"నేనేమైనా టెర్రరిస్టునా?" : బెయిల్ రద్దు చేయాలన్న పోలీసుల విజ్ఞప్తిపై మండిపడ్డ బండి సంజయ్...

తెలంగాణ బీజేపీ రాష్ట్ర అధ్యక్షుడు బండి సంజయ్ పోలీసుల తీరుపై మండిపడ్డారు. నేనేమైనా టెర్రరిస్టునా? నా బెయిల్ రద్దు చేయాలని ఎందుకు కోరుతున్నారంటూ ప్రశ్నించారు. 

హైదరాబాద్ : తన బెయిల్‌ను రద్దు చేయాలని కోరుతూ వరంగల్ పోలీసులు పిటిషన్ దాఖలు చేయడంతో తెలంగాణ భారతీయ జనతా పార్టీ (బిజెపి) అధ్యక్షుడు బండి సంజయ్ సోమవారం నాడు మండిపడ్డారు. ప్రగతి భవన్ ఆదేశాల మేరకు పోలీసులు వ్యవహరిస్తున్నారని అన్నారు. 10వ తరగతి ప్రశ్నాపత్రం లీక్ కేసులో అరెస్టయిన తెలంగాణ బీజేపీ అధ్యక్షుడు బండి సంజయ్ కుమార్ గత బుధవారం, ఏప్రిల్ 5 రాత్రి వరంగల్ కోర్టులో బెయిల్ దరఖాస్తు చేసుకున్నారు. సంజయ్ కుమార్ బెయిల్ పిటిషన్‌ను వ్యతిరేకిస్తూ గత గురువారం, ఏప్రిల్ 6న వరంగల్ పోలీసులు కోర్టులో పిటిషన్ దాఖలు చేశారు.

శుక్రవారం ఉదయం, ఎస్సెస్సీ పరీక్ష ప్రశ్నపత్రం లీక్ కేసులో బెయిల్ పొందిన తరువాత సంజయ్ కరీంనగర్ జైలు నుండి బయటకు వచ్చాడు. ఆ తరువాత ఏఎన్‌ఐతో మాట్లాడిన సంజయ్.. ‘నా బెయిల్‌ను రద్దు చేయమని ఎందుకు అడగాలి.. నేను టెర్రరిస్టునా.. నక్సలైట్‌నా.. కేసీఆర్‌ కొడుకు, కూతురు లాంటి అక్రమ పద్ధతుల ద్వారా వేల కోట్ల రూపాయలు సంపాదించానా?

ఆసక్తి వ్యక్తీకరణ వేలంలో పాల్గొనడం ద్వారా విశాఖపట్నం స్టీల్ ప్లాంట్ ప్రైవేటీకరణను ఆపడానికి ముఖ్యమంత్రి కె చంద్రశేఖర్ రావు నేతృత్వంలోని భారత రాష్ట్ర సమితి ప్రభుత్వం చేసిన ప్రయత్నాన్ని కూడా సంజయ్ ఎగతాళి చేశారు. ‘ప్రభుత్వ ఉద్యోగులకు నెల ఒకటో తేదీన జీతాలు చెల్లించలేని ముఖ్యమంత్రి, పంట రుణాలు, నిరుద్యోగ భృతి వంటి హామీలను అమలు చేయలేక విశాఖ స్టీల్‌ ప్లాంట్‌ కోసం వేలం పాటపై మాట్లాడటం విడ్డూరంగా ఉందన్నారు. 

దేవి థియేటర్‌లో తాజా బ్లాక్‌బస్టర్ చిత్రం "బలగం" వీక్షించిన తర్వాత విలేకరులతో మాట్లాడారు. విశాఖ స్టీల్‌ ప్లాంట్‌ను మరచిపోండి.. ముందుగా ఖమ్మంలో బయ్యారం స్టీల్‌ ప్లాంట్‌ ఏర్పాటు చేసి 20 వేల మందికి ఉద్యోగాలు కల్పిస్తామన్న హామీని కేసీఆర్‌ నెరవేర్చాలన్నారు.

మనోభావాలు, భావోద్వేగాలను సమర్థవంతంగా చిత్రించినందుకు బలగం చిత్ర నిర్మాతలను అభినందిస్తూ, ముఖ్యమంత్రికి డబ్బు సంబంధిత విషయాలపై తప్ప మానవ సంబంధాలపై నమ్మకం లేదని సంజయ్ అన్నారు. గతంలో తన కూతురి పెళ్లి సందర్భంగా పీసీసీ చీఫ్ రేవంత్ రెడ్డిని వేధించారని, ఇటీవల మా అత్తగారి అంత్యక్రియలకు హాజరైన నన్ను అక్రమంగా అరెస్టు చేశారని విమర్శించారు.

బీజేపీ ఎమ్మెల్యే ఈటల రాజేందర్ ఎలాంటి నేరం చేయనప్పటికీ పోలీసులకు నోటీసులు అందించడాన్ని కూడా ఆయన తప్పుబట్టారు. కరీంనగర్‌లో అరెస్టు చేసి సిద్దిపేటకు తీసుకొచ్చినప్పటి నుంచి తన ఫోన్‌ మాయమైందని సంజయ్‌ చెప్పాడు. ‘పోలీసులే నా ఫోన్‌ను లాక్కెళ్లి ఇప్పుడు డ్రామాలు ఆడుతున్నారని, నిజానికి పలువురు బీఆర్‌ఎస్‌ ఎమ్మెల్యేలు, ఎంపీల కాల్‌ లిస్ట్‌ ఉన్న నా ఫోన్‌ను చూసి కేసీఆర్‌ షాక్‌కు గురయ్యారని అన్నారు.