ప్రయాగరాజ్ కుంభమేళా కోసం హైటెక్ యాప్ ... ఎలా ఉపయోగపడుతుందో తెలుసా?
By Arun Kumar P | First Published Dec 20, 2024, 2:31 PM IST2025 మహాకుంభ్‌లో పోలీసుల కోసం ప్రత్యేక యాప్‌ను రూపొందిస్తున్నారు. ఈ యాప్ ద్వారా వారికి మేళా ప్రాంతం, మార్గాలు, ముఖ్య ప్రదేశాలు, అధికారుల నంబర్లు వంటి సమాచారం అందుబాటులో ఉంటుంది.
మహా కుంభమేళా : 2025 మహా కుంభమేళా సమీపిస్తున్న నేపథ్యంలో యోగి ప్రభుత్వం ఏర్పాట్లను చురుగ్గా పూర్తి చేస్తోంది. ఈసారి మహాకుంభ్ డిజిటల్ రూపం దాల్చనుంది. సీఎం యోగి ఆలోచన ప్రకారం.. ఈ కుంభమేళాలో విధులు నిర్వర్తించే పోలీసుల కోసం ప్రత్యేక యాప్‌ను అభివృద్ధి చేయనున్నారు. ఈ యాప్ ద్వారా మేళా ప్రాంతం, మార్గాలు, ముఖ్య ప్రదేశాలు, అధికారుల నంబర్లు వంటి సమాచారం అందుబాటులో ఉంటుంది. జనసమూహాల నిర్వహణ, అత్యవసర పరిస్థితుల్లో వేగంగా స్పందించడానికి ఇది ఉపయోగపడుతుంది.
ఈ మొబైల్ యాప్ కుంభమేళా వంటి భారీ కార్యక్రమాల్లో పోలీసుల సామర్థ్యాన్ని, సమన్వయాన్ని, ప్రతిస్పందన సామర్థ్యాన్ని పెంచడానికి ఉద్దేశించబడింది. ఇప్పటికే ప్రయాగరాజ్ కుంభమేళాకు కోట్ల మంది సందర్శకులు వస్తారని అంచనా వేస్తున్నారు.కాబట్టి ఈ యాప్ పోలీసుల మధ్య సమర్థవంతమైన కమ్యూనికేషన్, లా ఆండ్ ఆర్డర్ నిర్వహణ, సమాచార మార్పిడికి వేదికగా ఉపయోగపడుతుంది.
పోలీసులకు యాప్ ఉపయోగాలు
Latest Videos
undefined
ప్రజల భద్రత, శాంతిభద్రతలను కాపాడటం, అత్యవసర పరిస్థితుల్లో పోలీసులు వేగంగా స్పందించడంలో ఈ యాప్ కీలక పాత్ర పోషిస్తుంది. చాట్, సంఘటనల రిపోర్టింగ్ ద్వారా అధికారుల మధ్య సమన్వయం, కమ్యూనికేషన్ సులభతరం అవుతుంది. సమాచారం త్వరగా అందించడం, సంఘటనలను నమోదు చేయడం, ట్రాక్ చేయడం వంటివి సాధ్యమవుతాయి.
- త్వరిత నిర్ణయాలు
- ముఖ్యమైన ఎస్ఓపీలు, మార్గదర్శకాలు అందుబాటులో ఉంటాయి.
- తాజా ప్రోటోకాల్స్, ప్రణాళికల సమాచారం అందుతుంది.
- అధికారుల కాంటాక్ట్ వివరాలు అందుబాటులో ఉంటాయి.
- వివిధ భాషలకు మద్దతు లభిస్తుంది.
- మేళా ప్రాంతం మ్యాప్, ముఖ్య ప్రదేశాల సమాచారం ఉంటుంది.
- పుష్ నోటిఫికేషన్లు, వస్తువులు కనిపెట్టడం, రిసోర్స్ ట్రాకింగ్, సంఘటనల విశ్లేషణ, డ్యూటీ రోస్టర్, సందర్శకుల నిర్వహణ వంటి వాటికి ఉపయోగపడుతుంది.
మేళాకు ముందు ప్రతి పోలీసు మొబైల్‌లోనూ యాప్
ఎస్ఎస్పీ రాజేష్ కుమార్ ద్వివేది మాట్లాడుతూ... ఈ యాప్ మహాకుంభ్‌లో విధులు నిర్వర్తించే పోలీసులకు ఎంతో ఉపయోగకరంగా ఉంటుందని చెప్పారు. మేళా ప్రాంతం, మార్గాలు, ఇతర సమాచారం వారికి అందుబాటులో ఉంటుంది. మహాకుంభ్ ప్రారంభానికి ముందే ఈ యాప్ అందుబాటులోకి వస్తుంది. ప్రతి పోలీసు మొబైల్‌లోనూ దీన్ని డౌన్‌లోడ్ చేస్తారు. యాప్ అభివృద్ధికి సంస్థను ఎంపిక చేసే ప్రక్రియ కొనసాగుతోంది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి