బిర్యానీలో పురుగులు.. ఇదేంటని ప్రశ్నిస్తే నిర్లక్ష్యపు సమాధానం.. తరువాత ఏమైందంటే ?

ఆకలితో బిర్యానీ తినడానికి రెస్టారెంట్ కు వెళ్లిన పలువురు యువకులకు వింత అనుభవం ఎదురయ్యింది. వారు ఆర్డర్ ఇచ్చిన బిర్యానీలో పురులు వచ్చాయి. దీనిపై సిబ్బంది నిర్లక్ష్యంగా సమాధానం ఇచ్చారు. దీంతో వారు ఆందోళన చేపట్టారు. 

బిర్యానీ ఆర్డర్ ఇస్తే దాంటో పాటు పురుగులు కూడా వచ్చాయి. ఇదేంటని ప్రశ్నిస్తే సిబ్బంది నుంచి నిరక్షపు సమాధానం వచ్చింది. దీంతో రెస్టారెంట్ లో యువకులు ఆందోళనకు దిగారు. దీంతో పోలీసు అక్కడికి చేరుకున్నారు. ఈ ఘటన కొత్తగూడెంలోని సెవెన్ హిల్స్ లో చోటు చేసుకుంది. 

వివరాలు ఇలా ఉన్నాయి. కొత్తగూడెం సమీపంలోని టేకులపల్లికి చెందిన పలువురు యువకులు ఆర్టీవో కార్యాలయానికి వచ్చారు. పని పూర్తయిన అనంతరం వారికి ఆకలి వేయడంతో సెవెన్ హిల్స్ ఏరియాలో ఓ రెస్టారెంట్ కు వెళ్లారు. వెయిటర్ కు బిర్యానీ తీసుకురావాలని సూచించారు. కొంత సమయం తరువాత బిర్యానీ, పెరుగు వంటివి తీసుకొచ్చి టేబుల్ పై పెట్టాడు. 

యువకులు అంతా తినడం మొదలు పెట్టారు. కాసేపయ్యాక ఆ బిర్యానీలో పురుగులు ఉండటం వారు గమనించారు. పెరుగులోనూ అలాంటి కొన్ని చిన్న పురుగులు కనిపించాయి. ఇదేంటని సిబ్బంది ప్రశ్నించారు. కానీ వారు దీనిపై నిర్లక్ష్యంగా సమాధానం ఇచ్చారు. దీంతో యువకులు ఆగ్రహంతో వారందరినీ నిలదీశారు. ఆందోళన చేపట్టారు. ఈ విషయం తెలియడంతో పోలీసులు అక్కడికి చేరుకున్నారు. ఈ ఘటనపై వివరాలు సేకరించారు. అనంతరం ఫుడ్ ఇన్‌స్పెక్టర్‌ కూడా వచ్చారు. తనిఖీలు చేపట్టారు. ఈ ఘటనపై దర్యాప్తు జరుగుతోంది.