నాడు విద్యార్థిగా.. నేడు మేజర్ గా.. 21 ఏళ్ల తర్వాత ప్రధాని మోదీతో కలయిక

దీపావళి సందర్భంగా ప్రధాని మోదీ కార్గిల్ లో పర్యటించారు. ఈ తరుణంలో ఓ ఆసక్తికర సంఘటన చోటుచేసుకుంది.2001లో అమిత్ కుమార్ విద్యార్థిగా గుజరాత్‌లో ప్రధాని మోదీని కలిశారు. ఆ సమయంలో ప్రధాని మోదీ గుజరాత్ సీఎంగా ఉన్నారు. 21 ఏళ్ల తర్వాత ఇవాళ అమిత్ కుమార్ కార్గిల్‌లో ప్రధాని మోదీని కలిశారు.

దీపావళి సందర్భంగా ప్రధాని మోదీ కార్గిల్ లో పర్యటించారు. గతంలో మాదిరిగానే ఈసారి కూడా ప్రధాని  సైనికులతో కలిసి దీపావళి జరుపుకున్నారు. ఈ తరుణంలో ఓ ఆసక్తికర సంఘటన చోటుచేసుకుంది. భారత సైన్యంలో మేజర్ గా పని చేస్తున్న అమిత్ కుమార్‌ జీవితంలో మరింత ప్రత్యేకమైనది. 

అమిత్ కుమార్ 21 సంవత్సరాల తర్వాత ఒక మేజర్ హోదాలో ప్రధాని మోదీని కలిశారు.ఈ  ఆర్మీ అధికారి గతంలో 2001 నవంబర్‌లో గుజరాత్‌లోని బాలచాడిలో సైనిక్ స్కూల్ విద్యార్థిగా ఉన్నప్పుడు అప్పటి గుజరాత్ ముఖ్యమంత్రి నరేంద్ర మోడీని కలిశారు. నరేంద్ర మోడీ గుజరాత్ ముఖ్యమంత్రిగా నవంబర్ 2001లో రాష్ట్రంలోని జామ్‌నగర్ జిల్లాలోని బాలచాడిలోని సైనిక్ స్కూల్‌ను సందర్శించారు. ఈ సందర్భంగా ఆయన పాఠశాల విద్యార్థులతో ముచ్చటించి అవార్డులను అందజేశారు.

21 ఏళ్ల తర్వాత ప్రధానిని కలిసిన జవాన్ 

21 సంవత్సరాల క్రితం అమిత్ కుమార్.. ఆ నాటి గుజరాత్ ముఖ్యమంత్రి నరేంద్ర మోడీ నుంచి విద్యార్థిగా అవార్డును అందుకున్నారు. ఈ రోజు భారత సైన్యంలో మేజర్‌గా ప్రధానిని కలిశారు. అమిత్ కుమార్ ఇప్పుడు కార్గిల్‌లో మేజర్‌గా నియమితులయ్యారు. కార్గిల్‌లో ప్రధాని మోదీకి జవాన్లు ఘనస్వాగతం పలికారు. 

దీపావళి నాడు..ప్రధాని మోదీ చేరిన వెంటనే సైనికులు 'వందేమాతరం' మరియు 'భారత్ మాతా కీ జై' నినాదాలు చేశారు. ఈ సందర్భంగా ప్రధాని మోదీ మాట్లాడుతూ.. 'నాకు మీరు ఇన్నాళ్లు నా కుటుంబంగా ఉన్నారు. కార్గిల్‌లో నా వీర జవాన్లతో కలిసి దీపావళిని గడపడం నా అదృష్టం' అని అన్నారు.

దేశప్రజలకు ప్రధాని మోదీ దీపావళి శుభాకాంక్షలు  

"సైన్యాలు భారతదేశ భద్రతకు మూలస్తంభాలు. ఈ విజయభూమి కార్గిల్ నుండి దేశప్రజలకు, ప్రపంచానికి దీపావళి శుభాకాంక్షలు తెలియజేస్తున్నాను అని పేర్కొన్నారు.  ప్రధాని మోదీ గుజరాత్ ముఖ్యమంత్రిగా ఉన్నప్పటి నుండి దీపావళి రోజున సైనికులను సందర్శిస్తున్నారు.

అలాగే.. భారతదేశం ఎప్పుడూ యుద్ధాన్ని చివరి ఆప్షన్‌గా చూస్తుందని, అయితే సాయుధ బలగాలు దేశంపై చెడు దృష్టి పెట్టలేవని, తగిన సమాధానం చెప్పే శక్తి ,వ్యూహం భారత్ కు ఉందని ప్రధాని  మోదీ అన్నారు. ఆయన ఇంకా మాట్లాడుతూ.."భారత్ విజయ పతాకాన్ని ఎగురవేసినప్పుడు పాకిస్తాన్‌తో ఎప్పుడూ యుద్ధం జరగలేదు. దీపావళి "ఉగ్రవాద ముగింపు పండుగ" అని ఆయన అన్నారు. దేశ సరిహద్దుల్లో దీపావళి జరుపుకునే సంప్రదాయాన్ని కొనసాగిస్తున్న ప్రధాని  ఇంకా మాట్లాడుతూ.. కార్గిల్ యుద్థాన్ని తాను దగ్గరి నుంచి చూశాననీ, విజయ స్వరం చుట్టుపక్కల ప్రతిధ్వనించిన ఆ కాలపు జ్ఞాపకాలు ఎన్నో ఉన్నాయని అన్నారు. 

గత ఎనిమిదేళ్లుగా..ప్రభుత్వం కొత్త సాంకేతిక పరిజ్ఞానాన్ని అవలంబించడం ద్వారా సరిహద్దు ప్రాంతాల్లో మౌలిక సదుపాయాలను అభివృద్ధి చేయడం, సైనిక దళాలలో మహిళలను చేర్చడం ద్వారా సాయుధ దళాలలో సంస్కరణలను అమలు చేయడంపై కృషి జరుగుతోందని అన్నారు.

సాయుధ దళాల్లో మహిళల చేరికతో దేశ బలం పెరుగుతుందని పేర్కొన్నారు.సరిహద్దులు భద్రంగా, ఆర్థిక వ్యవస్థ పటిష్టంగా, సమాజం విశ్వాసంతో నిండినప్పుడే దేశం సురక్షితంగా ఉంటుందని అన్నారు. భారతదేశం తన శత్రువులతో బాహ్యంగానూ, అంతర్గతంగానూ పూర్తి శక్తితో వ్యవహరిస్తోందనీ,దేశంలోనే 'ఉగ్రవాదం, నక్సలిజం, తీవ్రవాదం' నిర్మూలనకు తీసుకున్న చర్యల గురించి  ప్రధాని వివరించారు.