అదే కాలేజీలో ఆ సమయంలో.. సివిల్స్ సర్వీసెస్ పరీక్ష జరుగుతుండటం గమనార్హం. ఆ పరీక్షకు పోలీసు బందో బస్తు కూడా ఉంది. అదే సమయంలో యువతిపై ఈ దారుణం చోటుచేసుకోవడం విస్మయానికి గురిచేస్తోంది. సదరు యువతిని కిడ్నాప్ చేసి.. బలవంతంగా కాలేజీలోకి తీసుకువెళ్లారు.
దేశంలో అమ్మాయిలకు రక్షణ లేకుండా పోతోందనడానికి ఈ సంఘటన మరో ఉదాహరణ. బడి, గుడి ని మించి రక్షణ ఇంకెక్కడ ఉంటుంది అని అంటారు. అలాంటి ప్రదేశాల్లోనూ యువతులపై అత్యాచారాలు చోటుచేసుకోవడం బాధాకరం. తాజాగా... కాలేజీలోనే ఓ యువతిపై కామాంధులు అత్యాచారానికి పాల్పడ్డారు. దానిని వీడియో తీసి ఆమెను బెదిరించడం మరింత బాధాకరం. ఈ దారుణ సంఘటన ఉత్తరప్రదేశ్ లో చోటుచేసుకోగా.. పూర్తి వివరాలు ఇలా ఉన్నాయి.
ఉత్తరప్రదేశ్ లోని ఓ పాలిటెక్నిక్ కాలేజీ క్యాంపస్ లో ఓ 17ఏళ్ల యువతిపై అత్యాచారానికి పాల్పడ్డారు. అదే కాలేజీలో ఆ సమయంలో.. సివిల్స్ సర్వీసెస్ పరీక్ష జరుగుతుండటం గమనార్హం. ఆ పరీక్షకు పోలీసు బందో బస్తు కూడా ఉంది. అదే సమయంలో యువతిపై ఈ దారుణం చోటుచేసుకోవడం విస్మయానికి గురిచేస్తోంది. సదరు యువతిని కిడ్నాప్ చేసి.. బలవంతంగా కాలేజీలోకి తీసుకువెళ్లారు.
అనంతరం యువతిని వివస్త్రను చేసి అసభ్యకరంగా వీడియోలను చిత్రీకరించారు. అనంతరం.. ఓ యువకుడు ఆ యువతిపై అత్యాచారానికి పాల్పడ్డాడు. సదరు యువతి తన బాయ్ ఫ్రెండ్ కలవడానికి వెళ్లగా.. దాదాపు 20మంది యువకులు ఆమెపై దాడికి పాల్పడి.. ఈ దారుణానికి ఒడిగట్టడం గమనార్హం. ఆమె బాయ్ ఫ్రెండ్ ని దారుణంగా కొట్టి.. యువతిపై అత్యాచారానికి పాల్పడ్డారు.
యువతి వద్ద ఉన్న రూ.2వేలు నగదు కూడా లాక్కున్నారు. వారిలో ఒకరు యువతిపై అత్యాచారానికి పాల్పడుతున్న సమయంలో మిగిలిన వాళ్లు వీడియో తీశారు. ఈ ఘటన ఆదివారం చోటుచేసుకోగా.. బాధితురాలు పోలీసులను ఆశ్రయించింది. ఆమె ఫిర్యాదు మేరకు కేసు నమోదు చేసుకున్న పోలీసులు దర్యాప్తు చేస్తున్నారు.
నిందితులంతా.. ఆ పాలిటెక్నిక్ కాలేజీలో రెండో సంవత్సరం చదువుతున్న వారే కావడం గమనార్హం. ఆ యువతి పై వీరంతా దాడి చేస్తున్న సమయంలో.. కాలేజీలో సివిల్స్ పరీక్ష జరుగుతుంది. పోలీస్ ప్రోటెక్షన్ కూడా ఎక్కువగానే ఉంది. ఆ సమయంలో.. అటుగా ఓ పోలీసు అధికారి వెళ్లగా.. అతనికి.. యువతి ఏడుపు, అరుపులు వినిపించాయి. దీంతో.. వెంటనే స్పందించి యువతిని రక్షించారు. సదరు యువతిని సమీపంలోని ఓ పోలీస్ స్టేషన్ లో ఫిర్యాదు చేసేలా ఆ పోలీసు సహకరించినట్లు తెలుస్తోంది. ఇప్పటి వరకు నిందితుల్లో ఇద్దరిని అదుపులోకి తీసుకున్నట్లు పోలీసులు చెప్పారు. ఈ మేరకు కేసు నమోదు చేసుకొని దర్యాప్తు చేస్తున్నట్లు పోలీసులు చెప్పారు.