20వ తేదీలోపు రష్యా దాడి చేయవచ్చు.. ఉక్రెయిన్లోని పౌరులకు అమెరికా వార్నింగ్
సారాంశం
ఉక్రెయిన్పై రష్యా ఏ క్షణంలోనైనా దాడి చేయవచ్చని అమెరికా హెచ్చరించింది. అందుకే ఉక్రెయిన్లోని అమెరికా పౌరులు వెంటనే ఆ దేశం వదిలి వెళ్లిపోవాలని సూచించింది. వచ్చే 48 గంటల్లో ఉక్రెయిన్లో ఉండరాదని తెలిపింది. ఎలాంటి కార్యక్రమాలు ఉన్నా రద్దు చేసుకుని దేశం వీడాలని పేర్కొంది. రష్యా ఇప్పటికే ఉక్రెయిన్ సరిహద్దులో 10వేల బలగాలను మోహరించిందని వివరించింది.
న్యూఢిల్లీ: ఉక్రెయిన్(Ukraine) వేదికగా పశ్చిమ దేశాలు, రష్యా(Russia)కు మధ్య యుద్ధ వాతావరణం నెలకొంది. ముఖ్యంగా అమెరికా(America)కు రష్యాకు మధ్య ఉద్రిక్తతలు పెరుగుతున్నాయి. ఈ నేపథ్యంలోనే పరస్పరం ఒక దేశంపై మరో దేశం వేడి వేడి కామెంట్లు చేసుకుంటున్నాయి. ఇదే సందర్భంలో అమెరికా అనూహ్య రీతిలో హెచ్చరికలు చేసింది. ఉక్రెయిన్లోని తమ పౌరులు వెంటనే ఆ దేశం వదిలి బయటకు వెళ్లాలని వార్నింగ్ ఇచ్చింది. వచ్చే 48 గంటల్లో ఎట్టి పరిస్థితుల్లో ఉక్రెయిన్ దేశం వీడాలని బుధవారం ఆదేశించింది. రష్యా ఎప్పుడైనా ఉక్రెయిన్పై దాడి చేయవచ్చని హెచ్చరించింది.
రష్యా సన్నిహిత దేశం చైనాలో త్వరలో ఒలింపిక్స్ గేమ్స్ జరగనున్న సంగతి తెలిసిందే. ఆ ఆటకు ఆటంకం కలుగకూడదనే ఉద్దేశంతో రష్యా ఇప్పుడే ఎలాంటి అవాంఛనీయ నిర్ణయాలు తీసుకోకపోవచ్చు అనే అభిప్రాయాలు రాజకీయ విశ్లేషకుల్లో ఉన్నాయి. అయితే, అమెరికా ఈ అభిప్రాయాలను తప్పుపట్టింది. రష్యా ఏ క్షణంలోనైనా ఉక్రెయిన్పై విరుచుకుపడవచ్చని తెలిపింది. ఫిబ్రవరి 20వ తేదీలోపు క్షిపణులు, వైమానిక దాడులు చేయవచ్చని పేర్కొంది. ఇప్పటికే ఉక్రెయిన్ సమీపంలో సరిహద్దు వద్ద సుమారు 10వేల రష్యా ట్రూపులు మోహరించి ఉన్నాయని తెలిపింది.
వాషింగ్టన్లో వైట్ హౌజ్ నేషనల్ సెక్యూరిటీ అడ్వైజర్ జేక్ సలీవన్ విలేకరులతో మాట్లాడారు. రష్యా ఏ క్షణంలోనైనా ఉక్రెయిన్పై దాడి చేసే అవకాశాలు మెండుగా ఉన్నాయని ఆయన వివరించారు. అయితే, రష్యా అధ్యక్షుడు ఈ విషయమై ఇప్పటికే నిర్ణయాలు తీసుకున్నారా? లేదా? ఏ సమయంలో దాడి చేయాలని భావిస్తున్నారు? అనే విషయాలపై ఇంకా స్పష్టత లేదని తెలిపారు. ఉక్రెయిన్లో రష్యా బీభత్సం సృష్టిస్తుందనే అమెరికా అంచనా వేస్తున్నదని పేర్కొన్నారు.
మరోవైపు, అమెరికా రక్షణ మంత్రి లాయిడ్ ఆస్టిన్ మాట్లాడుతూ, "ఉక్రెయిన్పై దాడి చేయడానికి అధ్యక్షుడు పుతిన్ తుది నిర్ణయం తీసుకున్నారని మేము నమ్మడం లేదు, అయితే అతను దానిని చేయగల సామర్థ్యం స్పష్టంగా కనిపిస్తుంది." ఉద్రిక్తతలను తగ్గించాలని ఆస్టిన్ పుతిన్ను కోరారు. రష్యా చేస్తున్న ప్రచారంపై ఓ కన్నేసి ఉంచినట్లు ఆయన తెలిపారు. అయితే, సంక్షోభాన్ని నివారించడానికి చర్చలు ఇంకా జరగవచ్చని రష్యా పేర్కొంది. అయితే ఉక్రెయిన్ సరిహద్దులో సైనిక సమావేశం జరుగుతున్న తీరు చూస్తుంటే యుద్ధ భయాలు మరింత ముదురుతున్నాయి.
ఇదిలా ఉండగా, గూఢచర్యం కేసులో రష్యా దౌత్యవేత్త ప్రమేయం ఉన్నట్లు గుర్తించిన జర్మనీ ప్రభుత్వం అతడిని బహిష్కరించింది. మ్యూనిచ్లోని రష్యా రాయబార కార్యాలయంలోని ఉద్యోగిని గత వేసవిలో అవాంఛనీయ వ్యక్తిగా ప్రకటించి దేశం విడిచి వెళ్లమని కోరినట్లు విదేశాంగ మంత్రిత్వ శాఖ ధృవీకరించింది. అతను తొలగింపు గురించి ఇంతకుముందు ప్రకటించలేదు అలాగే కేసు వివరాలను అందించలేదు.
కాగా, యూఎస్ జాయింట్ చీఫ్స్ ఆఫ్ స్టాఫ్కు చెందిన ఆర్మీ జనరల్ మార్క్ మిల్లీ ఉక్రెయిన్ సమీపంలో ఉన్న రష్యన్ దళాల భయంకరమైన చిత్రాన్ని చిత్రించాడు. భూమి, గాలి, నీటిలో బలగాలను మోహరించడంతో పాటు సైబర్, ఎలక్ట్రానిక్ వార్ఫేర్ సామర్థ్యాలు, ప్రత్యేక కార్యాచరణ బలగాలు రష్యాకు ఉన్నాయని ఆయన చెప్పారు. "ఉక్రెయిన్ సరిహద్దులో ఇంత పెద్ద సంఖ్యలో రష్యా బలగాలు మోహరించడం నేను ఇంతకు ముందెన్నడూ చూడలేదు" అని జనరల్ మిల్లీ చెప్పారు. వివాదాలకు బదులు దౌత్య మార్గాన్ని అనుసరించాలని పుతిన్ కూడా విజ్ఞప్తి చేశారు. సమాచారం ప్రకారం, ఉక్రెయిన్ సరిహద్దు దగ్గర రష్యా లక్ష మందికి పైగా సైనికులను మోహరించింది.