మరీ ఇంత నీచమా..? గిరిజన యువకుడిపై మూత్ర విసర్జన ..! వీడియో వైరల్

మధ్యప్రదేశ్‌లో ఇబ్బందికర వీడియో ఒకటి తెరపైకి వచ్చింది. భారతీయ జనతా పార్టీ (బిజెపి) పాలనలో  ఓ బిజెపి నాయకుడు సిగ్గుమాలిన పని చేయడం సిగ్గుచేటు. విషయం ఏమిటంటే, ఓ గిరిజన యువకుడిపై బీజేపీ నేత మూత్ర విసర్జన చేసిన వీడియో ఒకటి వెలుగులోకి వచ్చింది. గిరిజన యువకుడిపై మూత్ర విసర్జన చేస్తున్న యువకుడి పేరు ప్రవేశ్ శుక్లా. ప్రవేశ్ శుక్లా బీజేపీ ఎమ్మెల్యే కేదార్ శుక్లా ఎమ్మెల్యే ప్రతినిధి అని తెలుస్తుంది. అధికార పార్టీ బీజేపీపై విపక్షాలు దాడికి దిగాయి.

మరోవైపు నిందితుడిపై ఎన్‌ఎస్‌ఏ విధించారు. ఈ ఘటనపై ముఖ్యమంత్రి శివరాజ్ సింగ్ చౌహాన్ దృష్టి సారించారు. దోషిని ఎట్టి పరిస్థితుల్లోనూ విడిచిపెట్టబోమని, నిందితుడిపై కఠిన చర్యలు తీసుకోవాలని ఆదేశాలు ఇచ్చారు. నిందితుడిపై జాతీయ భద్రతా చట్టం (ఎన్‌ఎస్‌ఏ) కూడా ప్రయోగించనున్నారు. సిఎం శివరాజ్ ట్వీట్ చేసి ఇలా వ్రాశారు. 'సిధి జిల్లా వైరల్ వీడియో నా దృష్టికి వచ్చింది. దీనిపై నిందితుడిని అరెస్టు చేసి కఠిన చర్యలు తీసుకోవాలని, ఎన్‌ఎస్‌ఎ కూడా విధించాలని అధికారులకు ఆదేశాలు ఇచ్చాను'. అని పేర్కొన్నారు.

బీజేపీపై కాంగ్రెస్‌ దాడి 

ఈ ఘటనపై కాంగ్రెస్ రాష్ట్ర కమిటీ అధ్యక్షుడు, మధ్యప్రదేశ్ మాజీ ముఖ్యమంత్రి కమల్ నాథ్ మాట్లాడుతూ.. సిద్ధి జిల్లాకు చెందిన గిరిజన యువకుడిపై మూత్ర విసర్జన చేసిన దారుణానికి సంబంధించిన వీడియో ఒకటి తెరపైకి వచ్చింది. గిరిజన సమాజంలోని యువతతో ఇలాంటి నీచమైన, దిగజారుడు చర్యలకు నాగరిక సమాజంలో చోటు లేదు. మూత్ర విసర్జన చేసే వ్యక్తికి బీజేపీతో సంబంధం ఉందని ఆరోపించారు. ఈ ఘటనతో మొత్తం మధ్యప్రదేశ్‌ సిగ్గుతో తలదించుకుంది. దోషులను కఠినంగా శిక్షించాలని, మధ్యప్రదేశ్‌లో గిరిజనులపై జరుగుతున్న అఘాయిత్యాలను అరికట్టాలని ముఖ్యమంత్రిని కోరారు. 

ఈ ఘటనపై గిరిజన సంఘాలు ఆగ్రహం వ్యక్తం చేస్తున్నాయి. ఈ వీడియో చాలా సిగ్గుచేటని మధ్యప్రదేశ్ యూత్ కాంగ్రెస్ అధ్యక్షుడు, గిరిజన నాయకుడు విక్రాంత్ భూరియా అన్నారు. దీన్నిబట్టి బీజేపీ గిరిజన వ్యతిరేకి అని అర్థమవుతోంది. గిరిజనులకు ఎంత స్నేహంగా మెలిసినా వారందరూ గిరిజన వ్యతిరేకులేనని విమర్శించారు. దేశంలోనే ఆదివాసీ వ్యతిరేకతలో మధ్యప్రదేశ్ ప్రథమ స్థానంలో ఉండటానికి కారణం ఇదేనని ఆగ్రహం వ్యక్తం చేశారు. 

స్పందించిన బీజేపీ 

ఈ ఘటన బీజేపీ స్పందించింది. ఈ వీడియోలో కనిపిస్తున్న వ్యక్తికి బీజేపీతో సంబంధం లేదని మధ్యప్రదేశ్ బీజేపీ మీడియా విభాగం పేర్కొంది. అలాగే.. బీజేపీ ఎమ్మెల్యే కేదార్ శుక్లా కూడా స్పందించారు. ఎమ్మెల్యే కేదార్ శుక్లా మీడియాతో మాట్లాడుతూ.. ఖండించారు. నిందితుడు ప్రవేశ్ శుక్లా నా ప్రతినిధి కాదు. అతను నాకు తెలుసు. కానీ,  అతడు మా కార్యకర్త కాదని తెలిపారు. కానీ.. ఎమ్మెల్యేకు ఆ వ్యక్తికి సంబంధమున్నట్టు సోషల్ మీడియాలో వైరల్ అవుతోంది, అందులో ప్రవేశ్ శుక్లా ఎమ్మెల్యే ప్రతినిధిగా ఎన్నికైనట్లు, మధ్యప్రదేశ్ ఈస్ట్ పవర్ డిస్ట్రిబ్యూషన్ కంపెనీలో తన ప్రతినిధిగా ప్రవేశ్ శుక్లాను సిద్ధి ఎమ్మెల్యే కేదార్‌నాథ్ శుక్లా నియమించుకున్నట్లు కథనాలు వైరల్ అవుతున్నాయి. 

ఈ విషయంపై రేవా రేంజ్ డీఐజీ మిథ్లేష్ శుక్లా మాట్లాడుతూ.. గిరిజనుడిపై మూత్ర విసర్జన చేసిన వ్యక్తిని బీజేపీ ఎమ్మెల్యే ప్రతినిధిగా చెబుతున్నారని అన్నారు. వీడియో వైరల్ కావడంతో ఈ విషయాన్ని సీరియస్‌గా తీసుకున్న పోలీసులు కేసు నమోదు చేశారు. సిద్ధి ఎమ్మెల్యే కేదార్‌నాథ్ శుక్లా ఎమ్మెల్యే ప్రతినిధి ప్రవేశ్ శుక్లా బహ్రీ నివాసి అని ఆయన చెప్పారు.

వీడియో వైరల్ కావడంతో.. పోలీసులు బహ్రీ పోలీస్ స్టేషన్‌లో కేసు నమోదు చేశారు. ఓ వ్యక్తిపై ఎమ్మెల్యే ప్రజాప్రతినిధి మూత్ర విసర్జన చేస్తున్నట్టు వీడియోలో కనిపిస్తున్నాయి. నిందితులు, బాధితుడు ఇద్దరూ ఒకే గ్రామానికి చెందిన వారు. నిందితుడి కోసం పోలీసులు వెతుకుతున్నారని, త్వరలోనే పట్టుకుంటామని తెలిపారు.  ఈ వీడియో ఆరు రోజుల క్రితం నాటిదని డీఐజీ మిథ్లేష్ శుక్లా తెలిపారు. ఈ వీడియో వెలుగులోకి రావడంతో వెంటనే చర్యలు తీసుకున్నామని తెలిపారు. బాధితుడు బొగ్గు కార్మికుడని, అతడికి మానసిక స్థితి సరిగా లేదని చెప్పారు. ఈ ఘటనపై  పోలీసులు నిందితుడు ప్రవేశ్ శుక్లాపై సిధిలోని బెహ్రీ పోలీస్ స్టేషన్‌లో ఐపిసి సెక్షన్లు 294, 506,  షెడ్యూల్డ్ కులాలు, షెడ్యూల్డ్ తెగల సెక్షన్ల కింద ఎఫ్ఐఆర్ నమోదు చేశారు.