"అది హల్దీ ఘాటీ అయినా.. గాల్వన్ వ్యాలీ అయినా.. భారత్ ఎప్పుడూ తలవంచలేదు" : రాజ్నాథ్ సింగ్
సారాంశం
మహారాష్ట్రలోని శంభాజీ నగర్లో వీర శిరోమణి మహారాణా ప్రతాప్ గౌరవార్థం ఆదివారం ఏర్పాటు చేసిన కార్యక్రమంలో రక్షణ మంత్రి రాజ్నాథ్ సింగ్ ప్రసంగించారు.
అప్పుడు హల్దీ ఘాటి వద్ద మహారాణా ప్రతాప్ అయినా.. ఇప్పుడు గాల్వాన్ ఘాటి (లోయ) వద్ద ఉన్న భారత సైన్యం అయినా ఎన్నడూ తలవంచలేదు. ఎప్పటికీ తలవంచదు అని రక్షణ మంత్రి రాజ్నాథ్ సింగ్ పేర్కొన్నారు. మహారాష్ట్రలోని ఛత్రపతి శంభాజీ నగర్లో జరిగిన 'వీర్ శిరోమణి మహారాణా ప్రతాప్ మహాసమ్మేళన్'కు ఆయన హాజరయ్యారు. ఈ కార్యక్రమంలో ప్రసంగిస్తూ.. మహారాణా ప్రతాప్పై రాజ్నాథ్ సింగ్: మహారాష్ట్రలోని శంభాజీ నగర్లో వీర శిరోమణి మహారాణా ప్రతాప్ గౌరవార్థం ఆదివారం ఏర్పాటు చేసిన కార్యక్రమంలో రక్షణ మంత్రి రాజ్నాథ్ సింగ్ ప్రసంగించారు.
ఆయన మాట్లాడుతూ- భారతదేశంలో హైందవి సామ్రాజ్యాన్ని స్థాపించిన ప్రజల నాయకుడు ఛత్రపతి శివాజీ మహారాజ్ సృష్టించిన శౌర్యం , శౌర్య సంప్రదాయాన్ని శంభాజీ మహారాజ్ చక్కగా నిర్వహించారు. తరువాత ఈ సంప్రదాయం భారతదేశంలో మరాఠా సామ్రాజ్య ఆవిర్భావం రూపంలో బలపడిందని అన్నారు. ఔరంగాబాద్ నగరం పేరును శంభాజీ మహారాజ్ పేరు మీదుగా శంభాజీ నగర్గా మార్చినందుకు తాను సంతోషిస్తున్నానని తెలిపారు. ఇందుకు ముఖ్యమంత్రి ఏక్నాథ్ షిండే, ఉప ముఖ్యమంత్రి దేవేంద్ర ఫడ్నవీస్తో సహా మొత్తం రాష్ట్ర ప్రభుత్వాన్ని అభినందిస్తున్నానని అన్నారు.
చరిత్ర గురించి తెలుసుకోవాలని ప్రజలను ప్రోత్సహిస్తూ, భారతదేశం గతంలో ఎన్నడూ తలవంచలేదని , భవిష్యత్తులో కూడా అలా ఎక్కడ కూడా తలవంచబోదని తెలిపారు. మహారాణా ప్రతాప్, ఛత్రపతి శివాజీ మహారాజ్, ఛత్రపతి శంభాజీ మహారాజ్ వంటి మహానీయుల జీవితపు పేజీలను తిరగేయాలనీ, మానవ జీవితంలో ఆత్మగౌరవం కంటే ముఖ్యమైనది మరొకటి లేదని రాజ్నాథ్ సింగ్ పేర్కొన్నారు. అది హల్దీఘాటీ అయినా, గాల్వన్ వ్యాలీ అయినా, భారత్ తల వంచలేదు లేదా ఎప్పుడూ వంగి ఉండదు.. మేము ఎవరినీ ఆటపట్టించము, కానీ ఎవరైనా మమ్మల్ని ఆటపట్టిస్తే.. మాత్రం వారిని వదిలిపెట్టం, ఇది మా సంకల్పమని పేర్కొన్నారు.
ఆ కాలంలో మహారాణా ప్రతాప్ అంకితభావాన్ని సరిగ్గా అర్థం చేసుకుంటే.. ఆ కాలాన్ని 'మొఘల్ కాలం' అని కాకుండా 'మహారాణా కాలం' అని పిలుస్తారని ఆయన అన్నారు. ఒకరిది మాతృభూమి పట్ల ఇంత అంకితభావం, మరొకరిది మతం పట్ల ఇంత లోతైన భక్తి చాలా అరుదుగా కనిపిస్తాయి. మహారాణా ప్రతాప్ గడ్డితో చేసిన రోటీలు తిన్నాడు, కానీ తన ఆత్మగౌరవంతో ఎప్పుడూ రాజీపడలేదని ఆయన అన్నారు
ఏ ఇతర దేశాల నేతలు చేయలేని పనిని ప్రధాని మోడీ చేశాడని రక్షణ మంత్రి రాజ్నాథ్ సింగ్ అన్నారు. యుద్దంలో అతలాకుతలమైన ఉక్రెయిన్ నుంచి భారతీయ విద్యార్థులను సురక్షితంగా తరలించడంలో ప్రధాని నరేంద్ర మోదీ కీలకపాత్ర పోషించారని అన్నారు. 'ప్రధాని మోదీ.. రష్యన్ అధ్యక్షుడు వ్లాదిమిర్ పుతిన్, ఉక్రెయిన్ అధ్యక్షుడు వోలోడిమిర్ జెలెన్స్కీ లతో మాట్లాడారనీ, అతను అవసరమైనప్పుడు (యుఎస్ ప్రెసిడెంట్ జో) బిడెన్తో కూడా మాట్లాడాడు.
ప్రధాని మోడీ వల్ల యుద్ధం కొంతకాలం ఆగిపోయింది. ఉక్రెయిన్లో చిక్కుకున్న భారతీయ విద్యార్థులు స్వదేశానికి తిరిగి రావచ్చారని తెలిపారు. మోదీ ప్రధాని కాలంలో భారత్ నుంచి ఆయుధాల ఎగుమతులు పెరిగిందనీ, 2014లో రూ.900 కోట్లుగా ఉంటే ఇప్పుడు రూ.16,000 కోట్లకు పైగా పెరిగాయని రాజ్నాథ్ సింగ్ అన్నారు.