రిలయన్స్‌ రిటైల్‌లో 1.28% వాటా విక్రయం.. రూ. 5,550 కోట్లుకు డీల్..

ఈ పెట్టుబడితో రిలయన్స్ రిటైల్ ప్రీ-మనీ ఈక్విటీ విలువ 4.21 లక్షల కోట్లు. రిలయన్స్‌ రిటైల్‌లో 1.28 శాతం వాటాను  కేకేఆర్‌కు విక్రయించేందుకు ఒప్పందాన్ని కుదుర్చుకున్నట్లు తెలియజేసింది. 

రిలయన్స్ ఇండస్ట్రీస్ అనుబంధ సంస్థ అయిన రిలయన్స్ రిటైల్ వెంచర్స్ లిమిటెడ్ లో ప్రపంచ పెట్టుబడి సంస్థ కెకెఆర్ 5,550 కోట్ల రూపాయల పెట్టుబడి పెట్టనున్నట్లు ప్రకటించింది.ఈ పెట్టుబడితో రిలయన్స్ రిటైల్ ప్రీ-మనీ ఈక్విటీ విలువ 4.21 లక్షల కోట్లు.

రిలయన్స్‌ రిటైల్‌లో 1.28 శాతం వాటాను  కేకేఆర్‌కు విక్రయించేందుకు ఒప్పందాన్ని కుదుర్చుకున్నట్లు తెలియజేసింది. రెండు వారాల్లో రిలయన్స్ రిటైల్ లో ఇది రెండవ ఒప్పందం.

ఈ నెల ప్రారంభంలో, ప్రైవేట్ ఈక్విటీ దిగ్గజం సిల్వర్ లేక్ పార్ట్‌నర్స్ రిలయన్స్ రిటైల్‌లో 1.75% వాటా కోసం  7,500 కోట్లు పెట్టుబడి పెట్టనున్నట్లు తెలిపింది.

also read ఎస్‌బిఐ యోనో విలువ రూ.3 లక్షల కోట్ల పైనే: చైర్మన్ రజనీష్ ...

ఈ ఏడాది ప్రారంభంలో జియో ప్లాట్‌ఫామ్‌లలో చేసిన 11,367 కోట్ల పెట్టుబడి తరువాత రిలయన్స్ ఇండస్ట్రీస్ అనుబంధ సంస్థలో కెకెఆర్ చేసిన రెండవ పెట్టుబడి ఇది.1976లో స్థాపించిన కెకెఆర్ జూన్ 30, 2020 నాటికి 222 బిలియన్ డాలర్ల ఆస్తులను కలిగి ఉంది.

"రిలయన్స్ రిటైల్ వెంచర్స్ లో పెట్టుబడిదారిగా కెకెఆర్ ను స్వాగతిస్తున్నందుకు నేను సంతోషిస్తున్నాను.ఇండస్ట్రికి కెకెఆర్ ప్రముఖ విలువైన భాగస్వామిగా ట్రాక్ రికార్డ్ ఉంది.

మా డిజిటల్ సేవలు, రిటైల్ వ్యాపారాలలో కెకెఆర్ గ్లోబల్ ప్లాట్‌ఫాం పరిశ్రమ పరిజ్ఞానంతో పనిచేయడానికి మేము ఎదురుచూస్తున్నాము "అని రిలయన్స్ ఇండస్ట్రీస్ చైర్మన్, మేనేజింగ్ డైరెక్టర్ ముఖేష్ అంబానీ అన్నారు.

మోర్గాన్ స్టాన్లీ రిలయన్స్ రిటైలుకు ఆర్థిక సలహాదారుగా, డెలాయిట్ టౌచే తోమట్సు ఇండియా ఎల్ఎల్పి ఈ ఒప్పందం కోసం కెకెఆర్ కు ఆర్థిక సలహాదారుగా వ్యవహరించింది.