రాజకీయ ఒత్తిళ్ల కారణంగా కొవాగ్జిన్‌కు అత్యవసర వినియోగానికి సంబంధించిన ఆమోదం హడావుడిగా జరిగిందన్న మీడియా నివేదికలను కేంద్ర ప్రభుత్వం తోసిపుచ్చింది. ఆ మీడియా నివేదికలు పూర్తిగా తప్పుదోవ పట్టించేవిగా, తప్పుడు సమాచారంతో కూడినవిగా పేర్కొంది.
రాజకీయ ఒత్తిళ్ల కారణంగా కొవాగ్జిన్‌కు అత్యవసర వినియోగానికి సంబంధించిన ఆమోదం హడావుడిగా జరిగిందన్న మీడియా నివేదికలను కేంద్ర ప్రభుత్వం తోసిపుచ్చింది. కోవిడ్-19ను ఎదుర్కొనేందుకు హైదరాబాద్ కేంద్రంగా ఉన్న భారత్ బయోటెక్ సంస్థ కొవాగ్జిన్‌కు అభివృద్ది చేసింది. అయితే రాజకీయ ఒత్తిళ్ల కారణంగా కొవాగ్జిన్‌ తయారీలో కొన్ని ప్రక్రియలను దాటవేయాల్సి వచ్చిందని, క్లినికల్ ట్రయల్స్‌ను వేగవంతం చేసిందని కొన్ని నివేదికలు పేర్కొన్నాయి. ఈ మీడియా నివేదికలపై స్పందించిన కేంద్ర ఆరోగ్య మంత్రిత్వ శాఖ అందులో ఎలాంటి వాస్తవం లేదని స్పష్టం చేసింది.
ఆ మీడియా నివేదికలు పూర్తిగా తప్పుదోవ పట్టించేవిగా, తప్పుడు సమాచారంతో కూడినవిగా ఉన్నాయని కేంద్ర ఆరోగ్య మంత్రిత్వ శాఖ పేర్కొంది. ‘‘భారత ప్రభుత్వం, నేషనల్ రెగ్యులేటర్ సెంట్రల్ డ్రగ్స్ స్టాండర్డ్ కంట్రోల్ ఆర్గనైజేషన్ (సీడీఎస్‌సీవో) అత్యవసర వినియోగ అధికారం కోసం కోవిడ్ -19 వ్యాక్సిన్‌లను ఆమోదించడంలో శాస్త్రీయ విధానాన్ని, సూచించిన నిబంధనలను అనుసరించాయి’’ అని కేంద్ర ఆరోగ్య మంత్రిత్వ శాఖ తెలిపింది.
𝗠𝘆𝘁𝗵𝘀 𝗩𝘀 𝗙𝗮𝗰𝘁𝘀
✅ Media Reports claiming regulatory approval for Covaxin was rushed due to Political Pressure are Misleading and Fallacious https://t.co/K4EwCFwxD1 pic.twitter.com/xGeeEizYXT
అత్యవసర పరిస్థితుల్లో పరిమితం చేయబడిన ఉపయోగం కోసం కోవిడ్ వ్యాక్సిన్‌లకు సీడీఎస్‌సీవో సబ్జెక్ట్ నిపుణుల కమిటీ సిఫార్సుల మేరకు మాత్రమే జాతీయ నియంత్రణ సంస్థ మంజూరు చేసింది తెలిపింది. సీడీఎస్‌సీవో సబ్జెక్ట్ ఎక్స్‌పర్ట్ కమిటీ 2021 జనవరి 1-2 తేదీన సమావేశమై తగిన చర్చల తర్వాత..కొవాగ్జిన్‌కు పరిమితం చేయబడిన అత్యవసర ఆమోదం కోసం ప్రతిపాదనకు సంబంధించి సిఫార్సులు చేసిందని మంత్రిత్వ శాఖ పేర్కొంది.