రైతులకు అండగా ఉంటాం.. ఇందిరమ్మ రాజ్యం వస్తే నే పేదల కష్టాలు తీరుత‌య్..: రేవంత్ రెడ్డి

Parakala: కాంగ్రెస్ పార్టీ 50 ఏళ్ల పాలనలో అనేక సాగునీటి ప్రాజెక్టులు నిర్మించిందనీ, రోడ్లు వేసిందని, ప్రతి గ్రామానికి నీరు, విద్యుత్ ఇచ్చిందని, పాఠశాలలు, చెరువులు, ఆసుపత్రులు నిర్మించిందని తెలంగాణ కాంగ్రెస్ చీఫ్ ఏ.రేవంత్ రెడ్డి అన్నారు. రైతుల‌కు అండ‌గా ఉంటామ‌ని ప్ర‌క‌టించిన ఆయ‌న‌.. ఇందిర‌మ్మ రాజ్యం వ‌స్తేనే పేద‌ల‌కు క‌ష్టాలు తీరుతాయ‌ని పేర్కొన్నారు.  

TPCC president A Revanth Reddy: పరకాల ఎమ్మెల్యే చల్లా ధర్మారెడ్డి రాష్ట్ర వనరులను దోచుకుంటున్నారని టీపీసీసీ అధ్యక్షుడు రేవంత్ రెడ్డి ఆరోపించారు. సోమవారం పులుగిళ్ల గ్రామంలో తన హత్ సే హత్ జోడో యాత్రను ప్రారంభించిన ఆయన, ఈ సంద‌ర్భంగా మాట్లాడుతూ.. స్థానిక ఎమ్మెల్యే తన నియోజకవర్గంలోని ప్రజలను పట్టించుకోవడం కంటే ఆస్తులు కూడబెట్టడంపైనే ఎక్కువ ఆసక్తి చూపుతున్నారని విమ‌ర్శించారు. గత కొన్నేళ్లుగా పరకాలలో ఎలాంటి అభివృద్ధి జరగలేదన్నారు. ఈ ప్రాంతంలో ఏ అభివృద్ధి జరిగినా కొండా సురేఖ వల్లే జరిగిందని రేవంత్ రెడ్డి అన్నారు.

కాంగ్రెస్ హయాంలో జరిగిన అభివృద్ధిని నిరూపించేందుకు తాను సిద్ధంగా ఉన్నానని చెప్పారు. పురపాలక శాఖ మంత్రి కే తారకరామారావుకు దమ్ముంటే హనుమకొండలోని ఏకశిల పార్కులో చర్చకు రావాలని స‌వాలు విసిరారు. శ్రీశైలం, నాగార్జునసాగర్, నెట్టెంపాడు, కల్వకుర్తి ప్రాజెక్టులను నిర్మించింది కాంగ్రెస్ పార్టీయేనన్నారు. కాంగ్రెస్ పార్టీ 50 ఏళ్ల పాలనలో అనేక సాగునీటి ప్రాజెక్టులు నిర్మించిందనీ, రోడ్లు వేసిందని, ప్రతి గ్రామానికి నీరు, విద్యుత్ ఇచ్చిందని, పాఠశాలలు, చెరువులు, ఆసుపత్రులు నిర్మించిందని రేవంత్ రెడ్డి అన్నారు. రైతుల‌కు అండ‌గా ఉంటామ‌ని ప్ర‌క‌టించిన ఆయ‌న‌.. ఇందిర‌మ్మ రాజ్యం వ‌స్తేనే పేద‌ల‌కు క‌ష్టాలు తీరుతాయ‌ని పేర్కొన్నారు.

ఈ క్ర‌మంలోనే కేటీఆర్, కేసీఆర్ ల‌ను టార్గెట్ చేస్తూ రాష్ట్ర ప్ర‌భుత్వంపై విమ‌ర్శ‌లు గుప్పించారు. గత తొమ్మిదేళ్లలో రాష్ట్ర ఆస్తులను బీఆర్ఎస్ నేతలు దోచుకున్నారని ఆరోపించారు. కాంగ్రెస్ పాలనలో వ్యవసాయాన్ని పండుగలా చూశారని తెలిపారు. అయితే, ప్ర‌స్తుతం పనికిరాని ఆంక్షలతో రైతులపై బీఆర్ఎస్ భారం మోపుతోందని రేవంత్ రెడ్డి విమర్శించారు. సోమవారం వరంగల్ జిల్లా పరకాలలో జరిగిన హాత్ సే హాత్ జోడో ప్రచారంలో భాగంగా రేవంత్ రెడ్డి కంఠంమకూరు నుంచి ధర్మారం, నడికుడ, పులిగిల్ల, రాయపర్తి, మల్కపేట, నాగారం క్రాస్ మీదుగా పరకాల వరకు పాదయాత్ర నిర్వహించారు. రాష్ట్ర సాధన ఉద్యమంలో మరణించిన యువకుల కుటుంబాలను గానీ, గిరిజన వైద్యురాలు డి.ప్రీతి కుటుంబాన్ని గానీ, కుక్కల దాడిలో ప్రాణాలు కోల్పోయిన నాలుగేళ్ల చిన్నారిని గానీ కలవడంలో మంత్రి కేటీఆర్ ఎందుకు విఫలమయ్యారని రేవంత్ రెడ్డి ప్రశ్నించారు.

'మీ తండ్రి కేసీఆర్ స్వస్థలమైన చింతమడకను సందర్శించండి, ఆ గ్రామంలో కాంగ్రెస్ ప్రభుత్వం నిర్మించిన ఆలయాన్ని, పాఠశాలను మీరు చూడవచ్చు' అని కేటీఆర్ ఉద్దేశించి అన్నారు. హైటెక్ సిటీ, ఔటర్ రింగ్ రోడ్డు, అంతర్జాతీయ విమానాశ్రయం, శిల్పారామం, మెట్రో రైలు ప్రాజెక్టు, ఐటీ హబ్, రైల్వే స్టేషన్లు, వరంగల్ లోని మామునూర్ విమానాశ్రయాన్ని అభివృద్ధి చేసిన ఘనత కాంగ్రెస్ కే దక్కుతుందని రేవంత్ రెడ్డి పేర్కొన్నారు. లక్షల ఇందిరమ్మ ఇళ్లు, వేల కోట్ల రూపాయల పంట రుణాలు మాఫీ చేశామని, ఫీజు రీయింబర్స్ మెంట్ పథకం తెచ్చామని, ఆరోగ్యశ్రీని ప్రవేశపెట్టింది కాంగ్రెస్ పార్టీయేనని అన్నారు.

తొమ్మిదేళ్ల పాలనలో కాగితాలు, చక్కెర కర్మాగారాలను మూసివేసి, వేల ఎకరాలు కబ్జా చేసి, ఫాంహౌస్ లు నిర్మించి కోట్లాది రూపాయలు కూడబెట్టగలిగారని అధికార పార్టీ నేత‌ల‌పై ఆరోప‌ణ‌లు గుప్పించారు.