సకినాలు చేస్తుండగా అగ్ని ప్రమాదం.. కోరుట్ల ఎమ్మెల్యే విద్యాసాగర్ రావు సతీమణికి గాయాలు..

జగిత్యాల ఇంట్లో అగ్ని ప్రమాదం (Fire Accident) చోటుచేసుకుంది. కోరుట్ల ఎమ్మెల్యే కల్వకుంట్ల విద్యాసాగర్ రావు ( kalvakuntla vidyasagar rao) ఇంట్లో గ్యాస్ సిలిండర్ లీక్ అయి మంటలు చెలరేగాయి. సంక్రాంతి పండుగకు సకినాలు చేస్తున్న సమయంలో ఈ ప్రమాదం చోటుచేసుకుంది. ఈ ఘటనలో ఎమ్మెల్యే విద్యాసాగర్‌ రావు సతీమణి సరోజకు మంటలు అంటుకోవడంతో గాయాలయ్యాయి. దీంతో ఆమెను వెంటనే హైదరాబాద్‌లోని ఆస్పత్రికి తరలించారు. అయితే ఈ ప్రమాదం జరిగిన సమయంలో ఎమ్మెల్యే విద్యాసాగర్ రావు ఇంట్లో ఉన్నారా..? లేదా..? అనే దానిపై స్పష్టత రావాల్సి ఉంది.  ఈ ఘటనపై పూర్తి సమాచారం తెలియాల్సి ఉంది.