రంగాల్లో ప్రవేశిస్తోంది. తాజాగా పోషకాహార రంగంలో ఆదాయాన్ని రెండింతలు చేసుకునేందుకు సిద్ధం అవుతోంది. ఇప్పటికే ఉన్నటువంటి ఫార్మాస్యుటికల్స్ తో పాటు న్యూట్రిషనల్, అలాగే ట్రేడ్ జెనరిక్ విభాగంలో ప్రవేశించి సత్తా చాటేందుకు ప్రయత్నం చేస్తోంది. 

హైదరాబాద్‌కు చెందిన డాక్టర్ రెడ్డీస్ లాబొరేటరీస్ దేశీయ ఔషధ పరిశ్రమలో అగ్రస్థానంలో ఉన్న ఐదు సంస్థలలో ఒకటిగా ఉండాలనే ఉద్దేశ్యంతో ట్రేడ్ జెనరిక్స్ నుండి పిల్లల పోషకాహారం వరకు కొత్త రంగాల్లోకి ప్రవేశిస్తోంది. కంపెనీ విస్తరణలో భాగంగా జన్యు చికిత్స, కొత్త రసాయన కంపెనీలు, బ్రాండెడ్ జనరిక్స్, బయోసిమిలర్స్ మాత్రమే కాకుండా ఇమ్యునో-ఆంకాలజీ వంటి రంగాలలో కూడా అడుగుపెడుతోంది. 

గత నెలలో ట్రేడ్ జెనరిక్స్‌లోకి ప్రవేశించిన వెంటనే, డాక్టర్ రెడ్డీస్ ల్యాబ్స్ ఇప్పుడు పీడియాట్రిక్ ఇమ్యునైజేషన్ మార్కెట్‌లోకి ప్రవేశించింది, ఈ రంగం పరిమాణం సుమారు రూ. 1,600 కోట్లుగా అంచనా వేస్తున్నారు. అంతేకాదు ఈ రంగంలో వృద్ధి  రెండంకెల్లో నమోదుఅవుతోంది.  ఈ కొత్త సెగ్మెంట్లలోకి ప్రవేశించడం వల్ల దేశంలోని బ్రాండెడ్ మార్కెట్‌లో అనేక నష్టాలను పరిష్కరించడంలో కంపెనీకి సహాయపడగలదని విశ్లేషకులు భావిస్తున్నారు.

Dr. Reddy's  తాజాగా కిడ్జ్ ఇమ్యునో ప్లస్ గమ్మీస్‌ను ప్రారంభించింది. కాగా 2019 సంవత్సరంలోనే Dr. Reddy's పెద్దల పోషకాహార పదార్థాల తయారీ రంగంలోకి ప్రవేశించింది. ఇది ఆసుపత్రి పోషకాహారంతో పాటు సాధారణ ఆరోగ్యం, సంరక్షణ ఉత్పత్తులను తయారు చేస్తుంది.

సిరప్, టాబ్లెట్‌లు, చూవబుల్స్, మెల్ట్‌లు వంటి ఫార్మాట్‌లలో పీడియాట్రిక్ ఇమ్యునైజేషన్ మార్కెట్ దాదాపు రూ. 1,600 కోట్లుగా ఉంటుందని అంచనా వేస్తున్నామని, ఈ రంగంలో రెండంకెల్లో పెరుగుతుందని డాక్టర్ రెడ్డీస్ ప్రతినిధి ఒకరు తెలిపారు. చైల్డ్ ఇమ్యూనిటీ ఫుడ్ స్పేస్‌లో ఇప్పటికే ఉన్న కొన్ని కంపెనీలలో హెలియన్ (సెంట్రమ్ కిడ్స్), ఎడ్జ్‌వెస్టన్ హెల్త్‌కేర్ (న్యూట్రి బేర్స్), హెచ్‌యుఎల్ (హార్లిక్స్ న్యూట్రి గమ్మీస్), హిమాలయ (సెప్టిలిన్), అపెక్స్ (జింకోవిట్) ఉన్నాయి.

ముఖ్యంగా పిల్లల పోషకాహారం విషయంలో, వైద్యపరంగా నిరూపితమైన వినూత్న ఉత్పత్తుల ద్వారా పిల్లల ఎదుగుదల, జీర్ణశక్తి, రోగనిరోధక శక్తి, మెదడు, ఐక్యూ వికాసం వంటి అంశాల్లో తమ ఉనికిని పెంచుకోవడంపై దృష్టి సారిస్తున్నామని ప్రతినిధి తెలిపారు. 

డాక్టర్ రెడ్డీస్ ఇప్పటికే న్యూట్రాస్యూటికల్స్ కోసం ప్రత్యేక బృందాన్ని కలిగి ఉంది. అలాగే సెలెవిడా (మెటబాలిక్), సెలెవిడా మాక్స్ (హాస్పిటల్ న్యూట్రిషన్), సెలెవిడా (జనరల్ వెల్నెస్), సెలెవిడా లివ్ (గ్యాస్ట్రో-ఇంటెస్టినల్) వంటి బ్రాండ్‌లను కలిగి ఉంది.

Dr. Reddy's  2030 నాటికి 1.5 బిలియన్ల రోగులను చేరుకోవాలని లక్ష్యంగా పెట్టుకుంది

2021 సంవత్సరంలో, మేము హైదరాబాద్‌లోని బాచుపల్లిలో ప్రత్యేకమైన న్యూట్రాస్యూటికల్స్ రీసెర్చ్ & డెవలప్‌మెంట్ (R&D) కేంద్రాన్ని ప్రారంభించాము. ఈ రంగంలో దీర్ఘకాలిక వృద్ధికి న్యూట్రాస్యూటికల్స్‌ను ముఖ్యమైన సాధనంగా చూస్తున్నామని సంస్థ ప్రతినిధి ఒకరు తెలిపారు.

జూన్‌లో ముందుగా, Dr. Reddy's  ట్రేడ్ జెనరిక్ విభాగంలోకి ప్రవేశించింది. RJNX పేరుతో ఒక ప్రత్యేక విభాగాన్ని ప్రారంభించింది. ట్రేడ్ జెనరిక్స్ అనేది ప్రిస్క్రిప్షన్ ద్వారా విక్రయించబడని మందులు అందుబాటులో ఉంటాయి. వీటిని నేరుగా విక్రయిస్తారు.  Dr. Reddy's  2030 నాటికి 1.5 బిలియన్ల రోగులను చేరుకోవాలని లక్ష్యంగా పెట్టుకుంది. ట్రేడ్ జెనరిక్ వ్యాపారం ఇందులో కీలక పాత్ర పోషిస్తుందని భావిస్తోంది.