తమిళనాడు చెంగల్పట్టులో రోడ్డు ప్రమాదం: ఆరుగురు మృతి

తమిళనాడు రాష్ట్రంలో బుధవారంనాడు జరిగిన రోడ్డు ప్రమాదంలో ఆరుగురు మృతి చెందారు. టాటా ఏస్ వాహనం మరో రెండు వాహనాలు ఢీకొనడంతో ఈ ప్రమాదం జరిగింది.

చెన్నై: తమిళనాడు రాష్ట్రంలోని చెంగల్పట్టులో  బుధవారంనాడు జరిగిన రోడ్డు ప్రమాదంలో ఆరుగురు మృతి చెందారు.  రాష్ట్రంలోని  చెంగల్పట్టు జిల్లా మధురాండకం వద్ద తిరుచ్చి-చెన్నై జాతీయ రహదారిపై  టాటా ఏస్ వాహనం ఎదురుగా వస్తున్న  ట్రక్కును ఢీకొట్టిందిఅయితే అదే సమయంలో టాటా ఏస్ వాహనాన్ని వెనక నుండి వచ్చి మరో వాహనం ఢీకొట్టింది. రెండు వాహనాల మధ్య టాటా ఏస్ వాహనం ఇరుక్కుపోయింది. ఈ ఘటనలో టాటా ఏస్ వాహనంలోని ఆరుగురు మృతి చెందారు.

అన్నామలైయార్ కార్తీక దీపోత్సవానికి వెళ్లి తిరిగి వస్తున్న సమయంలో ఈ ప్రమాదం జరిగింది.  ఈ ప్రమాదంతో ఈ రోడ్డుపై భారీగా ట్రాఫిక్ జామ్ అయింది. మృతదేహాలను  చెంగల్పట్టు ప్రబుత్వాసుపత్రికి తరలించారు.ఈ ఆసుపత్రిలో  పోస్టుమార్టం నిర్వహించిన తర్వాత మృతదేహలను బంధువులకు అప్పగించనున్నారు. ఈ రోడ్డు ప్రమాదంలో శేఖర్, శశికుమార్, యెహుమలై, చంద్రశేఖర్, దామోదరన్,   గోకుల్ లు మృతి చెందారు.ఈ ప్రమాదంలో అయ్యనార్, రామ్మూర్తి, రవి, శేఖర్, సతీష్ కుమార్ లు గాయపడ్డారు.