దుబ్బాక ప్రజలు చైతన్యవంతులు.. అందుకే నన్ను గెలిపించారు: రఘునందన్ రావు

దుబ్బాక ప్రజలు చైతన్యవంతులు కాబట్టే బీజేపీని గెలిపించారని  ఈ ఎన్నికల్లో విజయం సాధించిన రఘునందన్ రావు చెప్పారు.

సిద్దిపేట: దుబ్బాక ప్రజలు చైతన్యవంతులు కాబట్టే బీజేపీని గెలిపించారని  ఈ ఎన్నికల్లో విజయం సాధించిన రఘునందన్ రావు చెప్పారు.

ఈ ఎన్నికల్లో విజయం సాధించిన తర్వాత బీజేపీ నేత రఘునందన్ రావు మీడియాతో మాట్లాడారు. తనకు ఓటేసిన గెలిపించిన  నియోజకవర్గ ప్రజలకు ఆయన ధన్యవాదాలు తెలిపారు.

దుబ్బాక ఉప ఎన్నికల్లో ఫలితం చివరకు నరాలు తెగే ఉత్కంఠ నెలకొంది.దుబ్బాక  స్థానం నుండి గతంలో రెండు దఫాలు రఘునందన్ రావు పోటీ చేసి ఓటమి పాలయ్యాడు. సోలిపేట రామలింగారెడ్డి  మరణంతో ఈ స్థానానికి ఉప ఎన్నికలు జరిగే అవకాశం ఉందని భావించిన బీజేపీ నాయకత్వం ఈ స్థానంపై కేంద్రీకరించింది.

దుబ్బాక అసెంబ్లీ స్థానానికి ఈ నెల 3వ తేదీన పోలింగ్ జరిగింది.ఇవాళ ఓట్లను లెక్కించారు. ఈ ఎన్నిక ఫలితాలపై ఆసక్తి నెలకొంది. చివరి రౌండ్  బీజేపీ, టీఆర్ఎస్ మధ్య నువ్వా నేనా అన్నట్టుగా ఫలితం నెలకొంది.