రోడ్డు మీద వెళ్లాల్సిన స్కూటర్.. అక్కడికి ఎలా ఎక్కిందబ్బా..వైరల్ వీడియో

స్కూటర్ ఎలా ల్యాండ్ అయిందనే విషయం అర్థంకాక నెటిజన్లు జుట్టు పీక్కుంటుున్నారు. ఇప్పుడు ఈ వీడియో ఇంటర్నెట్ లో నెటిజన్లను అయోమయానికి గురి చేసేస్తోంది.

ఈరోజుల్లో ప్రతి చిన్న విషయం సోషల్ మీడియాలో వైరల్ గా మారుతుంది. తాజాగా ఓ స్కూటీ వీడియో నెట్టింట నెటిజన్లను విపరీతంగా ఆకట్టుకుంటోంది. ఆకట్టుకోవడమే కాదు,  అసలు ఆ స్కూటర్ అక్కడికి ఎలా వెళ్లిందబ్బా అనే సందేహం అందరికీ కలగడం గమనార్హం.

 ఒక దుకాణానికి ఆనుకుని చిక్కుకున్న హై-టెన్షన్ వైర్ల లో స్కూటర్ ఇరుక్కుపోయి కనిపించడం విశేషం.  స్కూటర్ ఎలా ల్యాండ్ అయిందనే విషయం అర్థంకాక నెటిజన్లు జుట్టు పీక్కుంటుున్నారు. ఇప్పుడు ఈ వీడియో ఇంటర్నెట్ లో నెటిజన్లను అయోమయానికి గురి చేసేస్తోంది. నివేదికల ప్రకారం, వీడియో జమ్మూకి చెందినది. జూన్ 18న గాలివాన కారణంగా ఇది వైర్లలో ఇరుక్కుపోయిందని తెలుస్తోంది. ఇది అసాధ్యమని అనిపించినప్పటికీ, వైరల్ వీడియో  మాత్రం ప్రస్తుతం వైరల్ గా మారింది.

ఈ వీడియోకి నెటిజన్లు కామెంట్ల వర్షం కురిపిస్తున్నారు. ఎక్కువగా ఫన్నీ కామెంట్స్ వస్తుండటం విశేషం.  “బహుశా ఎలక్ట్రిక్ స్కూటర్.....డైరెక్ట్ ఛార్జింగ్” అని ఒక వినియోగదారు సరదాగా సూచించారు.