అప్పు తీర్చమంటే చంపారు:హైద్రాబాద్‌లో వ్యాపారి మధుసూధన్ రెడ్డి హత్య

పాతబస్తీలో వ్యాపారవేత్త మధుసూదన్ రెడ్డి కిడ్నాప్ చేసి అతని మిత్రులే ఆయనను హత్యచేశారు.చార్మినార్ నుండి అతడిని తీసుకెళ్లి సంగారెడ్డిలో హత్య  చేశారని పోలీసులు గుర్తించారు. పొలంలో మృతదేహన్ని పూడ్చిపెట్టారు. ఈ హత్యలో పాల్గొన్న నిందితుడిని పోలీసులు అరెస్ట్ చేశారు.

హైదరాబాద్: హైద్రాబాద్ నగరంలోని పాతబస్తీకి చెందిన వ్యాపారి మధుసూదన్ రెడ్డిని అతని మిత్రులే కిడ్నాప్ చేసి హత్య చేశారు. ఈ నెల 19వ తేదీన మధుసూదన్ రెడ్డి కిడ్నాపయ్యారు.ఈ విషయమై ఆయన  కుటుంబసభ్యులు పోలీసులకు ఫిర్యాదు చేశారు. ఈ ఫిర్యాదు మేరకు పోలీసులు కేసు నమోదు చేసుకొని దర్యాప్తు చేస్తున్నారు.

మధుసూదన్ రెడ్డి తన మిత్రులకు రూ. 40 లక్షలను అప్పుగా ఇచ్చారు. ఈ డబ్బులను తిరిగి ఇవ్వాలని మిత్రులను కోరాడు. అయితే ఈ డబ్బులు తిరిగి ఇవ్వని మిత్రులు అతడిని హత్య చేయాలని నిర్ణయం తీసుకొన్నారు. 

ఈ నెల 19వ తేదీన మధుసూదన్ రెడ్డిని మిత్రులే పథకం ప్రకారంగా కిడ్నాప్ చేశారు.  చార్మినార్ నుండి అతడిని సంగారెడ్డికి తీసుకెళ్లారు. అక్కడే అతడిని హత్య చేశారు. మృతదేహన్ని ఓ పొలంలో పూడ్చిపెట్టారు. 

ఈ హత్యలో పాల్గొన్న   ఓ నిందితుడిని పోలీసులు  అదుపులోకి తీసుకొన్నారు. ఈ హత్యలో ఎవరెవరి ప్రమేయం ఉందనే విషయమై కూడ పోలీసులు ఆరా తీస్తున్నారు.