ఇంటర్ విద్యార్థిని మధులిక పై ప్రేమోన్మాది దాడి చేసిన సంఘటనలు పలు విషయాలు వెల్లడయ్యాయి. భరత్ రెండు రోజుల ముందే మధులికను చంపాలని ప్లాన్ వేశాడని పోలీసులు చెబుతున్నారు.
undefined
‘‘కొబ్బరి బోండాలు అమ్మే వ్యక్తి కదలికలు గమనించి.. రాత్రి సమయంలో అతను లేకుండా చూసుకొని కత్తిని దొంగతనం చేశాడు. అనంతరం దానిని రహస్యంగా తన ఇంటికి సమీపంలో దాచి పెట్టాడు. బుధవారం మధులిక కాలేజీకి వెళ్లే దారిలో కాపుకాసి మరీ ఆమె పై దాడి చేశాడు’’ అని పోలీసులు చెప్పారు.
undefined
‘‘దాడి చేయడానికి ఇంటి నుంచి బయలుదేరే ముందు.. తన కుటుంబసభ్యులను ఇంట్లో ఉంచి భరత్.. బయట తాళం వేశాడు. తన కుటుంబసభ్యులు ఎవరైనా చూస్తే.. తనను అడ్డుకుంటారనే కారణంతోనే ఇలా చేశాడు’’ అని పోలీసులు వివరించారు.
undefined
‘‘మధులిక కనపడగానే.. కత్తితో సహా ఆమె ముందు వెళ్లి నిల్చున్నాడు. అతని చేతిలో కత్తి చూసి.. మధులిక భయంతో వణికిపోయి పరగులు తీసింది. అక్కడ రోడ్డు మీద చాలా మంది ఉన్నప్పటికీ.. ఎవరూ అడ్డుకునే ప్రయత్నం చేయలేదు’’ అని తెలిపారు.
undefined
‘‘ ఆమెపై దాడి చేసిన తర్వాత రక్తంతో నిండి ఉన్న కత్తిని తీసుకొని ఇంటికి వెళ్లాడు. అక్కడ కత్తి వదిలేసి చాదర్ ఘాట్ పారిపోయాడు’’ అని చెప్పారు. అయితే.. కొబ్బరిబోండాలు నరికే కత్తి కనిపించకుండా పోయిందని తమకు ఎవరూ ఫిర్యాదుచేయలేదని పోలీసులు ఈ సందర్భంగా చెప్పారు.
undefined