తెలంగాణలో ఫ్యామిలీ పాలిటిక్స్ మామూలుగా లేవు. రాజకీయ కుటుంబాలు పోటీలో దిగి సక్సెస్ అయ్యారు. ఈ కుటుంబాల గురించి ఆసక్తికరమైన విషయాలు చర్చిద్దాం.
హైదరాబాద్: తెలంగాణలో ఫ్యామిలీ పాలిటిక్స్ మామూలుగా లేవు. పలు రాజకీయ కుటుంబాలు తమ సత్తా చాటాయి. చాలా వరకు ఈ కుటుంబాలు సక్సెస్ అయ్యాయి. ఇంట్రెస్టింగ్ డీటెయిల్స్ ఇలా ఉన్నాయి.
ఆ ముగ్గురూ..
అధికార బీఆర్ఎస్ పార్టీ అధినేత కేసీఆర్ కుటుంబం ఎప్పటిలాగే ఈ సారి కూడా ఘన విజయాలను నమోదు చేసుకుంది. సీఎం కేసీఆర్, ఆయన కుమారుడు కేటీఆర్, మేనల్లుడు హరీశ్ రావులు గెలిచారు. గజ్వేల్ నుంచి కేసీఆర్, సిరిసిల్ల నుంచి కేటీఆర్, సిద్దిపేట నుంచి హరీశ్ రావులు ఘన విజయం సాధించారు.
దంపతులు:
కాంగ్రెస్ ఎంపీ ఉత్తమ్ కుమార్ రెడ్డి, ఆయన భార్య పద్మావతి ఇద్దరూ బరిలో దిగారు. వీరిద్దరూ గెలుపొందారు. హుజూర్ నగర్ నుంచి ఉత్తమ్, కోదాడ నుంచి పద్మావతి గెలిచారు.
సోదరులు:
నల్గొండలో కోమటిరెడ్డి సోదరులు మంచి మెజార్టీతో గెలుపొందారు. నల్గొండ నుంచి వెంకట్ రెడ్డి, మునుగోడు నుంచి రాజగోపాల్ రెడ్డి గెలిచారు.
Also Read: Election Results: ముగ్గురు బీజేపీ ఎంపీల ఓటమి.. ముగ్గురు కాంగ్రెస్ ఎంపీల గెలుపు
గడ్డం బ్రదర్స్:
గడ్డం వివేక్, వినోద్ సోదరులు ఇద్దరూ ఈ ఎన్నికల్లో గెలిచారు. చెన్నూర్ నుంచి వివేక్, బెల్లంపల్లి నుంచి గడ్డం వినోద్ గెలుపొందారు.
మామ, అల్లుడు:
మంత్రి చామకూర మల్లారెడ్డి, ఆయన అల్లుడు మర్రి రాజశేఖర్ రెడ్డి ఈ ఎన్నికల్లో గెలుపొందారు. మేడ్చల్ నుంచి మల్లారెడ్డి, మల్కాజ్గిరి నుంచి మర్రి రాజశేఖర్ రెడ్డి విజయం సాధించారు.
తండ్రీ కొడుకు:
బీఆర్ఎస్లో ఇద్దరికీ టికెట్లు అందక కాంగ్రెస్ పార్టీలోకి వెళ్లిన మైనంపల్లి హన్మంతరావు.. మల్కాజ్గిరి నుంచి పోటీ చేసి ఓడిపోయారు. ఆయన కొడుకు రోహిత్ మాత్రం మెదక్లో విజయాన్ని సాధించారు.