మళ్లీ తగ్గిన రెడ్ మీ నోట్4 ధర

మరోసారి తగ్గిన రెడ్ మీ నోట్ 4 ధర రూ.10,999కి చేరిన రెడ్ మీ నోట్ 4 ధర

చైనాకు చెందిన ప్రముఖ మొబైల్ ఫోన్స్ తయారీ సంస్థ షియోమి.. వినియోగదారుల కోసం మరో బంపర్ ఆఫర్ ప్రకటించింది. గతేడాది భారత్ లో విరివిగా అమ్ముడైన రెడ్ మీ నోట్ 4 ఫోన్ ధర తగ్గించింది. 64జీబీ వేరియంట్ రెడ్ మీ నోట్ 4 ఫోన్ మీద మాత్రమే ధర తగ్గించినట్లు కంపెనీ ప్రకటించింది. గతంలోనూ ఒకసారి ఈ ఫోన్ ధర తగ్గించగా.. ఇప్పుడు మరోసారి తగ్గించింది. ప్రస్తుతం ఈ ఫోన్ పై రూ.వెయ్యి తగ్గించగా.. ఫోన్ ధర రూ.10,999కి చేరింది.  ధర తగ్గిన రెడ్ మీ నోట్ 4 ఈ-కామర్స్ వెబ్ సైట్స్ అమేజాన్, ఫ్లిప్ కార్ట్ లలో లభ్యం అవుతున్నాయి. ఈ ఫోన్ ని తొలుత విడుదల చేసిన సమయంలోనూ, మొదటిసారి ధర తగ్గినప్పుడూ హాట్ కేకుల్లా అమ్ముడయ్యాయి. తాజాగా మరో రూ.1000 తగ్గించడంతో మరింత ఎక్కువగా అమ్ముడయ్యే అవకాశం ఉందని కంపెనీ ప్రతినిధులు భావిస్తున్నారు.

రెడ్ మీ నోట్ 4 ఫీచర్లు..

5.50 ఇంచెస్ టచ్ స్క్రీన్

4జీబీ ర్యామ్

64జీబీ ఇంటర్నల్ స్టోరేజీ

ఫ్రంట్ కెమేరా 5మెగా పిక్సెల్

వెనుక కెమేరా 13మెగా పిక్సెల్

ఆండ్రాయిడ్ 6.0 ఆపరేటింగ్ సిస్టమ్