Tiger deaths: 7 రోజుల్లో 7 పులులు మృతి.. ఆందోళనకరంగా పులుల మరణాలు
By Mahesh Rajamoni | First Published Sep 13, 2023, 2:19 PM ISTNew Delhi: దేశంలో పులుల మరణాలు ఆందోళనను కలిగిస్తున్నాయి. వివిధ రాష్ట్రాల్లో 7 రోజుల్లో 5 పిల్లలతో సహా 7 పులులు మృతి చెందాయి. గత ఏడు రోజుల్లో వివిధ రాష్ట్రాల్లో ఐదు పిల్లలతో సహా కనీసం ఏడు పులులు మరణించడంతో వాటి సంక్షేమం, సంరక్షణ చర్యలపై ఆందోళన వ్యక్తమవుతోందని జంతు ప్రేమికులు, పర్యావరణ పరిశోధకులు పేర్కొంటున్నారు.
Tiger deaths: దేశంలో పులుల మరణాలు ఆందోళనను కలిగిస్తున్నాయి. వివిధ రాష్ట్రాల్లో 7 రోజుల్లో 5 పిల్లలతో సహా 7 పులులు మృతి చెందాయి. గత ఏడు రోజుల్లో వివిధ రాష్ట్రాల్లో ఐదు పిల్లలతో సహా కనీసం ఏడు పులులు మరణించడంతో వాటి సంక్షేమం, సంరక్షణ చర్యలపై ఆందోళన వ్యక్తమవుతోందని జంతు ప్రేమికులు, పర్యావరణ పరిశోధకులు పేర్కొంటున్నారు.
వివ‌రాల్లోకెళ్తే.. వివిధ రాష్ట్రాల్లో గత ఏడు రోజుల్లో ఐదు పిల్లలతో సహా ఏడు పులులు మృతి చెందాయి. ఒక పెద్దపులి దీర్ఘకాలిక అనారోగ్యంతో మరణించగా, తల్లి నుండి విడిపోయిన తరువాత పిల్లలు ఆకలితో చనిపోయాయి. ఈ సంఘటనలపై అటవీ అధికారులు దర్యాప్తు ప్రారంభించారు. ఉత్తరప్రదేశ్ లోని కాన్పూర్ జూలో త్రిష అనే పులి అనారోగ్యంతో మృతి చెందినట్లు జూ అధికారులు తెలిపారు. 2010లో కాన్పూర్ కు తీసుకువచ్చిన త్రిష జూలో 14 పిల్లలకు జన్మనిచ్చింది. గత ఏడాది డిసెంబరులో అనారోగ్యానికి గురైన పులి జూలాజికల్ పార్కులోని ఓ ఆస్పత్రిలో చికిత్స పొందుతోంది.
Latest Videos
undefined
మహారాష్ట్రలోని చంద్రాపూర్ లోని ఓ పొలంలో మంగళవారం మరో పులి మృతి చెందింది. పులి మృతికి గల కారణాలు తెలియరాలేదు. దీని వయస్సు సుమారు రెండున్నరేళ్లు ఉంటుందని అంచనా. ఇదే ప్రాంతంలో ఆకలితో మూడు పిల్లలు చనిపోయిన ఐదు రోజుల తర్వాత ఈ మరణం సంభవించింది. బల్లార్పూర్ అటవీ ప్రాంతంలో రెండు పులి పిల్లలు మృతి చెందగా, ఒకటి ప్రాణాపాయ స్థితిలో ఉండటంతో వెంటనే చికిత్స కోసం తరలించారు. దురదృష్టవశాత్తూ ఆ తర్వాత అది కూడా తన పరిస్థితికి లొంగిపోయింది. ఈ పిల్లలు 5 నెలల వయస్సు కలిగి ఉంటాయనీ, అవి తల్లి నుండి విడిపోయాయని, బహుశా ఆకలితో చనిపోయి ఉండవచ్చని భావిస్తున్నారు.
రాజస్థాన్ లోని రణతంబోర్ నేషనల్ పార్క్ లో రెండు రోజుల వ్యవధిలో రెండు పులి పిల్లలు మృత్యువాత పడ్డాయి. ఫారెస్ట్ అధికారులు తమ రెగ్యులర్ పెట్రోలింగ్ సమయంలో పిల్లను కనుగొన్నారు. పిల్ల చాలా బలహీనంగా ఉందనీ, చికిత్స పొందేలోపే అది మరణించిందని పేర్కొన్నారు. ఈ పిల్లలను కూడా తల్లి నుంచి వేరు చేశారనీ, ప్రస్తుతం దాని ఆచూకీ కోసం గాలింపు చర్యలు కొనసాగుతున్నాయని తెలిపారు.
మహారాష్ట్రలో 33 పులులు మృతి..
నాగ్‌పూర్‌లోని రాష్ట్ర వన్యప్రాణి ప్రధాన కార్యాలయం అందించిన డేటా ప్రకారం, ఈ ఏడాది జనవరి నుండి మహారాష్ట్రలో 33 పులుల మరణాలు నమోదయ్యాయి, ఇది ఇటీవలి కాలంలో అత్యధికం. 33 పులి మరణాలలో ఎనిమిది పిల్లలు, నాలుగు మ‌ధ్య వయస్సు, 21 పెద్దవి ఉన్నాయి. వీటిలో ఐదు పిల్లలు గత వారం చనిపోయాయి. రాష్ట్రంలోని ఆరు పులుల సంరక్షణ కేంద్రాలలో ఐదు విదర్భ ప్రాంతం నుండి గత మూడేళ్లలో రాష్ట్రంలో పులుల మరణాలన్నీ నమోదయ్యాయి. రాష్ట్ర వన్యప్రాణి ప్రధాన కార్యాలయం ప్రకారం, రాష్ట్రంలో పులుల జనాభా 2018లో 287 నుండి 350 పులులకు ఇటీవలి జనాభా లెక్కల ప్రకారం పెరిగినప్పటికీ, మరణాల రేటు కూడా ఈ కాలంలో పెరిగింది. గతేడాది 28 పులులు చనిపోగా, అందులో ఏడు పిల్లలు ఉన్నాయి.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి