హైకోర్టు అడ్వకేట్ వామన్ రావు దంపతులు హత్య కేసులో ఎఫ్ఎస్ఎల్ నివేదిక రావడానికి 4 వారాలు పట్టే అవకాశం ఉంది.
హైదరాబాద్: హైకోర్టు అడ్వకేట్ వామన్ రావు దంపతులు హత్య కేసులో ఎఫ్ఎస్ఎల్ నివేదిక రావడానికి 4 వారాలు పట్టే అవకాశం ఉంది.
హైకోర్టు అడ్వకేట్ వామన్ రావు దంపతుల హత్య కేసుపై బుధవారం నాడు తెలంగాణ హైకోర్టు విచారణ నిర్వహించింది. ఈ కేసు దర్యాప్తుపై విచారణ తీరును అడ్వకేట్ జనరల్ హైకోర్టుకు వివరించారు. ఈ కేసులో ఇప్పటికే ఏడుగురు నిందితుల వాంగ్మూలాలు రికార్డు చేసినట్టుగా ఏజీ తెలిపారు. 32 మంది ప్రత్యక్షసాక్షుల్లో 26 మంది వాంగూల్మం నమోదు చేసుకొన్నట్టుగా చెప్పారు.
నిందితులు ఉపయోగించిన సెల్‌పోన్లు, సిమ్ కార్డులను ఎఫ్ఎస్ఎల్ కు పంపారు. ఈ నివేదిక రావడానికి 4 వారాల సమయం పట్టే అవకాశం ఉందని ఏజీ హైకోర్టుకు తెలిపారు. మే 17 నాటికి సమగ్ర చార్జీషీటు దాఖలు చేయాలని హైకోర్టు ఆదేశించింది.తదుపరి విచారణను ఈ నెల 23వ తేదీకి హైకోర్టు వాయిదా వేసింది.
పోలీస్ నివేదిక తమకు ఇచ్చేలా ఆదేశించాలన్న వామన్ రావు తరపు లాయర్ వాదించారు. అయితే ఈ కేసులో పూర్తి వివరాలు తెలుసుకోవాలన్నదే తమ లక్ష్యమని హైకోర్టు ధర్మాసనం తెలిపింది.