మరో ప్రేమోన్మాది.. యువతిపై కత్తితో దాడి

 ఆ యువతి తనను ప్రేమించలేదనే కారణంతోనే అతను ఈ దాడికి పాల్పడినట్లు స్థానికులు చెబుతున్నారు. గాయపడ్డ యువతిని సమీపంలోని ప్రైవేట్‌ ఆస్పత్రికి తరలించారు. 

పశ్చిమగోదావరి జిల్లా ఏలూరులో మరో ప్రేమోన్మాది వీరంగం సృష్టించాడు. తనను ప్రేమించడం లేదని యువతిపై కత్తితో దాడి చేశాడు. దీంతో యువతి తీవ్రగాయాలపాలైంది.

పూర్తి వివరాల్లోకి వెళితే...ఏలూరులోని ఓ వస్త్ర దుకాణంలో దిలీప్‌ అనే యువకుడు, బాధిత యువతి పనిచేస్తున్నారు.   రోజులాగానే దుకాణానికి వచ్చిన యువతిపై ఆ దుకాణంలోనే కత్తితో దాడి చేశాడు.  ఆ యువతి తనను ప్రేమించలేదనే కారణంతోనే అతను ఈ దాడికి పాల్పడినట్లు స్థానికులు చెబుతున్నారు. గాయపడ్డ యువతిని సమీపంలోని ప్రైవేట్‌ ఆస్పత్రికి తరలించారు. దాడిని ఆపేందుకు ప్రయత్నించిన వారిపై కూడా నిందితుడు దాడికి దిగాడు. స్థానికుల సమాచారం మేరకు పోలీసులు ఘటనాస్థలికి చేరుకొని నిందితున్ని అదుపులోకి తీసుకున్నారు.