స్వలింగ వివాహం అనేది దేశ సామాజిక విలువలకు దూరంగా ఉన్న ‘అర్బన్ ఎలిటిస్ట్ కాన్సెప్ట్’- సుప్రీంకోర్టుతో కేంద్రం

స్వలింగ సంపర్కుల వివాహం పట్టణ ఉన్నతవాద భావన అని కేంద్ర ప్రభుత్వం వ్యాఖ్యానించింది. ఇది దేశ సామాజిక విలువలకు చాలా దూరంగా ఉంటుందని పేర్కొంది. ఈ మేరకు సుప్రీంకోర్టులో కేంద్రం అఫిడవిట్ దాఖలు చేసింది. 

స్వలింగ సంపర్కుల వివాహం అనేది దేశ సామాజిక విలువలకు చాలా దూరంగా ఉన్న ‘అర్బన్ ఎలిటిస్ట్ కాన్సెప్ట్ (పట్టణ ఉన్నతవాద భావన)’ అని, దీనికి చట్టపరమైన గుర్తింపు కోరుతూ దాఖలైన అన్ని పిటిషన్లను కొట్టివేయాలని కేంద్రం ప్రభుత్వం సుప్రీంకోర్టుకు తెలిపింది. స్వలింగ సంపర్కుల వివాహాలకు చట్టబద్ధత కల్పించాలని కోరుతూ దాఖలైన పిటిషన్లపై విచారణ జరిపేందుకు ఐదుగురు న్యాయమూర్తులతో కూడిన రాజ్యాంగ ధర్మాసనాన్ని సుప్రీంకోర్టు ఏర్పాటు చేసింది.

ప్రధాన న్యాయమూర్తి జస్టిస్ డీవై చంద్రచూడ్, జస్టిస్ సంజయ్ కిషన్ కౌల్, జస్టిస్ రవీంద్ర భట్, జస్టిస్ హిమా కోహ్లీ, జస్టిస్ పీఎస్ నరసింహలతో కూడిన ధర్మాసనం మంగళవారం ఈ పిటిషన్లపై విచారణ చేపట్టనుంది. ఈ నేపథ్యంలో కేంద్ర ప్రభుత్వం తన అభిప్రాయాన్ని సుప్రీకోర్టుకు ఆదివారం తెలియజేసింది. అందులో స్వలింగ సంపర్కుల కలయికకు అతీతంగా వివాహ భావనను పొడిగించడం కొత్త సామాజిక సంస్థను సృష్టించడంతో సమానమని విచారణకు ముందు కేంద్రం సుప్రీం కోర్టులో అఫిడవిట్ దాఖలు చేసింది.

గ్రామీణ, పాక్షిక గ్రామీణ, పట్టణ ప్రజల విస్తృత అభిప్రాయాలు, గళం, మత వర్గాల అభిప్రాయాలు, వ్యక్తిగత చట్టాలు, వివాహ రంగాన్ని శాసించే ఆచారాలను పరిగణనలోకి తీసుకుని కోర్టు మాత్రమే నిర్ణయం తీసుకోగలదని కేంద్రం తెలిపింది. షెడ్యూల్ విచారణకు రెండు రోజుల ముందు దాఖలు చేసిన దరఖాస్తు ద్వారా ప్రాథమిక అభ్యంతరాలను లేవనెత్తిన కేంద్రం.. పిటిషనర్లు స్వలింగ వివాహ హక్కులను డిమాండ్ చేయడం ద్వారా సామాజిక అంగీకారం కోసం కేవలం పట్టణ ఉన్నత వర్గాల అభిప్రాయాలను ముందుకు తెస్తున్నారని పేర్కొంది.

గ్రామీణ, పాక్షిక గ్రామీణ, పట్టణ ప్రజల విస్తృత అభిప్రాయాలు, గళం, మత వర్గాల అభిప్రాయాలు, వ్యక్తిగత చట్టాలు, వివాహ రంగాన్ని శాసించే ఆచారాలను సమర్థ చట్టసభ పరిగణనలోకి తీసుకోవాలని పేర్కొంది. వివాహం అనేది ఒక సంస్థ, దీనిని సృష్టించవచ్చు, గుర్తించవచ్చు, చట్టబద్ధమైన పవిత్రతను ప్రసాదించవచ్చు, సమర్థవంతమైన చట్టసభ ద్వారా మాత్రమే నియంత్రించబడుతుంది అని కేంద్రం తెలిపింది.

స్వలింగ సంపర్కుల వివాహాన్ని చట్టపరంగా ధృవీకరించాలని కోరుతూ దాఖలైన పిటిషన్లను గత నెలలో కేంద్రం వ్యతిరేకించింది. ఇది వ్యక్తిగత చట్టాల సున్నితమైన సమతుల్యత, ఆమోదించిన సామాజిక విలువలను పూర్తిగా దెబ్బతీస్తుందని పేర్కొంది. వివాహ వ్యవస్థకు ఒక పవిత్రత ఉందని, దేశంలోని ప్రధాన ప్రాంతాల్లో దీనిని ఒక సంస్కారంగా, పవిత్ర కలయికగా పరిగణిస్తున్నారని కేంద్రం తెలిపింది.

భారతదేశంలో పురుషుడు, మహిళ మధ్య వివాహానికి చట్టబద్ధమైన గుర్తింపు ఉన్నప్పటికీ, వివాహం తప్పనిసరిగా పురాతన ఆచారాలు, ఆచారాలు, సాంస్కృతిక విలువలు, సామాజిక విలువలపై ఆధారపడి ఉంటుందని తెలిపింది.