లండన్‌లో అంబేద్కర్ మ్యూజియాన్ని సందర్శించిన కేటీఆర్..
By Mahesh Rajamoni | First Published May 14, 2023, 4:33 PM ISTHyderabad: యునైటెడ్ కింగ్ డమ్ పర్యటనలో భాగంగా తెలంగాణ పరిశ్రమలు, ఐటీ శాఖ మంత్రి కేటీఆర్ లండన్ లోని అంబేద్కర్ మ్యూజియాన్ని సందర్శించి భారత రాజ్యాంగ నిర్మాత, సామాజిక న్యాయం కోసం పోరాడిన డాక్టర్ బీఆర్ అంబేడ్కర్ కు నివాళులర్పించారు. ఈ మ్యూజియం డాక్టర్ అంబేద్కర్ సమానత్వం కోసం తపనను తీర్చిదిద్దిన పరిస్థితులను వివరిస్తుంది. అంబేద్కర్ నివసించిన గదితో సహా మొత్తం భవనాన్ని మంత్రి కేటీఆర్ ఆసక్తిగా తిలకించారు.
KTR UK Tour: లండన్ లోని భారత రాజ్యాంగ నిర్మాత డాక్టర్ బీఆర్ అంబేద్కర్ మ్యూజియాన్ని తెలంగాణ పరిశ్రమలు, ఐటీ శాఖ మంత్రి కేటీఆర్ సందర్శించారు. ఈ క్ర‌మంలోనే కేటీఆర్ భారత రాజ్యంగ నిర్మాత‌కు నివాళులర్పించారు. ఈ మ్యూజియం డాక్టర్ అంబేడ్కర్ సమానత్వం కోసం తపనను తీర్చిదిద్దిన పరిస్థితులను వివరిస్తుంది. అంబేడ్కర్ నివసించిన గదితో సహా మొత్తం భవనాన్ని మంత్రి కేటీఆర్ ఆసక్తిగా తిలకించారు. ఈ సందర్భంగా యూకేలోని భారత హైకమిషన్ మొదటి కార్యదర్శి శ్రీరంజని కనగవేల్ ద్వారా హైదరాబాద్ లో ఏర్పాటు చేసిన అంబేద్కర్ విగ్రహ ప్రతిరూపాన్ని మ్యూజియం అధికారులకు మంత్రి ప్రదర్శనకు అందజేశారు. భారత హైకమిషన్ కు అంబేద్కర్ చిత్రపటాన్ని బహూకరించారు.
IT and Industries Minister pays tribute to Dr. Ambedkar's legacy during UK tour!
✳️ Minister KTR visited Ambedkar Museum in London and paid his respects to Dr. B.R. Ambedkar, the architect of the Indian Constitution and a champion of social justice.
✳️ The museum… pic.twitter.com/ufEm7tIRCX
Latest Videos
undefined
ఫెడరేషన్ ఆఫ్ అంబేడ్కరిస్ట్ అండ్ బౌద్ధ ఆర్గనైజేషన్స్ యూకే (ఎఫ్ఏబీఓ యూకే) అధ్యక్షుడు సంతోష్ దాస్, సంయుక్త కార్యదర్శి సి.గౌతమ్ తెలంగాణ ప్రభుత్వ ప్రయత్నాలను అభినందిస్తూ ముఖ్యమంత్రి కే చంద్రశేఖర్ రావును అభినందిస్తూ అధికారిక అభినందన లేఖను విడుదల చేశారు. జాతి నిర్మాణం, అణగారిన వర్గాల అభ్యున్నతికి డాక్టర్ బీఆర్ అంబేద్కర్ చేసిన కృషిని గుర్తించడానికి తెలంగాణలో మీరు చేపట్టిన అద్భుతమైన కార్యక్రమాలకు అభినందనలు అని లేఖలో పేర్కొన్నారు. అంబేడ్కర్ 132వ జయంతి సందర్భంగా హైదరాబాద్ నడిబొడ్డున ప్రపంచంలోనే అత్యంత ఎత్తైన 125 అడుగుల అంబేద్కర్ విగ్రహాన్ని ఏర్పాటు చేయడం తెలంగాణకే కాదు భారతదేశానికి గర్వకారణం. తెలంగాణ నూతన సచివాలయ సముదాయానికి బీఆర్ అంబేద్కర్ పేరు పెట్టడం అంబేద్కర్ పట్ల మీకున్న గౌరవాన్ని, సమాజాన్ని ఉద్ధరించడానికి ఆయన చేసిన కృషిని తెలియజేస్తుందన్నారు.
అంబేద్కర్ భారతదేశానికి చేసిన సేవలను ఎత్తిచూపడంలో తెలంగాణ ప్రభుత్వం చేసిన అసాధారణ కృషిని గుర్తించిన ఎఫ్ ఏబీఓ యూకే కేటీఆర్ ను సత్కరించింది. ఎఫ్ఏబీఓ యూకే అధ్యక్షుడు సంతోష్ దాస్ విలియం గౌల్డ్, క్రిస్టోఫ్ జాఫ్రెలాట్తో కలిసి రాసిన 'అంబేద్కర్ ఇన్ లండన్' పుస్తకం సంతకం చేసిన కాపీని మంత్రికి అందజేశారు. డాక్టర్ బీఆర్ అంబేడ్కర్ విలువలను, సేవలను నొక్కిచెప్పేందుకు తెలంగాణ ప్రభుత్వం చేస్తున్న విస్తృత ప్రయత్నంలో భాగంగానే లండన్ లోని అంబేడ్కర్ మ్యూజియంను పరిశ్రమల శాఖ మంత్రి సందర్శించారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి