గోషామహాల్ చంద్రముఖి దొరికింది

తెలంగాణ ఎన్నికల్లో భాగంగా గోషామహాల్ బీఎల్ఎఫ్ అభ్యర్టిగా పోటీ చేస్తున్న హిజ్రా చంద్రముఖి అదృశ్యం కావడం రాజకీయ వర్గాల్లో పెను సంచలనం సృష్టించింది. ప్రత్యర్థులు ఆమెను ఎక్కడో దాచేశారని, కిడ్నాప్ చేసి నిర్బంధించారని ఇలా రకరకాల కథనాలు తెరమీదుకు వచ్చాయి.

ఇలాంటి వాటికి తెరదించుతూ ఆమె అదృశ్యం వెనుక మిస్టరీని ఛేదించారు పోలీసులు. బంజారాహిల్స్ పోలీస్ స్టేషన్‌కు టాస్క్‌ఫోర్స్ పోలీసులు చంద్రముఖిని తీసుకొచ్చారు. ఇవాళ ఉదయం 10.15 నిమిషాలకు ఆమెను తమ ముందు హాజరు పరచాల్సిందిగా హైకోర్టు పోలీసులను ఆదేశించింది. అంతకు ముందు చంద్రముఖి అదృశ్యం కావడంపై ఆమె తల్లి హైకోర్టులో హబియస్ కార్పస్ పిటిషన్ దాఖలు చేశారు.