Monsoon: సెప్టెంబర్ మొదటి వారంలో తెలుగు రాష్ట్రాల్లో మళ్లీ వానలు షురూ..

Telugu states-Rains: రుతుపవనాల ద్రోణితో ఒడిశా, ఛత్తీస్ గఢ్ లకు భారీ వర్ష సూచన చేసిన భార‌త వాతావ‌ర‌ణ శాఖ (ఐఎండీ).. రెండు తెలుగు రాష్ట్రాలు ఆంధ్ర‌ప్ర‌దేశ్, తెలంగాణలోనూ ఓ మోస్తరు నుంచి భారీ వర్షాలు కురిసే అవకాశం ఉందని తెలిపింది. సెప్టెంబర్ 1వ వారంలో తెలుగు రాష్ట్రాల్లో మళ్లీ వానలు షురూ కానున్నాయ‌ని పేర్కొంది.  

Rains to return Telugu states: ప్ర‌స్తుతం కొన‌సాగుతున్న వర్షాకాలంలో గ‌త నెల నుంచి కూడా తేమ ఎక్కువగా ఉంటుంది. రుతుపవనాలు ఆశించినంత ప్రభావం చూపలేదు. వాతావరణ పరిస్థితుల దృష్ట్యా వర్షాలు పెద్దగా పడలేదు. ఈశాన్య రాష్ట్రాల్లో వర్షాలు కురుస్తున్నప్పటికీ రెండు తెలుగు రాష్ట్రాల్లో ఎండలు ఇంకా కొనసాగుతున్నాయి. అయితే మరికొద్ది రోజుల్లో ఈ పరిస్థితి మారబోతోందని వాతావరణ శాఖ నిపుణులు చెబుతున్నారు. సెప్టెంబర్ మొదటి వారంలో మళ్లీ వర్షాలు ప్రారంభమవుతాయని ఐఎండీ అంచనా వేస్తోంది. రుతుపవనాల ద్రోణితో ఒడిశా, ఛత్తీస్ గఢ్ లకు భారీ వర్ష సూచన చేసిన భార‌త వాతావ‌ర‌ణ శాఖ (ఐఎండీ).. రెండు తెలుగు రాష్ట్రాలు ఆంధ్ర‌ప్ర‌దేశ్, తెలంగాణలోనూ ఓ మోస్తరు నుంచి భారీ వర్షాలు కురిసే అవకాశం ఉందని తెలిపింది. సెప్టెంబర్ 1వ వారంలో తెలుగు రాష్ట్రాల్లో మళ్లీ వానలు షురూ కానున్నాయ‌ని పేర్కొంది.

రుతుపవనాలు బలహీనంగా ఉన్న‌ప్ప‌టికీ.. వాయవ్య దిశ నుంచి పొడి గాలులు వీస్తున్నాయి. దీని కారణంగా దక్షిణ భారతదేశం అంతటా పొడి వాతావరణం కొనసాగుతుంది. వర్షాకాలంలో వేడి వాతావరణం కూడా కనిపిస్తుంది. దీనికి తోడు బంగాళాఖాతం ఉత్తర భాగాన్ని కూడా ద్రోణి కప్పేసింది. దక్షిణం వైపు నెమ్మదిగా వచ్చినా వర్షాలు కురిసే అవకాశాలు తక్కువగా ఉంటాయని వాతావరణ శాఖ నిపుణులు చెబుతున్నారు. ఉదయం పూట‌ చాలా చోట్ల ఉష్ణోగ్రతలు అధికంగా నమోదవుతున్నాయి. పగటి పూట వేడి వాతావరణం కొనసాగుతుందనీ, సాయంత్రానికి చల్లబడుతుందని చెబుతున్నారు. ఉపరితల ఆవర్తనంతో వాతావరణం చల్లబడి ఒకటి రెండు చోట్ల తేలికపాటి నుంచి ఓ మోస్తరు వర్షాలు కురుస్తాయని తెలిపింది.

రుతుపవనాలు ఆలస్యంగా ప్రారంభమైనా ఆశించిన స్థాయిలో వర్షాలు కురవలేదు. జూన్, జూలై నెలల్లో వర్షాలు ఆశించిన స్థాయిలో లేవు. జూన్ చివ‌ర‌లో వర్షం కురిసింది. జూలైలో కాస్త తగ్గుముఖం పట్టినట్లు కనిపించింది. తెలంగాణలో వర్షాలు కాస్త ఇబ్బందిగా అనిపించినా ఏపీలో మాత్రం వర్షాలు తగ్గుముఖం పట్టనున్నాయి. ఆ తర్వాత వాతావరణం కాస్త చల్లబడినా వర్షం కురవలేదు. ఆగస్టులో సగటు వర్షపాతం నమోదైంది. మళ్లీ ఎండలు మొదలయ్యాయి. అయితే తెలుగు రాష్ట్రాల్లో ఈ పరిస్థితులకు కారణం రుతుపవనాల ద్రోణి ఉత్తరాది రాష్ట్రాల వైపు కదులుతోందని వాతావరణ శాఖ చెబుతోంది. రుతుపవనాల విరామం కూడా ఈలోగా వర్షాభావ పరిస్థితులకు కారణమై ఉండొచ్చని భావిస్తున్నారు. ఎల్ నినో ప్రభావం కూడా ఈసారి రుతుపవనాలపై తీవ్ర ప్రభావం చూపిందని నిపుణులు చెబుతున్నారు.

అయితే ఆగస్టు నెలాఖరు వరకు పరిస్థితులు భిన్నంగా ఉన్నప్పటికీ సెప్టెంబర్ మొదటి వారంలో మళ్లీ సాధారణ పరిస్థితులు నెలకొంటాయని వాతావరణ శాఖ అంచనా వేస్తోంది. ఉత్తరం వైపు ఉన్న రుతుపవనాల ద్రోణుడు దక్షిణం వైపు కదులుతున్నట్లు చెబుతున్నారు. రుతుపవనాల ద్రోణితో ఒడిశా, ఛత్తీస్ గఢ్ లకు భారీ వర్ష సూచన ఏపీ, తెలంగాణలోనూ ఓ మోస్తరు నుంచి భారీ వర్షాలు కురిసే అవకాశం ఉందని తెలిపింది. ప‌లుచోట్ల‌ ఉదయం ఎండ ఉన్నా సాయంత్రానికి వాతావరణం ఒక్కసారిగా మారి ఉరుములు, మెరుపులతో కూడిన వర్షాలు కురుస్తాయని విశాఖ తుఫాను హెచ్చరికల కేంద్రం డైరెక్టర్ సునంద తెలిపారు. బంగాళాఖాతంలో రుతుపవనాల ద్రోణి ఉత్తర దిశగా విస్తరించింది. దీనితో రుతుపవనాలు మరింత చురుగ్గా మారితే బంగాళాఖాతంలో అల్పపీడనం ఏర్పడే అవకాశం ఉంది. అల్పపీడనం లేకపోతే ఉరుములు, మెరుపులతో కూడిన వర్షం ఈ సీజన్ లో కచ్చితంగా కురిసే అవకాశం ఉందని వాతావరణ శాఖ అంచనా వేస్తోంది.