నల్గొండ జిల్లాలోని కేతేపల్లిలో బాలిక అనుమానాస్పదస్థితిలో పవన్ సహా ముగ్గురిని పోలీసులు అరెస్ట్ చేశారు. బాలిక హత్యకు గురైందని చెప్పినా కూడ ఎస్ఐ పట్టించుకోకపోవడంతో స్థానికులు ఆందోళనకు దిగారు. దీంతో అతడిని వీఆర్ కు పంపారు.
నల్గొండ: ఈ నెల 13వ తేదీన అనుమానాస్పదస్థితిలో మరణించిన బాలిక ప్రీతిని హత్య చేసినట్టుగా పోలీసులు గుర్తించారు. ఈ ఘటనకు సంబంధించిన ఓ ఆడియో సంభాషణను కూడ పోలీసులు స్వాధీనం చేసుకొన్నారు.నల్గొండ జిల్లాలోని కేతేపల్లికి చెందిన బాలిక ప్రీతి ఈ నెల 13వ తేదీన అనుమానాస్పదస్థితిలో మరణించింది. బాలికను హత్య చేశారని చెప్పినా కూడ స్థానిక ఎస్ఐ పట్టించుకోలేదు.ఈ విషయమై బాధిత కుటుంబంతో పాటు ప్రజా సంఘాలు ఆందోళన నిర్వహించాయి. దీంతో ఎస్ఐను వీఆర్‌కు పంపారు పోలీసు ఉన్నతాధికారులు.
ఈ నెల 17వ తేదీన బాలిక డెడ్‌బాడీని వెలికి తీసి రీ పోస్టు మార్టం చేశారు. రీ పోస్టుమార్టంలో కూడ బాలికది హత్యేనని తేలింది. బాలికను కొడుతూ చంపేస్తానని నిందితుడు పవన్ తన ఫ్రెండ్స్ కు చెప్పాడు. ఈ ఆడియో సంభాషణ ఒకటి పోలీసులు గుర్తించారు.ఈ కేసు విచారణను డీటీసీ ఎస్పీ సతీష్ కు అప్పగించారు డీఐజీ రంగనాథ్. నిందితుడు పవన్ సహా ముగ్గురిని పోలీసులు అరెస్ట్ చేశారు.