NEWS
అవన్నీ వాస్తవాలు కావు
యాంకర్, సినీ నటి శ్రీరెడ్డితో తమ వైసీపీ పార్టీకి ఎలాంటి సంబంధం లేదని ఆ పార్టీ అధికార ప్రతినిధి అంబటి రాంబాబు తెలిపారు. ఈ రోజు ఉదయం నుంచి శ్రీరెడ్డి మరో యువతితో మాట్లాడిన ఆడియో టేపు కలకలం రేపిన సంగతి తెలిసిందే. ఆ వీడియో టేపులో వైసీపీ నేతలే ఈ విధంగా చేశారంటూ శ్రీరెడ్డి చెబుతున్నట్లుగా ఉంది. దీంతో శ్రీరెడ్డి ఉద్యమంలోకి పవన్ కళ్యాణ్ ని లాగడానికి వైసీపీ నేతల హస్తం ఉందనే ప్రచారం ఊపందుకుంది.
కాగా.. ఈ ప్రచారంపై అంబటి రాంబాబు స్పందించారు. అవన్నీ అవాస్తవాలని ఆయన అన్నారు. తమ పార్టీకి శ్రీరెడ్డికి ఎలాంటి సంబంధం లేదని.. ఆమె ఉద్యమంలో తామ పార్టీ నేతలు ఎవరూ జోక్యం చేసుకోలేదని ఆయన గురువారం మీడియా ముందు తెలియజేశారు.