పోలీసు అమరవీరుల సంస్మరణ దినోత్స‌వం: ఏపీ పోలీసు సేవలను కొనియాడిన సీఎం జగన్

Vijayawada: పోలీసు అమరవీరుల సంస్మరణ దినోత్సవం సందర్భంగా శుక్రవారం ఉదయం విజయవాడ ఇందిరాగాంధీ మున్సిపల్ స్టేడియంలో ఏర్పాటు చేసిన వేడుకల్లో ముఖ్య‌మంత్రి వైఎస్ జగన్మోహ‌న్ రెడ్డి పాల్గొన్నారు. ఈ సంద‌ర్బంగా ఆయ‌న పోలీసు అమ‌ర‌వీరుల‌ను స్మ‌రించుకుంటూ..  వారి సేవ‌ల‌ను కొనియాడారు.   

Police Martyrs Commemoration Day: మన పోలీసులందరూ సైనికులే ఆంధ్ర‌ప్ర‌దేశ్ ముఖ్యమంత్రి వైఎస్‌ జగన్‌మోహన్‌రెడ్డి అన్నారు. పోలీసు అమరవీరుల సంస్మరణ దినోత్సవం సందర్భంగా శుక్రవారం ఉదయం విజయవాడ ఇందిరాగాంధీ మున్సిపల్ స్టేడియంలో ఏర్పాటు చేసిన వేడుకల్లో ఆయన పాల్గొన్నారు. ఆ సంద‌ర్బంగా ఆయ‌న పోలీసు అమ‌ర‌వీరుల‌ను స్మ‌రించుకుంటూ.. పోలీసుల సేవ‌ల‌ను కొనియాడారు.

పోలీసు అమరవీరుల సంస్మరణ దినోత్సవం సందర్భంగా ఏపీ పోలీసుల తరపున సీఎం జగన్ గౌరవ వందనం స్వీకరించారు. అనంతరం సీఎం జగన్ ప్రసంగిస్తూ.. అమరవీరులకు, త్యాగం చేసిన పోలీసుల కుటుంబాలకు ఏపీ ప్రజల తరపున, ప్రభుత్వం తరపున నివాళులు అర్పిస్తున్నట్లు ప్రకటించారు. గత ఏడాది కాలంలో ఏపీకి చెందిన 11 మంది పోలీసులు విధుల్లో అమరులయ్యారని ఈ సందర్భంగా ఆయన ప్రకటించారు. విధి నిర్వహణలో సమాజం కోసం ప్రాణాలర్పించిన కుటుంబ సభ్యులకు తమ ప్రభుత్వం అండగా ఉంటుందని సీఎం జగన్ మరోసారి తెలియజేశారు. పోలీసు నియామకాల నియామకం చేపట్టామని సీఎం జగన్‌ స్పష్టం చేశారు. పోలీసు శాఖలో 6,511 పోస్టుల భర్తీతో పాటు హోంగార్డుల భర్తీకి రిజర్వేషన్ల ప్రక్రియకు శ్రీకారం చుట్టబోతున్నట్లు ప్ర‌భుత్వం ప్ర‌క‌టించింది. 

"కర్తవ్యాన్ని దైవంగా భావించి , విధి నిర్వహణలో ప్రాణాలు వదిలిన పోలీస్ అమరవీరులకు, త్యాగధనులైన పోలీస్ కుటుంబాలకు ఆంధ్రప్రదేశ్ ప్రజల తరఫున, ప్రభుత్వం తరపున సెల్యూట్ చేస్తున్నాను" అని ముఖ్య‌మంత్రి జ‌గ‌న్మోహ‌న్ రెడ్డి ట్వీట్ చేశారు. పోలీసు అమరవీరుల పుస్తకాన్ని కూడా  సీఎం జగన్ ఆవిష్కరించారు. 

తమ ప్రభుత్వ హయాంలో పోలీసు వ్యవస్థలో మ్యాన్‌ రిఫార్మ్‌లు జరిగాయనీ, దిశ యాప్‌, దిశ పోలీస్‌స్టేషన్లు ఏర్పాటు చేశామని తెలిపారు. ఇప్పటి వరకు 1.33 కోట్ల మంది అక్కాచెల్లెళ్లు దిశ యాప్‌ను డౌన్‌లోడ్ చేసుకున్నారనీ, 16 వేల మంది మహిళా పోలీసు అధికారులు ఉన్నారని గుర్తు చేశారు. పోలీసు శాఖ (హోం శాఖ)లో మహిళలు, దళితులను మంత్రులుగా నియమించడం ద్వారా బడుగు బలహీన వర్గాల సంక్షేమం పట్ల తమ ప్రభుత్వం అంకితభావం చూపిందని ముఖ్యమంత్రి జ‌గ‌న్మోహ‌న్ రెడ్డి  అన్నారు. అణగారిన వర్గాలకు ప్రభుత్వం అండగా ఉంటుందని సీఎం స్పష్టం చేశారు. పోలీసు శాఖకు వీక్లీ ఆఫ్ ప్రారంభించామనీ, సిబ్బంది కొరత కారణంగా పూర్తి స్థాయిలో అమలు కావడం లేదని తేలిందన్నారు. పోలీసు సిబ్బంది సమస్యలన్నింటినీ తప్పకుండా పరిష్కరిస్తామని సీఎం జగన్ ఈ సందర్భంగా హామీ ఇచ్చారు.