వందల మ్యాచులు ఆడిన కానీ చిన్నప్పటి నుంచి ఆ టీంలో ఆడాలని కలలు కన్నా: సచిన్ టెండూల్కర్

1974 సంవత్సరంలో భారతదేశం  మొట్టమొదటి వన్డే మ్యాచ్ ఆడినప్పుడు ప్రారంభమైన ప్రయాణం అంతర్జాతీయ క్రికెట్‌లో దేశం గొప్ప ఎత్తులను సాధించింది. 1983 ప్రపంచకప్‌లో కపిల్ దేవ్ భారతదేశాన్ని విజయపథంలో నడిపించినప్పుడు ఇండియాలో క్రికెట్ విప్లవం ప్రారంభమైంది. అప్పటి నుంచి భారత క్రికెట్ వెనుదిరిగి చూడలేదు. 

అహ్మదాబాద్‌లోని నరేంద్ర మోదీ స్టేడియంలో ఆదివారం వెస్టిండీస్‌తో టీమిండియా 1000వ వన్డే ఆడనుంది. టీం ఇండియా వన్డే మ్యాచ్‌ల ప్రయాణం గురించి మాట్లాడితే, క్రికెట్ లెజెండ్ సచిన్ టెండూల్కర్ అని మొదటి పేరు వస్తుంది. దేశ 200వ, 300వ, 400వ, 500వ, 600వ, 700వ, 800వ  టీమిండియా వన్డేల్లో భాగమైన సచిన్  ప్రపంచంలోనే ఇంతటి ఘనత మరే క్రికెటర్ సాధించలేదు.  

అయితే 999 వన్డేల్లో 463 వన్డేలు ఆడిన సచిన్ కల మాత్రం మరోలా ఉంది. తాను చాలా ఓ‌డి‌ఐలు ఆడానని అయితే ఒక ఓ‌డి‌ఐ మ్యాచ్‌లో  ఆడలేకపోపోయానని కానీ చిన్నప్పటి నుంచి అందులో భాగం కావాలని కలలు కన్నానని సచిన్ వెల్లడించాడు. సచిన్ ప్రకారం అతను 1983 ప్రపంచ కప్ ఫైనల్‌లో కపిల్ దేవ్ నేతృత్వంలోని జట్టులో భాగం కావాలని కలలు కన్నాడట.

1983 ప్రపంచ కప్ తర్వాత  క్రికెట్ అభిమానిగా 
సచిన్ ప్రకారం అది 1983 ప్రపంచ కప్ ఫైనల్, అందులో భారత్ విజేతగా నిలిచిన తర్వాత అతను క్రికెట్‌ను ఫ్యాషన్ గా తీసుకున్నాడు. ఈ ప్రపంచకప్ తర్వాతే అతనికి క్రికెట్ పై క్రేజ్ ఏర్పడింది. అందుకే 999 వన్డేల్లో తన జట్టు తరఫున ఏ మ్యాచ్ ఆడలేదని అడిగితే వెస్టిండీస్‌ను ఓడించిన 1983 ప్రపంచకప్ ఫైనల్ జట్టు పేరును ఎప్పుడూ చెబుతుంటారు. సచిన్ 1989లో పాకిస్థాన్‌తో తొలి వన్డే ఆడినప్పుడు అలాగే అతని చివరి వన్డే వరకు టీమ్ ఇండియా 638 వన్డేలు ఆడింది, ఇందులో 463 సార్లు ప్రేక్షకులు సచిన్-సచిన్ అని స్టేడియంలో అరుపుల వర్షం కురిపించారు.

భారత క్రికెట్ ఇలాగే అభివృద్ధి చెందాలని ఆకాంక్షించిన సచిన్
భారత్ 1000వ వన్డే మ్యాచ్ ఆడడం గొప్ప విజయంగా సచిన్ భావిస్తున్నారు. 1974 జూలై 13న టీమ్ ఇండియా తొలి వన్డే ఆడిందని, 48 ఏళ్ల తర్వాత 2022లో భారత్ 1000వ వన్డే ఆడబోతోందని సచిన్ గుర్తు చేశాడు. ఇలా సాధారణ విషయం కాదని దీనికి పాత క్రికెటర్లు, ప్రస్తుత క్రికెటర్లు, పాత బోర్డు సభ్యులు, దేశానికి ప్రాతినిధ్యం వహిస్తున్న ప్రస్తుత బోర్డు సభ్యులే బాధ్యులని సచిన్ అంటున్నారు. 

ఈ విజయంలో దేశంలోని క్రికెట్ ప్రేమికుల హస్తం ఉందన్న విషయం కూడా ఇక్కడ మర్చిపోకూడదని చెప్పారు. ఈ ఘనత ఏ ఒక్కరిదీ కాదు దేశం మొత్తనిది. భారత క్రికెట్ ఇలాగే ఎదగాలని సచిన్ ఆకాంక్షించారు. ఫిబ్రవరి 6న జరగనున్న 1000వ వన్డే కోసం అందరికీ శుభాకాంక్షలు తెలిపారు.

సచిన్ 804వ వన్డేలో రిటైర్మెంట్ 
 1989లో పాకిస్థాన్‌తో సచిన్ ఆడిన తొలి వన్డే దేశానికి 106వ మ్యాచ్. 2012లో అతను వన్డే క్రికెట్‌కు రిటైర్ అయినప్పుడు అప్పుడు దేశానికి ఆ మ్యాచ్ 804వ వన్డే మ్యాచ్. భారత్ 999లో 518 గెలిచింది, 431 ఓడిపోయింది, తొమ్మిది టైలు జరిగాయి ఇంకా 41 ఫలితాలు లేవు. విశేషమేమిటంటే 2002లో అంటే 28 ఏళ్లలో భారత్ ఐదు వందల వన్డే ఆడగా, మరో రెండు దశాబ్దాల్లో టీమ్ ఇండియా 1000వ వన్డే ఆడబోతోంది.