Tamilnadu Accident : ఎన్నోర్ థర్మల్ ప్లాంట్ ప్రమాదంలో 9మంది మృతి.. బాధిత కుటుంబాలకు కేంద్రం ఎక్స్ గ్రేషియా

Tamilnadu Accident : ఎన్నోర్ థర్మల్ ప్లాంట్ ప్రమాద మృతుల కుటుంబాలకు రూ. 2 లక్షలు, గాయపడిన వారికి రూ. 50,000 చొప్పున ఎక్స్ గ్రేషియా ప్రకటించింది కేంద్ర ప్రభుత్వం. ఈ ఘోర ప్రమాదానికి గల కారణాలను తెలుసుకోవడానికి అధికారులు దర్యాప్తు ప్రారంభించారు.

Tamilnadu Accident : తమిళనాడులోని ఎన్నోర్ థర్మల్ పవర్ ప్లాంట్ నిర్మాణపనుల్లో అపశృతి చోటుచేసుకుంది. నిర్మాణంలో ఉన్న స్టీల్ ఆర్చ్ కూలిపోవడంతో తొమ్మిది మంది కార్మికులు మరణించారు… అనేకమంది గాయపడ్డారు. ఈ దుర్ఘటన పట్ల ప్రధాని నరేంద్ర మోదీ విచారం వ్యక్తం చేశారు. ఈ ప్రమాద మృతుల కుటుంబాలకు రూ. 2 లక్షలు, గాయపడిన వారికి రూ. 50,000 చొప్పున ఎక్స్‌గ్రేషియా ప్రకటించారు. 

ఈ సందర్భంగా ప్రధానమంత్రి కార్యాలయం 'X'లో ఒక పోస్ట్ చేసింది. "తమిళనాడులో ఓ నిర్మాణం కూలిపోవడం వల్ల జరిగిన దుర్ఘటన బాధ కలిగించింది. ఈ కష్ట సమయంలో బాధితులు, వారి కుటుంబాలకు నా ప్రగాఢ సానుభూతి. గాయపడిన వారు త్వరగా కోలుకోవాలని ప్రార్థిస్తున్నాను. పీఎంఎన్ఆర్ఎఫ్ నుంచి మృతుల కుటుంబాలకు రూ. 2 లక్షల ఎక్స్‌గ్రేషియా అందిస్తాం. గాయపడిన వారికి రూ. 50,000 ఇస్తాం" అని ప్రకటించారు. 

 <br><strong>అస్సాం, చుట్టుపక్కల ప్రాంతాల కార్మికులు</strong></h2><p>తమిళనాడులోని ఎన్నోర్ థర్మల్ పవర్ నిర్మాణ స్థలంలో ఘోర ప్రమాదం జరిగింది. స్టీల్ ఆర్చ్ కూలిపోవడంతో తొమ్మిది మంది కార్మికులు మరణించారు.తమిళనాడు జనరేషన్ అండ్ డిస్ట్రిబ్యూషన్ కార్పొరేషన్ (TANGEDCO) ఛైర్మన్ డాక్టర్ జె. రాధాకృష్ణన్ ప్రకారం… ఈ కార్మికులు అస్సాం, చుట్టుపక్కల ప్రాంతాలకు చెందినవారు. బీహెచ్ఈఎల్ అధికారి సంఘటనా స్థలానికి చేరుకున్నారు.&nbsp;</p><p>పోలీసు అధికారుల ప్రకారం.. ప్రమాదానికి కచ్చితమైన కారణం ఇంకా తెలియరాలేదు, అధికారులు దీనిపై మరింత దర్యాప్తు చేస్తున్నారు. &nbsp;"ఈ &nbsp;ఘటనలో 10 మందికి పైగా తీవ్రంగా గాయపడ్డారు. బాధితులను నార్త్ చెన్నైలోని స్టాన్లీ ప్రభుత్వ ఆసుపత్రికి తరలించారు. ప్రమాదానికి కచ్చితమైన కారణం ఇంకా తెలియాల్సి ఉంది. సహాయక చర్యలు కొనసాగుతున్నాయి, అధికారులు ఈ ఘటనపై దర్యాప్తు ప్రారంభించారు," అని ఆవడి పోలీస్ కమిషనరేట్ తెలిపింది.</p><div type="dfp" position=3>Ad3</div><p>&nbsp;</p>