భార్యపై అనుమానం.. దారుణంగా హత్య చేసిన భర్త

భార్యపై అతను పెంచుకున్న అనుమానం.. పెనుభూతంగా మారింది.  ఈ పెనుభూతం.. చివరకు భార్యను హత్యచేయడానికి కూడా దారి తీసింది. ఈ సంఘటన హైదరాబాద్ నగరంలో చోటుచేసుకుంది.

పూర్తి వివరాల్లోకి వెళితే... చంద్రాయణ గుట్టకి చెందిన బౌన్సర్ కి గతేడాది ఫిబ్రవరిలో వివాహం జరిగింది. కాగా.. పెళ్లి జరిగిన కొద్దిరోజులు బాగానే ఉన్నారు. ఆ తర్వాత నుంచి భార్యను అనుమానంతో వేధించడం మొదలుపెట్టాడు. భార్య తన స్నేహితులకు ఫోన్ లో మెసేజ్ చేయడం నచ్చని.. బౌన్సర్ తరచూ ఆమెను హింసించేవాడు.

ఆమె వైఖరి మారకపోవడంతో.. బుధవారం దంపతులు ఇద్దరి మధ్యా వివాదం చోటుచేసుకుంది. ఈ క్రమంలో కోపోద్రిక్తుడైన బౌన్సర్.. కత్తితో భార్యను పొడిచి హత్య చేశాడు. అనంతరం అక్కడి నుంచి పరారయ్యాడు.

కాగా..  స్థానికుల సమాచారం మేరకు పోలీసులు కేసు నమోదు చేసుకొని దర్యాప్తు చేపట్టారు. మృతదేహాన్ని పోస్టుమార్టంకి తరలించారు.