అయోధ్య : సీతమ్మ తల్లికి బంగారు చీర.. సిరిసిల్ల చేనేత కారుడి అపురూప కానుక...
By SumaBala Bukka | First Published Jan 19, 2024, 3:47 PM ISTఅయోధ్య రామాలయానికి పంపడం కోసం సిరిసిల్ల చేనేత కారుడు అద్భుతమైన బంగారు చీరను నేశారు.
సిరిసిల్ల : అయోధ్య రామాలయానికి కానుకగా తెలంగాణలోని సిరిసిల్ల చేనేతకారుడు అపురూప కానుకను సిద్ధం చేశారు. సీతమ్మ తల్లికోసం బంగారు చేనేత చీరను సిద్ధం చేశారు. సిరిసిల్ల చేనేత కార్మికుడు వెళ్ది హరిప్రసాద్ ఈ అద్భుతాన్ని సృష్టించాడు. దీనికోసం బంగారు తీగతో మగ్గంపై రామాయణ ఇతివృత్తాలు దృశ్యాల రూపంలో కనిపించేట్టు గా చీర నేశారు.
ఈ చీరకోసం రూ. లక్షన్నర ఖర్చుపెట్టారు హరిప్రసాద్. భార్యాభర్తలిద్దరూ కలిసి 20 రోజులపాటు శ్రమించి ఈ చీరను నేసామని తెలిపారు. చీరమీద
అయోధ్య రాముడి గుడి వచ్చేలా చీరను సృష్టించారు. ఈ బంగారు పట్టుచీరపై రామాయణ ఘట్టాలతో చీరనేశారు. ఈ చీర నేతలో బంగారాన్ని వాడారు. చీరను ఎప్పుడైనా తీసినా దాంట్లో నుంచి ఎనిమిది గ్రాముల బంగారం వస్తుందని తెలిపారు. ఈ చీర బరువు 900 గ్రాములు ఉంటుంది.
Latest Videos
ఈ చీరను శుక్రవారం కరీంనగర్ పార్లమెంట్ సభ్యులు బండి సంజయ్ తో ఓపెన్ చేయించారు ఈ నెల 26 న భారత ప్రధాని నరేంద్రమోదీని కలిసి.. ఈ చీరను చూపించబోతున్నట్లుగా హరిప్రసాద్ తెలిపారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి