హైద్రాబాద్ కోకాపేటలో లగ్జరీ కార్లతో రేసింగ్: ఆరుగురి అరెస్ట్
By narsimha lode | First Published Jul 20, 2023, 2:59 PM ISTహైద్రాబాద్ నగరంలో లగ్జరీ కార్లతో రేసింగ్ కు పాల్పడుతున్న ఆరుగురిని పోలీసులు అరెస్ట్ చేశారు.
హైదరాబాద్: నగరంలో లగ్జరీ కార్లతో రేసింగ్ నిర్వహిస్తున్న ఆరుగురిని గురువారంనాడు పోలీసులు అరెస్ట్ చేశారు. కోకాపేట పరిధిలోని మూవీటవర్స్ పరిధిలో కార్ల రేసింగ్ కు పాల్పడుతున్న ఆరుగురిని పోలీసులు అరెస్ట్ చేశారు. హుస్సేన్, రాకేష్, ధన్ రాజ్,నారాయణ, రమణ, మణికంఠలను పోలీసులు అరెస్ట్ చేశారు.
నార్సింగి పోలీస్ స్టేషన్ పరిధిలో ఈ ఘటన చోటు చేసుకుంది. స్పోర్ట్స్ కార్లతో బడా బాబుల పిల్లలు రేసింగ్ కు పాల్పడుతున్నారు. ఈ విషయమై స్థానికులు పోలీసులకు ఫిర్యాదు చేశారు.ఈ ఫిర్యాదు ఆధారంగా పోలీసులు ఆరుగురిని అరెస్ట్ చేశారు. అరెస్టైన వారంతా బడా వ్యాపారుల పిల్లలు. ఔటర్ రింగ్ రోడ్డుపై లగ్జరీ కార్లతో రేసింగ్ నిర్వహిస్తుండగా పోలీసులు అరెస్ట్ చేశారు. ఈ కార్లు మహారాష్ట్ర, పాండిచ్చేరి రాష్ట్రాల రిజిస్ట్రేషన్లతో ఉన్నాయి. కార్ల రేసింగ్ కు పాల్పడుతున్న ఆరుగురిపై పోలీసులు కేసు నమోదు చేశారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి