చంద్రబాబు...ఈ ప్రశ్నలకు బదులేది ?
సారాంశం
వైసీపీ నేతలు కురసాల కన్నబాబు, పార్ధసారధి కొన్ని ప్రశ్నలు సంధించి సమాధానాలివ్వాల్సిందిగా డిమాండ్ చేసారు.
పోలవరం ప్రాజెక్టు నిర్మాణం తన జీవితాశయంగా చంద్రబాబు చెబుతున్నారు. ప్రాజెక్టు నిర్మించటం తన కలగా చెప్పుకుంటున్న సిఎంకు ప్రతిపక్ష వైసీపీ నేతలు కురసాల కన్నబాబు, పార్ధసారధి కొన్ని ప్రశ్నలు సంధించి సమాధానాలివ్వాల్సిందిగా డిమాండ్ చేసారు. అందులో కొన్ని.
- పోలవరం నిర్మాణాన్ని తన కలగా చెప్పుకుంటున్న చంద్రబాబు 2004, 2009 ఎన్నికల మ్యానిఫెస్టోలో ఎందుకు చేర్చలేదు ?
2-విభజన చట్ట ప్రకారం ప్రాజెక్టు నిర్మాణ బాధ్యత కేంద్రానిదైతే రాష్ట్ర ప్రభుత్వం ఎందుకు తీసుకున్నది ?
3-ప్రాజెక్టు బాధ్యత రాష్ట్రం తీసుకున్నాక అంచనా వ్యయం రూ. 16 వేల కోట్ల నుండి రూ. 40 వేల కోట్లకు ఎందుకు పెరిగింది ?
4-వ్యత్యాసాన్ని కేంద్రం భరిస్తుందా? లేకపోతే రాష్ట్రమే సమీకరించుకుంటుందా ?
5-ప్రాజెక్టుకు టి. అంజయ్య హయాంలో బీజం పడి, దివంగత సిఎం వైఎస్ రాజశేఖర్ రెడ్డి హయాంలో కార్యరూపం దాల్చటం నిజం కాదా?
5-ప్రాజెక్టు ముంపు బాధితులకు న్యాయం చేయమని జగన్మోహన్ రెడ్డి పోరాటం చేస్తుంటే, ప్రాజెక్టుకే వైసీపీ అడ్డం పడుతోందని ప్రజలను ఎందుకు తప్పుదోవ పట్టిస్తున్నారు ?
6- పట్టిసీమ ద్వారా సీమకు నీళ్ళు మళ్ళిస్తున్నట్లు చెబుతున్నా ఇప్పటికీ జీవో ఎందుకు ఇవ్వలేదు ?
7-2010-11లో ప్రాజెక్టు అంచనా వ్యయంలో రూ. 16 వేల కోట్లకు మించి ఇచ్చేది లేదని కేంద్రం తేల్చిచెప్పటం నిజం కాదా?
8-ప్రాజెక్టు నిర్మాణానికి అవసరమైన అన్నీ అనుమతులనూ దివంగత సిఎం వైఎస్ రాజశేఖర్ రెడ్డి తీసుకువచ్చింది నిజం కాదా?
9-నీటి నిల్వ సామర్ధ్యం లేని పట్టిసీమ ఎత్తిపోతల పథకాన్ని కేవలం కమీషన్ల కోసమే చేపట్టింది నిజం కాదా?
10-పోలవరం అంచనా వ్యయం రూ. 40 వేల కోట్లకు పెంచేసిన తర్వాత కల ఎలా నెరవేరుతుందనుకుంటున్నారు చంద్రబాబు?...
ఇలాంటి ప్రశ్నలు వైసీపీ నేతలు చంద్రబాబుకు చాలానే వేసారు. మరి చంద్రబాబు సమాధానాలు చెబుతారో లేదో చూడాలి.