వంగవీటి రంగా హత్యలో చంద్రబాబు భాగమే..: కొడాలి నాని సంచలనం

గుడివాడ : వంగవీటి మోహనరంగా వర్ధంతి సందర్భంగా గుడివాడలో చోటుచేసుకున్న ఉద్రిక్తతలపై మాజీ మంత్రి, స్థానిక ఎమ్మెల్యే కొడాలి నాని ఘాటుగా స్పందించారు. రంగాను హత్యచేసిన వారే నేడు ఆయన విగ్రహం బూట్లు నాకుతున్నారని అన్నారు. రంగా హత్యలో చంద్రబాబు భాగమేనని... ఆయన చేతిలోని వ్యవస్థలే హతమార్చాయని అన్నారు. దేవినేని నెహ్రూ రంగాను చంపలేదని... టిడిపి, ప్రభుత్వం, మంత్రులు ఇలా ఓ వ్యవస్థంతా కలిసే ఆయన్ని చంపారన్నారు. రంగాను హత్యకు కారకులైన ముసలి కబోతులు గాల్లో కలిసిపోయారు.... మరికొందరు కలవడానికి సిద్దంగా వున్నారంటూ మండిపడ్డారు. రావి వెంకటేశ్వరరావు, చంద్రబాబు గాడికి ఏమాత్రం సిగ్గులేదని... అందువల్లే గుడివాడలో రాజకీయాలు నీచ రాజకీయాలు చేస్తున్నారని కొడాలి నాని మండిపడ్డారు.