గృహ లక్ష్మీ పథకం కింద 4 లక్షల మందికి ఇళ్లు.. కాశీ, శబరిమలలో వసతి గృహాలు : తెలంగాణ కేబినెట్ నిర్ణయాలివే

తెలంగాణ ముఖ్యమంత్రి కేసీఆర్ అధ్యక్షతన జరిగిన కేబినెట్ సమావేశం ముగిసింది. ఈ సందర్భంగా పలు కీలక నిర్ణయాలు తీసుకుంది మంత్రిమండలి . శబరిమల, కాశీలలో వసతి గృహాల నిర్మాణానికి ఆమోదముద్ర వేసింది. 

తెలంగాణ ముఖ్యమంత్రి కేసీఆర్ అధ్యక్షతన జరిగిన కేబినెట్ సమావేశం ముగిసింది. ఈ సందర్భంగా పలు కీలక నిర్ణయాలు తీసుకుంది మంత్రిమండలి. దీనికి సంబంధించిన వివరాలను మంత్రి హరీశ్ రావ్ ఇతర మంత్రులతో కలిసి మీడియాకు తెలిపారు. 

• గృహ లక్ష్మీ పథకం ద్వారా 4 లక్షల మందికి ఇళ్లు మంజూరు
• రెండో విడత దళితబంధు 1 లక్ష 30వేల కుటుంబాలకు ఇవ్వాలని కేబినెట్ నిర్ణయం
• దళితబంధు వేడుకలను ఆగస్టు నెలలో ప్రతీ ఏటా నిర్వహించాలని నిర్ణయం
• 119 నియోజకవర్గల్లో కలెక్టర్ ఆధ్వర్యంలో దళిత బంధు నిధులు పంపిణీ 
• సొంత జాగ ఉన్న వారికి ఇల్లు కట్టించడానికి గృహ లక్ష్మీ పథకం పేరుతో ఆర్ధిక సాయం
• 3 వేల చొప్పున ప్రతీ నియోజకవర్గానికి మొత్తం 4 లక్షలు ఇవ్వాలని నిర్ణయం
• ప్రతీ ఇంటికి 3 లక్షల రూపాయలను గ్రాంట్ గా మూడు దఫాలుగా ఇవ్వాలని నిర్ణయం
• గృహలక్ష్మీ పథకం కోసం రూ.12 వేల కోట్లు బడ్జెట్ లో కేటాయింపు
• కట్టే ఇళ్లన్నీ మహిళ పేరు మీద ఇవ్వాలని నిర్ణయం
• గత ఇందిరమ్మ పథకంలో రూ.4 వేల కోట్ల అప్పులను రద్దు చేస్తూ నిర్ణయం 
• గొర్రెల పంపిణీకి సంబంధించి 7 లక్షల లబ్ధిదారుల్లో గతంలోనే 50 శాతం పూర్తి 
• రూ. 4 వేల కోట్లకు పైగా మళ్ళీ నిధులు కేటాయింపు
• కలెక్టర్ పర్యవేక్షణలో గొర్రెల పంపిణీ
• 4 లక్షల ఎకరాల పోడు భూములకు సంబంధించి 1 లక్షా 55 వేల 393 మందికి పట్టాల పంపిణీ చేయాలని కేబినెట్ నిర్ణయం
• అంబేడ్కర్ విగ్రహం ఏప్రిల్ 14వ తేదీన ఘనంగా ప్రారంభించాలని నిర్ణయం
• ఏప్రిల్ 14న భారీ బహిరంగ సభ
• జీవో 58, 59 ఒక్క రూపాయి లేకుండా పేదలకు ఇంటిపై హక్కును కల్పించాలని కేబినెట్ నిర్ణయం
• జీవో 58 కింద 1 లక్ష 45 వేల మందికి పట్టాలు ఇప్పటికే పంపిణీ
• కాశీలో తెలంగాణ ప్రభుత్వం పక్షాన ఒక వసతి గృహం నిర్మాణానికి కేబినెట్ ఆమోదం ఇందుకోసం రూ.25 కోట్ల నిధులు మంజూరు
• శబరిమలలోనూ రూ. 25 కోట్లతో వసతి గృహం నిర్మించాలని కేబినెట్ నిర్ణయం
• త్వరలోనే శబరిమలకు మంత్రుల బృందం 
• గవర్నర్ వద్ద ఉన్న పెండింగ్ బిల్లుల పరిష్కారం కోసం సుప్రీంకోర్టుకు వెళ్లాలని నిర్ణయాన్ని ఆమోదించిన క్యాబినెట్.