వివాహిత స్నానం చేస్తుండగా ఈ కామాంధుడు ఎంత పని చేశాడంటే...

కామంతో కళ్లు మూసుకుపోయిన ఓ కామాంధుడు తన ఇంటిపక్కనున్న ఓ వివాహితపై కన్నేశాడు. తన సెల్ ఫోన్ తో వివాహిత స్నానం చేస్తుండగా చిత్రీకరించడానికి ప్రయత్నించి అడ్డంగా బుక్కయ్యాడు. ఈ ఘటన హైదరాబాద్ లో చోటుచేసుకుంది.

హైదరాబాద్   మౌలాలి ప్రగతినగర్ ప్రాంతంలో ఫారూఖ్ పాషా(30) అనే మెకానిక్ నివాసముంటున్నాడు. ఇతడు  తన ఇంటి  పక్కనే ఉండే ఓ వివాహితపై కన్నేశారు. గతంలో పలుమార్లు ఆమెతో అసభ్యంగా ప్రవర్తించాడు. దీంతో సదరు మహిళ తన కుటుంబ సభ్యులతో కలిసి ఫారూఖ్ కు గట్టి వార్నింగ్ ఇచ్చింది. అయినప్పటికి అతడు తన వైఖరి మార్చుకోలేదు.

ఆమెను ఎలాగైనా పొందాలని భావించిన ఫారూఖ్ ఓ ప్లాన్ వేశాడు. వివాహిత ఇంట్లో ఎవరూ లేని సమయంలో ఇంట్లోకి చొరబడ్డాడు. అదే సమయంతో మహిళ స్నానం చేస్తూ బాత్రూంలో ఉంది. దీన్ని అదునుగా భావించి తన సెల్ ఫోన్ కెమెరాతో బాత్రూ తలుపుకున్న చిన్న రంధ్రం ద్వారా చిత్రీకరించడం ప్రారంభించాడు. స్నానం ముగించుకుని మహిళ హటాత్తుగా బైటికి వచ్చింది. దీంతో బాత్రూం తలుపు వద్ద పాషా ను గమనించింది. దీంతో గట్టిగా కేకలు వేయడంతో చుట్టుపక్కల వారు పోగై పాషాను పట్టుకుని దేహశుద్ది చేశారు.

బాధితురాలి ఫిర్యాదు మేరకు ఫారూక్‌ పాషాను పోలీసులు అరెస్టు చేసి రిమాండ్‌కు తరలించారు. అతడి సెల్ ఫోన్ ను స్వాధీనం చేసుకుని, దర్యాప్తు చేస్తున్నట్లు పోలీసులు తెలిపారు.