Your Weekly Horoscopes: ఓ రాశి వారు ఈ వారంలో ఏ పని చేపట్టినా విజయమే..

జోశ్యుల విజయ రామకృష్ణ - ప్రముఖ  జ్యోతిష, జాతక, వాస్తు సిద్దాంతి, స్మార్త పండితులు - గాయిత్రి మాత ఉపాసకులు.(తిరుమల తిరుపతి దేవస్దాన పూర్వ విధ్యార్ది)  'శ్రీ మాతా' వాస్తు... జ్యోతిష్యం.   - ఫోన్:   8523814226  (సంప్రదించు వారు వాట్సప్ లో డిటేల్స్ పెట్టండి ...సాయింత్రం నాలుగు తర్వాత ఫోన్ చేయవలెను)  

రాశి చక్రంలోని పన్నెండు రాశులు వారికి  ఈ వారం ఎలా ఉండబోతోంది?  ఎవరికీ శుభం జరుగుతుంది..  వారి అదృష్ట నక్షత్రాలు ఏమి చెబుతున్నాయి.  ఎవరికి కలిసి వస్తుంది...ఎవరికి ఇబ్బందులు ఉంటాయి ...ఈ వారం రాశి ఫలాలు లో తెలుసుకుందాం

మేషం (అశ్విని 1,2,3,4 భరణి 1,2,3,4 కృత్తిక 1):
ఈ రాశి వారి అదృష్ట సంఖ్య॥ 9
అనుకూలమైన వారములు॥ ఆది గురు శుక్ర
అనుకూలమైన తేదీలు      ॥ 3-6-9
ధర్మ కార్యాలు, దాన ధర్మాలను చేస్తారు. అనవసమైన కోపతాపాలకు దూరంగా ఉండండి. గృహ నిర్మాణ ఆలోచనలు  కలిసి వస్తాయి . వివాహ ప్రయత్నాలు ఫలిస్తాయి.  సంతానం అభివృద్ధిలోకి వస్తుంది.వృత్తి వ్యాపారాలలో రాణిస్తారు. అనుకున్న పనులు సకాలంలో పూర్తి చేస్తారు.అనుకోని ప్రయాణాలు లాభసాటిగా సాగుతాయి. సంఘం నందు సేవా కార్యక్రమాలలో చురుకుగా పాల్గొంటారు.శారీరక శ్రమ తగ్గి శరీర సౌఖ్యం లభించును.. పాత బాకీలు వసూలగును. మీ యొక్క ప్రతిభా పాటవాలు వెలుగులోకి వస్తాయి. కుటుంబ సభ్యులతో కలిసి విందు వినోదాలలో పాల్గొంటారు.కేసులు వివాదాలు మీకు అనుకూలంగా ఉండును. కీలకమైన సమస్యలు పరిష్కార మార్గం లభించును.వారాంతం లో వైవాహక జీవితం ఆనందంగా గడుస్తుంది. నూతన వస్తు వాహనాలు కొనుగోలు చేస్తారు. బంధుమిత్రులతో కలిసి విందు వినోదాలలో పాల్గొంటారు.

వృషభం (కృత్తిక 2 3 4, రోహిణి 1 2 3 4, మృగశిర 1 2):
ఈ రాశి వారి అదృష్ట సంఖ్య॥ 6
అనుకూలమైన వారములు॥ ఆది -గురు -శుక్ర
అనుకూలమైన తేదీలు      ॥ 3-9-12
తలపెట్టిన పనులలో ఆటంకాలు ఏర్పడగలవు. ఉద్యోగులకు పై అధికారులతో అనవసరమయిన కలహాలు. విద్యార్ధులు పట్టుదలతో చదవవలెను. చెడు స్నేహాలకు దూరంగా ఉండండి.ఇతరుల విషయంలో జోక్యం తగదు. రావలసిన పాత బాకీలు వసూలగును.మనస్సు నందు ఆందోళన. ఆర్ధిక పరిస్థితి అంతంతమాత్రంగా ఉండి అప్పులు చేస్తారు. స్థిరాస్థి క్రయవిక్రయాలను వాయిదా వేసుకోవడం మంచిది.సంతానానికి ఉన్నత విద్యావకాశాలు. వివాహ ప్రయత్నాలలో ఆటంకాలు. ద్వేష అసూయాలకు దూరంగా ఉండాలి. సమాజము నందు ప్రతికూలత వాతావరణం ఏర్పడుతుంది. ఆదాయానికి మించి ఖర్చులుపెరుగును. బంధుమిత్రుల యొక్క సహాయ సహకారాలు లభించును. వారాంతం లో తలపెట్టిన పనులలో ఆలోచించి నిర్ణయాలు తీసుకొనవలెను. అనుకోని ఖర్చులు మానసిక ఆందోళన కలుగును. తలపెట్టిన పనులు పూర్తి కాగలవు.

మిథునం (మృగశిర 3 4, ఆరుద్ర 1 2 3 4, పునర్వసు 1 2 3):
ఈ రాశి వారి అదృష్ట సంఖ్య॥ 5
అనుకూలమైన వారములు॥ ఆది- గురు -శుక్ర
అనుకూలమైన తేదీలు      ॥ 5-6-9
ఉద్యోగము నందు అభివృద్ధి.అనుకున్న పనులలో సంపూర్ణ విజయం లభిస్తుంది.బంధు మిత్రులతో కలిసి ఆనందంగా గడుపుతారు.ఆదాయానికి మించిన ఖర్చులు ఏర్పడగలవు.అకారణంగా కోపం, కలహాలు.వృత్తి వ్యాపారాలలో లాభాలు.కుటుంబం నందు చికాకులు.ఆరోగ్య విషయంలో నిర్లక్ష్యం తగదు.దూర ప్రయాణాలు. సంఘంలో మీ మాటతీరుతో అందరిని ఆకట్టుకుంటారు.పొదుపు మార్గాలను అన్వేషిస్తారు.ఉహించని మార్పులు చోటుచేసుకుంటాయి. జీవిత భాగస్వామి తోటి ఆనందంగా గడుపుతారు. అభివృద్ధి ఆలోచనలు ఆచరణలో పెడతారు. ఆరోగ్యం సానుకూలంగా ఉండును. కుటుంబ సభ్యులతో కలిసి ఆనందంగా గడుపుతారు. వారాంతం లో అనుకోను ఖర్చులు పెరుగుతాయి. ఆరోగ్య ఇబ్బందులు ఎదురవును.

కర్కాటకం (పునర్వసు 4, పుష్యమి 1 2 3 4, ఆశ్లేష 1 2 3 4):
ఈ రాశి వారి అదృష్ట సంఖ్య॥ 2
అనుకూలమైన వారములు॥ ఆది- సోమ
అనుకూలమైన తేదీలు      ॥ 1-2-4-7
కుటుంబ సౌఖ్యం లభించును.తలపెట్టిన పనుల్లో విజయం సాధిస్తారు.ఆదాయమార్గాలు అన్వేషణ ఫలిస్తాయి . ఉద్యోగంలో పై అధికారుల తోటి సత్సంబంధాలు మెరుగుపడతాయి. నూతన వస్తు వాహన కొనుగోలు చేస్తారు.సంఘము నందు కీర్తి ప్రతిష్ఠలు లభిస్తాయి .  పాత బాకీలు వసూలు అగును. పొదుపు మార్గాలపై దృష్టి సారిస్తారు. వాయిదా పడుతున్న  సమస్యలు పరిష్కారం అవుతాయి. ప్రయాణాలు కలిసి వస్తాయి.దీర్ఘకాలిక అనారోగ్యాల నుండి కొంత ఉపశమనం. అభివృద్ధి ఆలోచనలు వెంటనే అమలు చేయండి. ప్రజా సంబంధాలు పెంచుకుంటారు. వైవాహిక జీవితం ఆనందంగా గడుస్తుంది. దైవ సంబంధిత కార్యక్రమాలలో పాల్గొంటారు. వారాంతం లో శారీరక శ్రమ తగ్గి శరీర సౌఖ్యం లభిస్తుంది. సమాజము నందు సన్మానాలు బహుమానాలు అందుకుంటారు.

సింహం (మఖ 1 2 3 4, పుబ్బ1 2 3 4, ఉత్తర 1):
ఈ రాశి వారి అదృష్ట సంఖ్య॥ 1
అనుకూలమైన వారములు॥ ఆది- సోమ
అనుకూలమైన తేదీలు      ॥ 2-4-7
భూ గృహ నిర్మాణ క్రయవిక్రయాలు వాయిదా వేయటం మంచిది.. వృత్తి వ్యాపారాలలో కష్టానికి తగ్గ ప్రతిఫలం లభించడం కష్టముగా ఉండును . తల పట్టిన పనులలో ఇబ్బందులు ఎదురవుతాయి. .అకారణ కోప తాపాలకు దూరంగా ఉండవలెను.సంఘంలో మీయొక్క ప్రవర్తన వలన కొన్ని సమస్యలు ఎదుర్కుంటారు. నూతన  అభివృద్ధి ఆలోచనలు నిరాశ పరుస్తాయి..ఉద్యోగ ప్రయత్నాలలో నిరాశ.స్థానచలనాలు.ఆరోగ్య విషయంలో జాగ్రత్తలు పాటించాలి. దూరపు ప్రయాణాలు చేయవలసి వస్తుంది. నా అన్న వారే అపకారం చేయాలని చూస్తారు. శారీరకంగా మానసికంగా బలహీనపడతారు. అనవసరమైన ఖర్చులు తగ్గించుకోవాలి. వచ్చిన చిన్న చిన్న అవకాశాలను అందుపుచ్చుకొనవలెను. వారాంతం లో ఆదాయ మార్గాలు తగ్గును. ఇతరుల మీద ద్వేష అసలుయాలు పెరగకుండా జాగ్రత్త వహించవలెను.

కన్య (ఉత్తర 2 3 4, హస్త 1 2 3 4, చిత్త 1 2):
ఈ రాశి వారి అదృష్ట సంఖ్య॥ 5
అనుకూలమైన వారములు॥ బుధ- శుక్రవారం
అనుకూలమైన తేదీలు      ॥ 3-5-9
పర గృహ వాసం పరభోజనం చేయవలసి వస్తుంది. సమాజము నందు అవమానాలు ఎదుర్కోవాల్సి ఉంటుంది. ప్రభుత్వ సంబంధ పనులు మధ్యలో నిలిచిపోవును. పొదుపు చేసిన ధనాన్ని తీసి ఖర్చు చేయాల్సి వస్తుంది. ప్రతి పనులలో వ్యతిరేకతలు ఏర్పడను. వృత్తి వ్యాపారాలు అంతంత మాత్రమే ఉంటాయి. కుటుంబ సభ్యులతో సఖ్యతగా మెలగవలెను. సాహస నిర్ణయాలు తీసుకుని సమస్యలు తెచ్చుకుంటారు. మృదు వాక్కులతో ఇతరులను ఆకట్టుకోవడానికి ప్రయత్నం చేయండి. ‌ పంతాలకు పట్టింపులకు దూరంగా ఉండవలెను. సమస్యల పరిష్కార మార్గాలపై అన్వేషణ చేస్తారు. ఉదర సంబంధిత వ్యాధులతో బాధపడ వలసి వస్తుంది. మానసిక వేదన వ్యతిరేకతలు పెరుగుతాయి. వారాంతం లో కుటుంబం నందు ఆనంద ఉత్సాహాలతోటి గడుపుతారు. ఆరోగ్యం అనుకూలంగానుండను.

తుల (చిత్త 3 4, స్వాతి 1 2 3 4, విశాఖ 1 2 3):
ఈ రాశి వారి అదృష్ట సంఖ్య॥ 6
అనుకూలమైన వారములు॥ మంగళ -గురు- శుక్ర
అనుకూలమైన తేదీలు      ॥ 3-9-12
శుభకార్యాచరణ.తలపెట్టిన పనులలో విజయం సాధిస్తారు.మనస్సు నందు ఆందోళన.స్థిరాస్థి క్రయ విక్రయాల యందు ఆచితూచి వ్యవహరించవలెను. ఆర్దికపరమైన ఇబ్బందులు కొంతమేర చికాకు కలిగిస్తాయి. ఉద్యోగము నందు కొంత చికాకులు. ప్రయాణాలలో తగు జాగ్రత్తలు తీసుకోండి. ప్రతిభకు తగ్గ ప్రతిఫలం లభిస్తుంది. శుభవార్తలు వింటారు.నూతన వస్తు వాహన ప్రాప్తి.దీర్ఘకాలిక రోగముల నుండి కొంతమేర ఉపశమనం పొందుతారు. విలాసాలకు అధిక ధనం ఖర్చు చేస్తారు. స్థిరాస్తి విషయంలో విభేదాలు తొలుగుతాయి. ఉపకరించే మిత్రులను దూరం చేసుకోవద్దు. వివాహ ప్రయత్నాలు సఫలీకృతమవుతాయి. గృహమునందు ప్రశాంతత వాతావరణం ఏర్పడుతుంది. వారాంతం లో అనుకున్న పనులు అనుకున్నట్లుగా సాధిస్తారు. ఉద్యోగమనందు అనుకూలమైన మార్పులు ఏర్పడతాయి.

వృశ్చికం (విశాఖ 4, అనురాధ 1 2 3 4, జ్యేష్ఠ 1 2 3 4):
ఈ రాశి వారి అదృష్ట సంఖ్య॥ 9
అనుకూలమైన వారములు॥ మంగళ- గురు -శుక్ర
అనుకూలమైన తేదీలు      ॥ 3-6-9
ఆర్ధిక పరిస్థితి సంతృప్తి కరంగా ఉంటుంది. సంఘంలో పెద్దవారి  సహకారంతో లాభాలు పొందుతారు. కుటుంబ వృద్ధి కొరకు తగిన  నిర్ణయాలు తీసుకుంటారు. ప్రభుత్వ సంబంధిత వ్యవహారాలను సామరస్యంగా వ్యవహరించాలి. స్తిరాస్థి క్రయవిక్రయాలలో తెలివిగా వ్యవహరించాలి. వాహన ప్రయాణాలలో జాగ్రత వహించండి. జీవిత భాగస్వామితో సఖ్యతగా మేలగవలెను. ఉద్యోగాలలో ఒత్తిడులు తగ్గి ప్రశాంతత లభిస్తుంది. ఆధ్యాత్మిక కార్యక్రమాలలో పాల్గొంటారు. చేయ పనులలోమిత్రుల యొక్క సహాయ సహకారాలు లభిస్తాయి. వృత్తి వ్యాపారం నందు ఊహించని ధన లాభం కలుగుతుంది. నూతన వస్తు వాహనాది కొనుగోలు చేస్తారు. ఉద్యోగమనందు సహోదయోగుల ఆదర అభిమానాలు పొందుతారు. ఆరోగ్యం చేకూరి ప్రశాంతత లభిస్తుంది. వారాంతం లో ఇతరులతోటి కలహాలతో విరోధాలకు దూరంగా ఉండండి. సమాజము నందు అపవాదములు ఎదుర్కోవలసి వస్తుంది.

ధనస్సు (మూల 1 2 3 4 పూ.షాడ 1 2 3 4, ఉ.షాడ 1):
ఈ రాశి వారి అదృష్ట సంఖ్య॥ 3
అనుకూలమైన వారములు॥ గురు -శుక్ర- మంగళ
అనుకూలమైన తేదీలు      ॥ 3-6-9-12
చేయు పనులలో అలసత్వం.కుటుంబం నందు ప్రతికూలత వాతావరణం ఏర్పడుతుంది. మీరు ఎంతగానో నమ్మిన మిత్రులే మీకు అపకారం చేయాలని చూస్తారు. వ్యసనాలకు దూరంగా ఉండండి. సంతానం మూలంగా కొంత సమస్యలు ఏర్పడవచ్చు.ఆర్ధికంగా బలంగా ఉన్నప్పటికీ అప్పులు చేయవలసి రావచ్చు.. అనుకోని గొడవలు.సంఘంలో తెలివిగా వ్యవహారం చేయాలి. మనస్స నందు తెలియని భాద. ఆర్థిక ఇబ్బందులు రాకుండా తగు జాగ్రత్తలు తీసుకొని వలెను. కుటుంబ సమస్యల వలన నిరాశ నిస్పృహలకు లోనవుతారు. వృత్తి వ్యాపారాలు అంతగా రాణించవు. ఆరోగ్యం అంతంత మాత్రమే నుండును. సంఘము నందు వ్యతిరేకతలు రావచ్చు. ఊహించని సంఘటనలు ఎదురై భయానికి లోనవుతారు. వారాంతం లో చేయరాని పనులు ఇష్టంగా చేయవలసి వస్తుంది. కొన్ని సంఘటనలు వలన మానసిక ఆందోళన చెందుతారు.

మకరం (ఉ.షాడ 2 3 4, శ్రవణం 1 2 3 4, ధనిష్ట 1 2):
ఈ రాశి వారి అదృష్ట సంఖ్య॥ 8
అనుకూలమైన వారములు॥ శని- ఆది -సోమ
అనుకూలమైన తేదీలు      ॥ 2-3-6-7
ఆదాయానికి మించిన ఖర్చులు. చేపట్టిన పనులు నిదానంగా సాగుతాయి. ఉద్యోగము నందు ఒడిదుడుకులు.దైవ కార్యక్రమాలలో పాల్గొంటారు. .ఇతరుల విషయంలో జోక్యం తగదు. బంధు మిత్రులతో అనుకోని కలహాలు ఏర్పడతాయి. కొన్ని సమస్యలకు పరిష్కార మార్గాలు దొరుకును. శ్రమకు తగిన ప్రతిఫలం లభించడం కష్టంగా ఉంటుంది. కుటుంబ సమస్యలు ఎదురై చికాకులు కలిగిస్తాయి. ప్రయాణాలలో తగిన జాగ్రత్తలు తీసుకోండి. ఆలోచించి ఖర్చు చేయవలెను. గృహమునందు పెద్దవాళ్ల యొక్క ఆరోగ్య విషయంలో తగు జాగ్రత్తలు భార్యాభర్తల మధ్య అన్యోన్యత తగ్గి మనస్పర్ధలు రావచ్చు. కుటుంబ బాధ్యతలు పెరుగును. ప్రతి విషయంలో ఆచితూచి అప్రమత్తులై వ్యవహరించవలెను. వారాంతం లో మిత్రుల యొక్క సహాయ సహకారాలు లభిస్తాయి. బంధుమిత్రుల యొక్క కలయక.

కుంభం (ధనిష్ఠ 3 4, శతభిషం 1 2 3 4, పూ.భాద్ర 1 2 3):
ఈ రాశి వారి అదృష్ట సంఖ్య॥ 8
అనుకూలమైన వారములు॥ శని- ఆది -సోమ
అనుకూలమైన తేదీలు      ॥ 2-3-6-7
బంధు మిత్రుల కలయిక. తోటి ఉద్యోగుల సహాయ సహకారాలు లభిస్తాయి. గృహము నందు అనుకూలమైన వాతావరణం. నూతన వస్తు వాహనప్రాప్తి. చేయు పనులలో ఆటంకాలు లేక నిర్విఘ్నంగా సాగుతాయి. మీ ప్రతిభకు తగ్గ గుర్తింపు లభిస్తుంది. వ్యాపారులు లాభ సాటిగా సాగును. దూరపు ప్రయాణాలు చేయవలసి వస్తుంది.  ప్రభుత్వ సంబంధిత పనులు ముందుకు సాగుతాయి. కోర్టు తీర్పులు మీకు అనుకూలంగా ఉంటాయి. కీలక నిర్ణయాలలో సొంత ఆలోచనలు కలిసి వస్తాయి. ఉద్యోగ ప్రయత్నాలు ఫలించును. కుటుంబ బాధ్యతలకు ప్రాధాన్యత ఇస్తారు. శారీరకంగా మానసికంగా బలపడతారు. చేయ వ్యవహారముల యందు లౌక్యం తోటి సాగవలసి ఉంటుంది. వారాంతం లో తల పట్టిన పనులలో విజయం సాధిస్తారు. జీవిత భాగస్వామి తోటి ఆనందంగా గడుపుతారు.

మీనం(పూ.భాద్ర 4, ఉ.భాద్ర 1 2 3 4, రేవతి 1 2 3 4):
ఈ రాశి వారి అదృష్ట సంఖ్య॥ 3
అనుకూలమైన వారములు॥ గురు- శుక్ర -మంగళ
అనుకూలమైన తేదీలు      ॥ 6-7-9-12
భూ గృహ నిర్మాణాలు వాయిదా వేయడం మంచిది. .ప్రభుత్వ సంబంధిత పనులు పూర్తి గాక చికాకు పుట్టించిను.వృత్తి వ్యాపారాలు నిరాశగా సాగును. సన్నిహితులు ను దూరం చేసుకోవద్దు. సంతాన విషయంలో ప్రతికూలత వాతావరణ ఏర్పడుతుంది. ఆర్ధికంగా ఇబ్బంది ఉన్నప్పటికీ అవసరాలకు డబ్బు సమకూరుతుంది. అనవసరమైన  సంభాషణల వలన ఆపదలు  రావచ్చు. ఋణాలు తీరి కొంత మానసిక ప్రశాంతత లభిస్తుంది. వచ్చిన అవకాశాలను అందిపుచ్చుకోండి. ఆరోగ్య విషయంలో ఒక జాగ్రత్తలు తీసుకొనవలెను. తలపెట్టిన పనులలో ఆటంకాలు ఏర్పడతాయి. అనవసరమైన ఖర్చులు పెరుగును. శారీరక కష్టం పెరుగుతుంది. ఉద్యోగమనందు అధికారులతోటి కలహాలు ఏర్పడవచ్చును. వారాంతం లో ఆరోగ్యం అనుకూలంగా ఉంటుంది. సమాజము నందు ప్రతిభకు తగ్గ కీర్తి ప్రతిష్టలు లభిస్తాయి.