☰
కుషా కపిల షేప్‌వేర్ బ్రాండ్ 'అండర్నీట్'కు ఫైర్‌సైడ్ వెంచర్స్, గజల్ అలఘ్ నిధులు సమకూర్చారు. రెండు రోజుల్లోనే బ్రాండ్ 1.76 లక్షల మంది ఫాలోవర్లను సంపాదించింది. 'అండర్నీట్' కిమ్ కర్దాషియన్ 'స్కిమ్స్' నుంచి ప్రేరణ పొందింది..
కుషా కపిల షేప్‌వేర్ బ్రాండ్ అండర్నీట్: సోషల్ మీడియా ఇన్ఫ్లుయెన్సర్ నుంచి నటిగా మారిన కుషా కపిల కొత్తగా ప్రారంభించిన షేప్‌వేర్ బ్రాండ్ 'అండర్నీట్'కు ఫైర్‌సైడ్ వెంచర్స్, మామాఎర్త్ కో-ఫౌండర్ గజల్ అలఘ్ నిధులు ఇచ్చారు. నివేదికల ప్రకారం సీడ్ ఫండింగ్ విలువు సుమారు 8 నుంచి 10 కోట్ల వరకు ఉంటుందని అంచనా వేస్తున్నారు.
ప్రారంభించిన రెండు రోజుల్లోనే 1.76 లక్షల ఇన్‌స్టాగ్రామ్ ఫాలోవర్లు
'అండర్నీట్' కో-ఫౌండర్ విమర్శ్ రాజ్‌దాన్ ఒక బిజినెస్ న్యూస్ వెబ్‌సైట్‌కు నిధుల గురించి సమాచారం ఇచ్చారు. రౌండ్ ముగిసిందని, పెట్టుబడి మొత్తం లేదా పాల్గొన్న ఇన్వెస్టర్ల వివరాలు వెల్లడించలేదని ఆయన చెప్పారు. కుషా కపిలకు 4.1 మిలియన్ల మంది ఫాలోవర్లు ఉండటంతో బ్రాండ్ ప్రారంభించిన రెండు రోజుల్లోనే 1.76 లక్షల ఇన్‌స్టాగ్రామ్ ఫాలోవర్లను సంపాదించింది.
'అండర్నీట్' కో-ఫౌండర్ విమర్శ్ రాజ్‌దాన్ ప్రకారం, 'అండర్నీట్'ను 'మాస్-ప్రీమియం' షేప్‌వేర్ బ్రాండ్‌గా స్థాపించాలని అనుకుంటున్నారు. ఇది కిమ్ కర్దాషియన్ షేప్‌వేర్ దిగ్గజం 'స్కిమ్స్' నుంచి చాలా వరకు ప్రేరణ పొందింది. 'స్కిమ్స్' 2019లో డైరెక్ట్-టు-కన్స్యూమర్ స్టార్టప్‌గా మొదలై 4 బిలియన్ డాలర్ల విలువైన బ్రాండ్‌గా ఎదిగింది. దీని వార్షిక అమ్మకాలు 1 బిలియన్ డాలర్లు (87 బిలియన్ రూపాయలు) దాటాయి.
విమర్శ్ రాజ్‌దాన్ ప్రకారం, భారతదేశంలో వేగంగా అభివృద్ధి చెందుతున్నఈ విభాగంలో వృద్ధి సాధించడం, మార్కెట్ లీడర్‌గా స్థిరపడటం తమ లక్ష్యమని తెలిపారు. తాము 'స్కిమ్స్' నుంచి ప్రేరణ పొందుతామని, భారత మార్కెట్‌లో అలాంటి విజయాన్ని సాధించాలనేది తమ లక్ష్యమన్నారు. భారతదేశంలో షేప్‌వేర్‌కు డిమాండ్ ఇంకా ప్రారంభ దశలోనే ఉన్నప్పటికీ, వృద్ధికి అవకాశం ఉందని చెప్పుకొచ్చారు.
ప్రోమార్కెట్స్ నివేదిక ప్రకారం, సెమీ-అర్బన్ నగరాలు ఆర్థికంగా అభివృద్ధి చెందుతున్న కొద్దీ, ప్రజలు తమ రూపాన్ని మెరుగుపరచుకోవడానికి పెట్టుబడి పెట్టడానికి ఆసక్తి చూపుతున్నారు. దీనివల్ల షేప్‌వేర్‌కు డిమాండ్ పెరుగుతుంది. Spanx, Skims వంటి అంతర్జాతీయ బ్రాండ్లు షేప్‌వేర్‌ను ప్రపంచ స్థాయిలో పాపులర్ చేశాయి. దీని ప్రభావం భారతీయ వినియోగదారులపై కూడా కనిపిస్తోంది. ఈ బ్రాండ్ల విజయం స్థానిక స్టార్టప్‌లను కొత్త ఉత్పత్తులను తయారు చేయడానికి ప్రోత్సహిస్తోంది. Zivame, Clovia, Triumph, PrettySecrets, C9 Airwear, Dermawear వంటి బ్రాండ్లు భారతదేశంలో షేప్‌వేర్‌ను విక్రయిస్తున్నాయి.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి