రిలయన్స్ స్టోర్లలో ప్రత్యేకంగా OnePlus ఓపెన్ ఫోల్డబుల్ స్మార్ట్‌ఫోన్‌.. ఈరోజు నుండే బుకింగ్స్ ఓపెన్..

ముంబై: ప్రజలు ఎంతో ఆసక్తిగా ఎదురుచూస్తున్న వన్‌ప్లస్ ఓపెన్ ఫోల్డబుల్ ఫోన్‌ను స్టోర్లలో ప్రత్యేకంగా అందించడానికి రిలయన్స్ డిజిటల్ వన్‌ప్లస్‌తో భాగస్వామ్యం కుదుర్చుకుంది. కస్టమర్‌లు వారి దగ్గర్లోని రిలయన్స్ డిజిటల్ అవుట్‌లెట్‌లో ఈరోజు నుండి ఫోన్‌ను  ప్రి బుక్ చేసుకోవచ్చు. అలాగే  ఉచిత  OnePlus బడ్స్ ప్రో 2, యాక్సిడెంటల్ ప్రొటెక్షన్ ప్లాన్, ICICI బ్యాంక్ కార్డ్‌లపై రూ. 5000 వరకు ఇన్స్టంట్  డిస్కౌంట్, రూ. 8000 వరకు ఎక్స్‌ఛేంజ్ బోనస్‌తో సహా ప్రత్యేక బెనిఫిట్స్ కూడా పొందవచ్చు. ఈ సేల్ అక్టోబర్ 27, 2023న ప్రత్యక్ష ప్రసారం అవుతుంది.

రిలయన్స్ డిజిటల్ సీఈఓ బ్రియాన్ బాడే మాట్లాడుతూ, "అద్భుతమైన వన్‌ప్లస్ ఓపెన్ స్మార్ట్‌ఫోన్  ప్రత్యేకమైన లాంచ్ కోసం వన్‌ప్లస్‌తో భాగస్వామ్యం కావడం మాకు చాలా ఆనందంగా ఉంది. ఈ లాంచ్  ద్వారా భారతదేశం అంతటా మా కస్టమర్‌లకు సరికొత్త టెక్నాలజీని  అందిస్తామన్న మా వాగ్దానానికి మేము కట్టుబడి ఉన్నాము." అని అన్నారు. 

OnePlus ఓపెన్ అనేది లేటెస్ట్  టెక్నాలజీ స్లీక్ డిజైన్‌తో మిళితం చేసే రివొల్యూషనరీ డివైజ్. దీనికి ఫోన్ ఇంకా  టాబ్లెట్ మోడ్స్  మధ్య  మారడానికి యూజర్లకు ఉపయోగపడే  ఫోల్డబుల్ డిస్‌ప్లే ఉంది. ఈ ఫోన్  సరికొత్త Qualcomm స్నాప్‌డ్రాగన్ ప్రాసెసర్‌తో  ఇంకా  12GB RAM అండ్ 512GB స్టోరేజ్ తో వస్తుంది.  ఎక్కువ మన్నిక కోసం వాటర్‌డ్రాప్ కీలతో కూడా వస్తుంది. కెమెరా సెన్సార్ కాంపాక్ట్ అండ్  సోనీ 'డ్యూయల్-లేయర్ ట్రాన్సిస్టర్ పిక్సెల్' టెక్నాలజీతో  అమర్చబడి, సైజ్ లో రెట్టింపు లైట్ ని క్యాప్చర్ చేయడానికి ఉపయోగపడుతుంది.

https://www.reliancedigital.in/