మంత్రి శ్రీనివాస్ గౌడ్ హత్య కుట్ర కేసు: ఆగష్టులో ప్లాన్, అక్కడే హత్య చేయాలని స్కెచ్

మహబూబ్‌నగర్ లోనే మంత్రి శ్రీనివాస్ గౌడ్ ను హత్య చేయాలని నిందితులు ప్లాన్ చేశారని పోలీసులు తెలిపారు. రిమాండ్ రిపోర్టులో ఈ విషయాలను పోలీసులు తెలిపారు. 

హైదరాబాద్: తెలంగాణ రాష్ట్ర ఎక్సైజ్ శాఖ మంత్రి V. Srinivas Goud  హత్య కుట్ర కేసుకు సంబంధించి పోలీసులు కీలక విషయాలను సేకరించారు. మహబూబ్‌నగర్ లోనే మంత్రి శ్రీనివాస్ గౌడ్ ను హత్య చేయాలని ప్లాన్ చేశారు. మహబూబ్‌ నగర్ లో ఎక్కడ చంపాలనే దానిపై కూడా నిందితులు నిర్ణయం తీసుకొన్నారని పోలీసులు రిమాండ్ రిపోర్టులో పేర్కొన్నారు.

మంత్రి శ్రీనివాస్ గౌడ్ హత్య కేసుకు సంబంధించి ఎనిమిది మంది నిందితులను పోలీసులు రెండు రోజుల క్రితం అరెస్ట్ చేసిన విషయం తెలిసిందే. ఈ కేసుకు సంబంధించి పోలీసులు Remnad Rport లో కీలక విషయాలను వెల్లడించాడు.  బహదూర్‌పల్లి లో మంత్రి శ్రీనివాస్ గౌడ్ ను kill చేసేందుకు ఉపయోగంచాలనుకొన్న ఆయుధాలను దాచిపెట్టారు. Raghavender Raju, మున్నూరు రవిలు ఈ ఆయుధాలను దాచి పెట్టినట్టుగా పోలీసులు పేర్కొన్నారు. గత ఏడాది ఆగష్టు 3వ తేదీన  రాఘవేందర్ రాజు ఇంట్లోనే మంత్రి శ్రీనివాస్ గౌడ్ ను హత్య చేయాలని నిందితులు ప్లాన్ చేశారని పోలీసులు తెలిపారు.

మంత్రి శ్రీనివాస్ గౌడ్ ను Mahabubnagar లోనే హత్య చేయాలని కూడా ఈ సమావేశంలో నిర్ణయం తీసుకొన్నారు. మహబూబ్‌నగర్ లో ఎక్కడ హత్య చేయాలనే దానిపై కూడా నిందితులు పక్కా స్కెచ్ వేశారని కూడా రిమాండ్ రిపోర్ట్ లో పేర్కొన్నారు.

మంత్రి హత్య కుట్ర కేసులో ఏ1 గా రాఘవేందర్ రాజును పోలీసులు పేర్కొన్నారు.  ఏ 5గా మున్నూరు రవి, ఏ6 గామధుసూధన్ రాజు, ఏ7 గా అమరేందర్ రాజు, ఏ 8 జితేందర్ రెడ్డి డ్రైవర్ థాపాను పోలీసులు చేర్చారు.పేట్ బషీరాబాద్ లో పోలీసులు కేసు నమోదు చేయగానే నిందితులు విశాఖపట్టణం వెళ్లారని పోలీసులు తెలిపారు. విశాఖపట్టనం నుండి ఢిల్లీకి నిందితులు చేరుకొన్నారని రిమాండ్ రిపోర్టులో పోలీసులు చెప్పారు.

మంత్రి శ్రీనివాస్ గౌడ్ హత్య కుట్ర కేసు కేసులో ఇప్పటికే ఎనిమిది మందిని పోలీసులు అరెస్ట్ చేశారు.  మంత్రి శ్రీనివాస్ గౌడ్ ను హత్య చేసేందుకు రూ. 15 కోట్లు సుఫారీ ఇచ్చారని  పోలీసులు తెలిపారు. రెండు రోజుల క్రితం ఈ విషయ,మై సైబరాబాద్ సీపీ Stephen Ravindra మీడియాకు వివరించారు. ఈ కేసులో బీజేపీ నేతలు జితేందర్ రెడ్డి, డీకే అరుణల ప్రమేయం ఆరా తీస్తున్నట్టుగా వెల్లడించారు. 

Farooq, హైదర్ అలీ ఫిబ్రవరి 23న మేడ్చల్ జిల్లా పేట్‌బషీరాబాద్ కు వచ్చారు.  పేట్‌బషీరాబాద్‌ పరిధిలో సుచిత్ర వద్ద ఓ లాడ్జిలో వారు దిగారు. 25న మధ్యాహ్నం రెండింటికి ఆ ఇద్దరు సుచిత్ర సెంటర్‌కు వచ్చారు. అదే సమయంలో మహబూబ్‌నగర్‌‌ జిల్లాకు చెందిన నాగరాజు, బండేకర్ విశ్వనాథ్ రావు, వర్ణ యాదయ్యలు కత్తులు, ఇతర మారణాయుధాలతో ఫరూక్‌, హైదరాలీని చంపడానికి వెంటపడ్డారు.

 ఇది గమనించిన ఇద్దరు వారి నుంచి తప్పించుకొని పరారయ్యారని పోలీసులు తెలిపారు. అదేరోజు సాయంత్రం 5గంటలకు ఆ ఇద్దరూ ఘటనపై పేట్‌బషీరాబాద్‌ పోలీసులకు ఫిర్యాదు చేశారన్నారు. ఈ విషయమై కేసు నమోదు చేసి దర్యాప్తు ప్రారంభించిన పోలీసులు మరుసటి  రోజే నాగరాజు సహా ఇతర నిందితులను అదుపులోకి తీసుకున్నారని స్టీఫెన్ రవీంంద్ర తెలిపారు. 

‘గత నెల 26న ముగ్గురిని అదుపులోకి తీసుకున్నామన్నారు. ఈ ముగ్గురిని విచారించగా యాదయ్య, నాగరాజు, విశ్వనాథ్ పేర్లు బయటకొచ్చాయి. రాఘవేందర్ రాజు  సహా మరికొందరు హత్యకు కుట్ర చేశారని నాగరాజు చెప్పాడు.నాగరాజు అరెస్టు విషయం తెలియగానే రాఘవేంద్రరాజు సహా ముగ్గురు నిందితులు మహబూబ్‌నగర్‌‌ నుంచి వైజాగ్‌ అక్కడి నుంచి ఢిల్లీకి పారిపోయారని సీపీ స్టీఫెన్ రవీంద్ర తెలిపారు.టెక్నికల్‌ ఎవిడెన్స్‌ను సేకరించిన పోలీసులు  నిందితులు డిల్లీలోనే ఉన్నట్లు గుర్తించారు. నిందితులకు మాజీ ఎంపీ జితేందర్‌రెడ్డి డ్రైవర్‌ ఆయన పీఏ రాజు ఆశ్రయం ఇచ్చినట్టుగా కనుగొన్నామని సీపీ తెలిపారు. 

దీంతో పోలీసుల బృందం Delhiకివెళ్లి వారిని గుర్తించి అరెస్టు చేసి హైదరాబాద్‌కు తీసుకొచ్చామన్నారు. నిందితుల నుంచి రెండు పిస్టళ్లు, బుల్లెట్లు  స్వాధీనం చేసుకున్నారు. రాఘవేంద్రరాజు, మున్నార్‌ రవి, మధుసూదన్‌ రాజు, అమరేందర్‌రాజును పోలీసులు విచారించగా వారంతా కలిసి మంత్రి శ్రీనివాస్‌ గౌడ్‌ హత్యకు కుట్రపన్నినట్లు వెల్లడించారు. ఈ కేసులో మాజీ ఎంపీ జితేందర్‌‌రెడ్డి పాత్రపై కూడా విచారణ జరుపుతామన్నారు. మంత్రిని ఎక్కడ, ఎలా కుట్ర చేయాలని చూశారనే వివరాలను విచారణలో రాబడతామని  స్టీఫెన్ రవీంద్ర తెలిపారు.