హైదరాబాద్ లో రియల్ ఎస్టేట్ వ్యాపారి ఆశప్ప హత్య..
By SumaBala Bukka | First Published May 12, 2023, 10:19 AM ISTహైదరాబాద్ లో ఓ రియల్ ఎస్టేట్ వ్యాపారి దారుణ హత్య జరిగింది. గుర్తు తెలియని నలుగురు వ్యక్తులు, కత్తులు, రాడ్లతో అతని మీద దాడి చేసి చంపేశారు.
హైదరాబాద్ : హైదరాబాద్ శివారులో దారుణ హత్య వెలుగు చూసింది. రియల్ ఎస్టేట్ వ్యాపారి ఆశప్ప అలియాస్ అశోక్ ను గుర్తు తెలియని వ్యక్తులు దారుణంగా హత్య చేశారు. ఆశప్ప మీద నలుగురు గుర్తు తెలియని వ్యక్తులు దాడి చేసి హత్య చేశారు. కత్తులు, ఇనుపరాడ్లతో దాడి చేసి హత్య చేసినట్లు సమాచారం.
రెండేళ్ల క్రితం కూడా మృతుడి మీద హత్యాయత్యం జరిగింది. నిందితుడు మహబూబ్ నగర్ జిల్లా నారాయణ్ పేట్ కు చెందిన బుగ్గప్పగా అనుమానిస్తున్నారు. ఆశప్ప నారాయణపేట్ నుంచి వచ్చి హైదరాబాద్ శివారుల్లోని రాంపల్లి టీపీఎస్ కాలనీలో అశోక్ గా పేరు మార్చుకుని ఉంటున్నాడు. ఆశప్ప హత్యకు పాత కక్షలే కారణమని పోలీసులు అనుమానిస్తున్నారు.
Latest Videos
రాంపల్లి టీపీఎస్ కాలనీలో ఓ చోట మెట్ల మీద అతను కూర్చుని ఉండగా, తెల్లటి కారులో వచ్చిన కొంతమంది అతని మీద దాడి చేసి హత్య చేశారు. అయితే, 2019లో ఓ గ్రామ సర్పంచ్ హత్య కేసులో ఆశప్ప నిందితుడిగా ఉన్నాడు. దీంతో అతనికి సంబంధించిన వారు ఇందులో ఉన్నారా? అనే కోణంలోనూ పోలీసులు విచారిస్తున్నారు. ప్రస్తుతం ఉస్మానియా ఆస్పత్రిలో ఆశప్ప మృతదేహం ఉంది. దీనికి సంబంధించి మరిన్ని వివరాలు తెలియాల్సి ఉంది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి