6జి, ఐ‌ఓ‌టి, ఏ‌ఐ అభివృద్ది పై భారత్, ఆస్ట్రేలియా రీసెర్చ్ ప్రోగ్రాం.. త్వరలోనే జియో 5జి నెట్వర్క్..
By S Ashok Kumar | First Published Apr 22, 2021, 12:38 PM IST5G/6G ఆభివృద్ధి చెందుతున్న టెక్నాలజిపై ఆస్ట్రేలియా, భారతదేశానికి చెందిన నిపుణులు కలిసి పనిచేయన్నాట్లు ఆస్ట్రేలియా విదేశాంగ మంత్రి మారిజ్నే పేన్ బుధవారం ఒక ప్రకటన చేశారు.
ఆర్టిఫిషియల్ ఇంటెలిజెన్స్ (AI),నెక్స్ట్ జనరేషన్ టెలికమ్యూనికేషన్స్ టెక్నాలజీస్ (5G/6G), ఇంటర్నెట్ ఆఫ్ థింగ్స్ (IoT), క్వాంటం కంప్యూటింగ్, సింథటిక్ బయాలజీ, బ్లాక్‌చెయిన్, బిగ్ డేటా వంటి అభివృద్ధి చెందుతున్న టెక్నాలజి అభివృద్ధిపై ఆస్ట్రేలియా, భారతదేశానికి చెందిన నిపుణులు కలిసి పనిచేయన్నారు.
ఆస్ట్రేలియా-ఇండియా సైబర్ అండ్ క్రిటికల్ టెక్నాలజీ పార్ట్‌నర్‌షిప్ (ఎఐసిసిటిపి) మొదటి రౌండ్ విజయవంతం కావడంతో ఆస్ట్రేలియా విదేశాంగ మంత్రి మారిజ్నే పేన్ బుధవారం ఈ ప్రకటన చేశారు.
Latest Videos
undefined
రిలయన్స్ జియో, ఐఐటి మద్రాస్, సిడ్నీ విశ్వవిద్యాలయం, న్యూ సౌత్ వేల్స్ విశ్వవిద్యాలయం కలిసి నెక్స్ట్ జనరేషన్ టెలికమ్యూనికేషన్ నెట్‌వర్క్‌లలో గోప్యత ఇంకా భద్రతా సవాళ్లను పరిష్కరించడానికి కలిసి పనిచేస్తున్నాయి. వైర్‌లెస్ నెట్వర్క్ వినియోగం, ఇంటర్నెట్ ఆఫ్ థింగ్స్ వ్యవస్థలు భవిష్యత్తులో మంచి వృద్ధిని సాధిస్తాయని భావిస్తున్నారు.
ఇలాంటి పరిస్థితులలో 5జి అండ్ 6జి నెట్‌వర్క్‌ల సామర్థ్యాలు కూడా మరింత పెరుగుతాయి. రిలయన్స్ జియో దాని భాగస్వాములతో కలిసి దీనిని విచ్ఛిన్నం చేయడానికి ప్రయత్నిస్తోంది. భారతదేశం, ఆస్ట్రేలియాలో జరుగుతున్న ప్రయోగాలు, పరిశోధనలు రెండు దేశాలతో పాటు ప్రపంచవ్యాప్తంగా డేటా రక్షణ వ్యవస్థలను బలోపేతం చేయడానికి ఉపయోగించబడతాయి.
వైర్‌లెస్ నెట్‌వర్క్‌ల గోప్యత ఇంకా భద్రతా ప్రమాదాలపై వైట్ రీసెర్చ్ పేపర్ విడుదల చేయబడుతుంది. దీని తరువాత బెంగళూరులో రెగ్యులేటర్లు, స్టాండర్డ్స్ బాడీ అధికారులతో వర్క్‌షాప్ నిర్వహించనున్నారు. దీనిలో వినియోగదారుల డేటా భద్రత అనే అంశంపై చర్చిస్తారు.
ఈ సమస్యపై పనిచేయడానికి ప్రొఫెసర్. జోసెఫ్ డేవిస్ నాయకత్వంలో ఒక బృందం ఏర్పడింది, ఇందులో డాక్టర్ దిలీప్ కృష్ణస్వామి - రిలయన్స్ జియో ఇన్ఫోకామ్ లిమిటెడ్, ఆల్బర్ట్ జోమయా - సిడ్నీ విశ్వవిద్యాలయం. అరుణ సెనెవిరత్నే, డాక్టర్ దీపక్ మిశ్రా - న్యూ సౌత్ వేల్స్ విశ్వవిద్యాలయం, జాకబ్ మలానా - ఆర్బిట్ ఆస్ట్రేలియా, డాక్టర్ అయాన్ చక్రవర్తి - ఐఐటి మద్రాస్, శ్రీగానేష్ రావు - కొలిగో టెక్నాలజీస్ ఉన్నారు.
ఆస్ట్రేలియా-ఇండియా సైబర్ అండ్ క్రిటికల్ టెక్నాలజీ పార్ట్‌నర్‌షిప్ (ఎఐసిసిటిపి) కింద మరో రెండు పరిశోధన కార్యక్రమాలు కూడా చేయనున్నారు. క్వాంటం టెక్నాలజీకి ఫ్రేమ్‌వర్క్‌ను సిద్ధం చేయడానికి సిడ్నీ విశ్వవిద్యాలయం, అబ్జర్వర్ రీసెర్చ్ ఫౌండేషన్ ఆఫ్ ఇండియాకు అప్పగించారు.
అలాగే, గ్లోబల్ కంపెనీలకు క్లిష్టమైన టెక్నాలజీ సప్లయి చైన్ కోసం ఫ్రేమ్‌వర్క్‌ను సిద్ధం చేయడానికి లా-ట్రోబ్ విశ్వవిద్యాలయం, ఐఐటి కాన్పూర్‌కు అప్పగించారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి